ବାସୁଦେବପୁର ୦୩/୦୬; ବୃଦ୍ଧାଙ୍କ ମୃତ୍ୟୁକୁ ନେଇ ଭଦ୍ରକ ଜିଲ୍ଲା ବାସୁଦେବପୁର ସ୍ଥିତ ଜାଫରପୁର ଗାଁରେ ଥିବା ବାଲାଜୀ ବାସନ୍ତୀ ବୃଦ୍ଧାଶ୍ରମରେ ଶୋକର ଛାୟା । ୮୫ ବର୍ଷ ବୟସରେ ବୃଦ୍ଧା ଅହଲ୍ୟା ବଳଙ୍କ ମୃତ୍ୟୁ ହୋଇଛି । ସେ କିଛି ଦିନ ହେଲା ବାର୍ଦ୍ଧକ୍ୟ ଜନିତ ରୋଗରେ ପୀଡ଼ିତ ଥିଲେ । ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି ।
ସୂଚନା, ବାସୁଦେବପୁର ମୁନିସିପାଲିଟି ସ୍ଥିତ ଜାଫରପୁର ଗ୍ରାମରେ ବାଲାଜୀ ବାସନ୍ତୀ ଵୃଦ୍ଧାଶ୍ରମ ରହିଛି । ସେଠାରେ ୩୦ରୁ ଉର୍ଦ୍ଧ୍ବ ବୃଦ୍ଧ ଏବଂ ବୃଦ୍ଧା ଆଶ୍ରୟ ନେଇଛନ୍ତି । ଏମାନଙ୍କ ମଧ୍ୟରୁ ଆଜି ଚାନ୍ଦବାଲି ବ୍ଲକ୍ ସୁବଧିଆ ଗାଁର ଅହଲ୍ୟା ବଳଙ୍କ ମୃତ୍ୟୁ ହୋଇଛି । ସେ ବାର୍ଦ୍ଧକ୍ୟ ଜନିତ ରୋଗରେ ପୀଡିତ ହୋଇ ଚିକିତ୍ସିତ ହେଉଥିଲେ । ଅହଲ୍ୟାଙ୍କ ମୃତ୍ୟୁ ନେଇ ପରିବାର ଲୋକଙ୍କୁ ଖବର ଦେଇଥିଲେ ଆଶ୍ରମ କର୍ତ୍ତୃପକ୍ଷ, ହେଲେ ବୃଦ୍ଧାଙ୍କ ପରିବାର ଲୋକ ଆସିନଥିଲେ । ଶେଷରେ ଟ୍ରଷ୍ଟର ସଭାପତି, ସମ୍ପାଦକଙ୍କ ସହିତ ସଦସ୍ୟ ସଦସ୍ୟାଙ୍କ ବୃଦ୍ଧାଙ୍କୁ କାନ୍ଧରେ ଅନ୍ତିମ ସଂସ୍କାର କରିଛନ୍ତି ।
