ନୂଆଦିଲ୍ଲୀ: ଜେଲ୍ରେ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ ମିଠା ଖାଇବା ପ୍ରସଙ୍ଗରେ ବିଜେପିକୁ ଟାର୍ଗେଟ କରିଛନ୍ତି ଦିଲ୍ଲୀ ସରକାରଙ୍କ ମନ୍ତ୍ରୀ ଅତିଶୀ । ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଘର ରନ୍ଧା ଖାଦ୍ୟ ଯେପରି ନ ପାଆନ୍ତି ସେଥିପାଇଁ ଉଦ୍ୟମ କରାଯାଉଛି ବୋଲି ସେ ଅଭିଯୋଗ କରିଛନ୍ତି । ଇଡି ମାଧ୍ୟମରେ ତାଙ୍କ ସ୍ୱାସ୍ଥ୍ୟକୁ କ୍ଷତି ପହଞ୍ଚାଇବାକୁ ବିଜେପି ଚେଷ୍ଟା କରୁଛି ବୋଲି ସେ କହିଛନ୍ତି । ଏଥିସହ ସେ କହିଛନ୍ତି ଯେ, ମୁଖ୍ୟମନ୍ତ୍ରୀ କେଜ୍ରିୱାଲ ଜେଲରେ ମିଠା ଚା ପିଉଛନ୍ତି ଏବଂ ମିଠା ଖାଉଛନ୍ତି ବୋଲି କୋର୍ଟରେ ମିଛ କହିଛି ଇଡି । ସେ ଏହା ମଧ୍ୟ କହିଛନ୍ତି ଯେ, ସିଏମ କେଜ୍ରିୱାଲ ଅଲଟରନେଟିଭ୍ ସୁଗାର ବ୍ୟବହାର କରୁଛନ୍ତି।
ଅତିଶୀ ଅଭିଯୋଗ କରିଛନ୍ତି ଯେ, ସିଏମ କେଜ୍ରିୱାଲଙ୍କ ବିରୋଧରେ ବିଜେପି ଏକ ବଡ଼ ଷଡଯନ୍ତ୍ର କରୁଛି । ସେମାନେ ଅରବିନ୍ଦ କେଜ୍ରିୱାଲଙ୍କ ଜୀବନ ନେବାକୁ ଷଡଯନ୍ତ୍ର କରୁଛନ୍ତି । ଅରବିନ୍ଦ କେଜ୍ରିୱାଲ ହେଉଛନ୍ତି ସେହି ବ୍ୟକ୍ତି ଯାହାକୁ ଦିଲ୍ଲୀରେ ବିଜେପି ପରାସ୍ତ କରିପାରିବ ନାହିଁ । ସେ କହିଛନ୍ତି ଯେ ସିଏମ କେଜ୍ରିୱାଲ ୩୦ ବର୍ଷ ଧରି ମଧୁମେହରେ ପୀଡିତ ଅଛନ୍ତି ।
ଦିଲ୍ଲୀ ମନ୍ତ୍ରୀ ଅତିଶୀ ଆହୁରି କହିଛନ୍ତି ଯେ,"ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ତାଙ୍କ ସୁଗର ସ୍ତରକୁ ନିୟନ୍ତ୍ରଣ କରିବା ପାଇଁ ପ୍ରତିଦିନ ୫୪ ୟୁନିଟ୍ ଇନସୁଲିନ୍ ନିଅନ୍ତି । କୌଣସି ଡାକ୍ତର ନିଶ୍ଚିତ କରିପାରିବେ ଯେ, କେବଳ ମଧୁମେହରେ ପୀଡିତ ବ୍ୟକ୍ତି ୫୪ ୟୁନିଟ୍ ଇନସୁଲିନ୍ ନେଇପାରିବେ କି ନାହିଁ । ତେବେ ବିଜେପି ଏହାର ସହଯୋଗୀ ସଂଗଠନ ଇଡି ମାଧ୍ୟମରେ ତାଙ୍କ ସ୍ୱାସ୍ଥ୍ୟ ନଷ୍ଟ କରିବାକୁ ଚେଷ୍ଟା କରୁଛି ଏବଂ ତାଙ୍କୁ ଘର ଖାଦ୍ୟ ଖାଇବା ବନ୍ଦ କରିବାକୁ ଚେଷ୍ଟା କରୁଛି ବୋଲି ସେ ଅଭିଯୋଗ କରିଛନ୍ତି ।