ନୂଆଦିଲ୍ଲୀ,୧୦/୦୮: ଆମ ସେନା ଚିଫ୍ ଫିଳ୍ଡ ମାର୍ଶାଲ ହୋଇଥିଲେ । ଆମେ ଚେସ୍ ଖେଳ ପରି ତାଙ୍କୁ ଚମ୍କା ଦେଇଛୁ । ତାଙ୍କ ସହ ସତରଞ୍ଜ ଖେଳିଥିଲୁ । ଯଦି ତୁମେ କୌଣସି ପାକିସ୍ତାନକୁ ପଚାର ତୁମ ହାରିଛି ନା ଜିତିଛ, ତ ସେମାନେ କହିବେ ମୋର ଆର୍ମି ଚିଫ୍ ଫିଲ୍ଡ ମାର୍ଶାଲ ହୋଇଯାଇଥିଲା । ଆମେ ହିଁ ଜତିଛୁ , ସେଥିପାଇଁ ତ ଫିଲ୍ଡ ମାର୍ଶାଲ ହୋଇଛୁ । 'ଅପରେସନ୍ ସିନ୍ଦୂର' ଯୋଜନା ନେଇ ପ୍ରଥମ ଥର ସାର୍ବଜନିନ ରୂପରେ ବଡ଼ ବୟାନ ଦେଇଛନ୍ତି ସେନାମୁଖ୍ୟ ଉପେନ୍ଦ୍ର ଦ୍ୱିବେଦୀ । ଆଇଆଇଟି ମାଡ୍ରାସରେ ଭାରତୀୟ ସେନାର ଗବେଷଣା ଶାଖା ଅଗ୍ନିଶୋଧ ଉଦଘାଟନ୍ ସମୟରେ ସେ ଅପରେସନ ସିନ୍ଦୂରର ରଣନୀତି ଚେସ୍ ଖେଳିବା ଭଳି ଥିଲା ବୋଲି କହିଛନ୍ତି ।
'ଅପରେସନ୍ ସିନ୍ଦୂର' ରଣନୀତି- ସେନାମୁଖ୍ୟ ଜେନେରାଲ ଦ୍ୱିବେଦୀ କହିଛନ୍ତିଏପ୍ରିଲ ୨୩ରେ ଯୋଜନା ଆରମ୍ଭ ହୋଇଥିଲା । ତିନି ସେନାମୁଖ୍ୟ, ରକ୍ଷାମନ୍ତ୍ରୀ ରାଜନାଥ ସିଂହ ଆଲୋଚନା ହୋଇଥିଲା । 'ଅପରେସନ ସିନ୍ଦୂର'ର ରଣନୀତି ଚେସ୍ ଖେଳିବା ପରି ଥିଲା । 'ସିନ୍ଦୂର' ଗ୍ରେ ଜୋନରେ ହୋଇଥିଲା, ଯାହା ଅପ୍ରତ୍ୟାଶିତ ଥିଲା ଏବଂ ପାରମ୍ପରିକ ସାମରିକ ମୁକାବିଲା ଅପେକ୍ଷା ଟିକେ କମ୍ ଥିଲା । ଆମେ ଅପରେସନ ସିନ୍ଦୂରରେ ଯାହା କଲୁ ତାହା ଚେସ୍ ଖେଳିବା ପରି ଥିଲା । ଏହାର ଅର୍ଥ ହେଉଛି ଆମେ ଜାଣି ନଥିଲୁ ଯେ ଶତ୍ରୁ କେଉଁ ପଦକ୍ଷେପ ନେବାକୁ ଯାଉଛି । ଏହା ଏକ ଗ୍ରେ ଜୋନ୍ ଥିଲା। ଗ୍ରେ ଜୋନ୍ ଅର୍ଥ ହେଉଛି ଆମେ ଏକ ପାରମ୍ପରିକ ଅପରେସନ କରୁନାହୁଁ, କିନ୍ତୁ ଆମେ ଏପରି କିଛି କରୁଛୁ ଯାହା ପାରମ୍ପରିକ ଅପରେସନ ଅପେକ୍ଷା ଟିକିଏ କମ୍ ।
