ନୂଆଦିଲ୍ଲୀ,୧୦/୦୮: ଭାରତ ଦୁନିଆର ସବୁଠୁ ଦ୍ରୁତ ବିକାଶଶୀଳ ଦେଶ । କିଛି ଲୋକ ଅଛନ୍ତି ଯେଉଁମାନେ ଭାରତର ବିକାଶକୁ ସହି ପାରୁନାହାନ୍ତି । ନିଜକୁ ଦୁନିଆର ବସ୍ ବୋଲି ବୋଲି କହୁଛନ୍ତି । ସେ ବୁଝି ପାରୁନାହାନ୍ତି ଭାରତ କିପରି ଏତେ ସ୍ପିଡ଼ରେ ଆଗକୁ ବଢୁଛି । କିଛି ବସ୍ ଭାରତର ବିକାଶକୁ ଇର୍ଷା କରୁଛନ୍ତି । ଭୋପାଳରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ପରୋକ୍ଷ ଭାବେ ଟାର୍ଗେଟ କରିଛନ୍ତି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ।

'କିଛି ବସ୍ ଇର୍ଷା କରୁଛନ୍ତି'- ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ କହିଛନ୍ତି, "ଭାରତ ଯେଉଁ ଗତିରେ ବିକାଶ କରୁଛି କିଛି ଲୋକ ଅଛନ୍ତି ଯେଉଁମାନେ ସେଥିରେ ଖୁସି ନୁହଁନ୍ତି । ସେମାନେ ଏହାକୁ ପସନ୍ଦ କରୁନାହାଁନ୍ତି । 'ଆମେ ତ ସମସ୍ତଙ୍କ ବସ୍‌', ଭାରତ ଏତେ ଦ୍ରୁତ ଗତିରେ କିପରି ବିକାଶ କରୁଛି  ? ଅନେକ ଚେଷ୍ଟା କରୁଛନ୍ତି ଯେ, କିଛି ଏମିତି କରାଯାଉ କି, ଭାରତରେ ଭାରତବାସୀଙ୍କ ହାତରେ ତିଆରି ଜିନିଷଗୁଡ଼ିକ ଅନ୍ୟ ଦେଶକୁ ଯାଉ ଓ ସେହି ଦେଶଗୁଡ଼ିକରେ ତିଆରି ଜିନିଷଗୁଡ଼ିକ ଅପେକ୍ଷା ମହଙ୍ଗା ହୋଇଯାଉ । ଯାହା ଫଳରେ ବିଶ୍ୱ ସେଗୁଡ଼ିକୁ କିଣିବ ନାହିଁ । ଏହି ପ୍ରୟାସ କରାଯାଉଛି । କିନ୍ତୁ ଭାରତ ଏତେ ଦ୍ରୁତ ଗତିରେ ଆଗକୁ ବଢ଼ୁଛି, ମୁଁ ପୂର୍ଣ୍ଣ ବିଶ୍ୱାସ ସହିତ କହୁଛି ଯେ ଏବେ ବିଶ୍ୱର କୌଣସି ଶକ୍ତି ଭାରତକୁ ବିଶ୍ୱର ଏକ ବଡ଼ ଶକ୍ତି ହେବାରୁ ରୋକି ପାରିବ ନାହିଁ । "

#WATCH Raisen, Madhya Pradesh: Defence Minister Rajnath Singh says, "There are some people who are not happy with the speed at which India is developing. They are not liking it. 'Sabke boss toh hum hain', how is India growing at such a fast pace? And many are trying that the… pic.twitter.com/kucYjXnNNX

— ANI (@ANI) August 10, 2025

ପ୍ରତିରକ୍ଷାମନ୍ତ୍ରୀ ଆହୁରି କହିଛନ୍ତି କି, ମୁଁ ପ୍ରତିରକ୍ଷା କ୍ଷେତ୍ର ବିଷୟରେ କହିବାକୁ ଚାହିଁବି କି ଆପଣ ଜାଣି ଖୁସି ହେବେ ଏବେ ଆମେ ୨୪ ହଜାର କୋଟି ଟଙ୍କାରୁ ଅଧିକ ମୂଲ୍ୟର ପ୍ରତିରକ୍ଷା ସାମଗ୍ରୀ ରପ୍ତାନି କରୁଛୁ । ଏହା ଭାରତର ଶକ୍ତି, ଏହା ନୂତନ ଭାରତର ନୂତନ ପ୍ରତିରକ୍ଷା କ୍ଷେତ୍ର ଏବଂ ରପ୍ତାନି ନିରନ୍ତର ବୃଦ୍ଧି ପାଉଛି । "

ଭୋପାଳରେ ପ୍ରତିରକ୍ଷାମନ୍ତ୍ରୀ ରାଜନାଥ ସିଂହ ବିଇଏମଏଲର ନୂଆ ରେଳ କୋଚ ଫ୍ୟାକ୍ଟ୍ରୀର ଭୂମି ପୂଜନ କରି ଭାରତ ଦୁନିଆର ସବୁଠୁ ଦ୍ରୁତ ଗତିରେ ବିକାଶିତ ହେଉଥିବା ଦେଶ ବୋଲି କହିଛନ୍ତି । କିଛି ଲୋକ ଏହାକୁ ସହି ପାରୁ ନଥିଲା କହିଛନ୍ତି । ଅପରେସନ୍ ସିନ୍ଦୂରର ଆଲୋଚନା କରି ଆତଙ୍କୀଙ୍କୁ କଡ଼ା ଜବାବ ଦିଆଯାଇଥିବା କହିଛନ୍ତି । ଏହା ସହିତ ମଧ୍ୟପ୍ରଦେଶକୁ ମର୍ଡନ ପ୍ରଦେଶ ବୋଲି କହିଛନ୍ତି । ନୂଆ ଫ୍ୟାକ୍ଟ୍ରି ୧,୮୦୦ କୋଟି ଟଙ୍କା ନିବେଶରେ ହେବ । ବନ୍ଦେ ଭାରତ ପରି କୋଚ ଦେଶର ପରିବହନ କ୍ଷେତ୍ରକୁ ନୂଆ ଗତି ଦେବ ।