ସେନାକୁ ମିଳିଥିଲା ପୂର୍ଣ୍ଣ ସ୍ୱାଧୀନତା- ସେନା ମୁଖ୍ୟ କହିଛନ୍ତି ଯେ, ପହଲଗାମ ଆତଙ୍କୀ ଆକ୍ରମଣରେ ଆତଙ୍କବାଦୀମାନେ ୨୬ ଜଣ ପର୍ଯ୍ୟଟକଙ୍କୁ ହତ୍ୟା କରିଥିଲେ । ଏହାର ପ୍ରତିଶୋଧ ନେବା ପାଇଁ, ସେନା ମେ' ୭ରେ ଅପରେସନ୍ ଆରମ୍ଭ କରିଥିଲା । ଏହାର ଉଦ୍ଦେଶ୍ୟ ଥିଲା ଆତଙ୍କବାଦ ଉପରେ ଆକ୍ରମଣ କରିବା । ଏହି ଅପରେସନ ସମୟରେ, ପ୍ରତିରକ୍ଷା ମନ୍ତ୍ରୀ ଏବଂ ପ୍ରଧାନମନ୍ତ୍ରୀଙ୍କ ଦ୍ୱାରା ସେନାକୁ ପୂର୍ଣ୍ଣ ସ୍ୱାଧୀନତା ଦିଆଯାଇଥିଲା । ସମସ୍ତେ ୨୩ ଏପ୍ରିଲରେ ଏକ ବୈଠକ କରିଥିଲୁ । ଏହି ବୈଠକରେ ସ୍ପଷ୍ଟ ଭାବରେ କୁହାଯାଇଥିଲା ଯେ, ବହୁତ ହୋଇଗଲା । ଏହି ଆକ୍ରମଣର ଏକ କଡ଼ା ଜବାବ ଦେବାକୁ ପଡିବ । ସେନାକୁ କ'ଣ କରିବାକୁ ହେବ ଏବଂ କିପରି କରିବାକୁ ହେବ ତାହାର ଦାୟିତ୍ୱ ଦିଆଯାଇଥିଲା ।
'ଅପରେସନ୍ ସିନ୍ଦୂର' ଉରି ଏବଂ ବାଲାକୋଟଠାରୁ ଭିନ୍ନ ଥିଲା ? ସେନା ମୁଖ୍ୟ କହିଛନ୍ତି ଯେ, ଏପ୍ରିଲ ୨୫ ସୁଦ୍ଧା, ଉତ୍ତରକମାଣ୍ଡ ୯ଟି ଯୋଜନାବଦ୍ଧ ଟାର୍ଗେଟରୁ ୭ଟି ଗୁରୁତ୍ୱପୂର୍ଣ୍ଣ ସ୍ଥାନରେ ଆକ୍ରମଣ କରିବାକୁ ପ୍ରସ୍ତୁତ ହୋଇସାରିଥିଲା । ଏଥିରେ ଅନେକ ଆତଙ୍କବାଦୀଙ୍କୁ ନିପାତ କରାଯାଇଛି । ଅପରେସନ ସିନ୍ଦୂର ଉରି ଏବଂ ବାଲାକୋଟ ଭଳି ପୂର୍ବ ଅପରେସନଠାରୁ ଭିନ୍ନ ଥିଲା । ୨୯ ଏପ୍ରିଲରେ ଆମେ ପ୍ରଥମ ଥର ପାଇଁ ପ୍ରଧାନମନ୍ତ୍ରୀଙ୍କୁ ଭେଟିଥିଲୁ । ଏକ ଛୋଟ ନାମ " ସିନ୍ଦୁର" ସାରା ଦେଶକୁ ଯୋଡିଥାଏ । ଏହା ସମଗ୍ର ଦେଶକୁ ପ୍ରେରଣା ଦେଇଥିଲା । ଏହି କାରଣରୁ ସମଗ୍ର ଦେଶ କହୁଥିଲା ଯେ ତୁମେ କାହିଁକି ଅଟକିଲ ? ଏହି ପ୍ରଶ୍ନ ପଚରାଯାଉଥିଲା ଏବଂ ଏହାର ଉତ୍ତର ଭଲ ଭାବରେ ଦିଆଯାଇଥିଲା ।
