ନୂଆଦିଲ୍ଲୀ,୧୦।୮: କଂଗ୍ରେସ ସାଂସଦ ପ୍ରିୟଙ୍କା ଗାନ୍ଧୀ ଭଦ୍ରାଙ୍କ ସ୍ବାମୀ ରବର୍ଟ ଭଦ୍ରାଙ୍କ ବିରୋଧରେ ପ୍ରବର୍ତ୍ତନ ନିର୍ଦେଶାଳୟ (ଇଡି)ର ବଡ଼ କାର୍ଯ୍ୟାନୁଷ୍ଠାନ। ଗୁରଗାଓଁ ଶିକୋହପୁରରେ ଠକେଇ ଓ ଜମି ଲେଣଦେଣ ମାମଲାରେ ରୁଜୁ ହୋଇଛି ମନି ଲଣ୍ହରିଂ ମାମଲା। ଇଡି ଚାର୍ଜସିଟ୍ ରେ ଦେଇଥିବା ସୂଚନା ଅନୁସାରେ, ୫୮ କୋଟି ଟଙ୍କା ବେଆଇନ ଲାଭ ହୋଇଛି, ଯାହାକୁ ପରେ ବହୁ ସମ୍ପତ୍ତିରେ ପରିବର୍ତ୍ତିତ କରାଯାଇଛି।
ଇଡିର ଚାର୍ଜସିଟ୍ ଅନୁଯାୟୀ, ରବର୍ଟ ଭାଡ୍ରା ଦୁଇଟି କମ୍ପାନୀରୁ ୫୮ କୋଟି ଟଙ୍କାର ବେଆଇନ ଆୟ ପାଇଥିଲେ। ସେ ଏହି ଟଙ୍କାକୁ ରିଅଲ୍ ଇଷ୍ଟେଟ୍ କିଣିବା, ନିବେଶ କରିବା, ପାଣ୍ଠି ଯୋଗାଇବା ଏବଂ ଋଣ ଦେବା ଏବଂ ତାଙ୍କର ବିଭିନ୍ନ ଗ୍ରୁପ୍ କମ୍ପାନୀର ଋଣ ଅର୍ଥ ପରିଶୋଧ କରିବା ପାଇଁ ବ୍ୟବହାର କରିଥିଲେ ବୋଲି ଅଭିଯୋଗ ହୋଇଛି। ଇଡି ଚାର୍ଜସିଟ୍ରେ କୁହାଯାଇଛି ଯେ, ଏହି ଟଙ୍କା ଦୁଇଟି ମାଧ୍ୟମରେ ନିଆଯାଇଛି। ୫ କୋଟି ଟଙ୍କାର ପିଓସି ବ୍ଲୁ ବ୍ରିଜ୍ ଟ୍ରେଡିଂ ପ୍ରାଇଭେଟ୍ ଲିମିଟେଡ୍ (ବିବିଟିପିଏଲ) ଓ ୫୩ କୋଟି ଟଙ୍କାର ସ୍କାଇ ଲାଇଟ୍ ହସ୍ପିଟାଲିଟି ପ୍ରାଇଭେଟ୍ ଲିମିଟେଡ୍ (ଏଚଏଲଏଚପିଏଲ)ମାଧ୍ୟମରେ ମିଳିଛି।
ବ୍ରାନ୍ଦ୍ରାଙ୍କ ସହଯୋଗୀ ସତ୍ୟାନନ୍ଦ ୟାଜି ଓ କେଭଲ ସିଂହ ଭିର୍କ ଓ ତାଙ୍କ ସହ ଜଡିତ ବହୁ କମ୍ପାନୀ, ଯେଉଁଥିରେ ମେସର୍ସ ସ୍କାଇ ଲାଇଟ୍ ହସ୍ପିଟାଲିଟି ପ୍ରାଇଭେଟ୍ ଲିମିଟେଡ୍, ମେସର୍ସ ସ୍କାଇ ଲାଇଟ୍ ରିଏଇଲ୍ଟି ପ୍ରାଇଭେଟ୍ ଲିମିଟେଡ୍ ଓ ମେସର୍ସ ଓମକାରା ପ୍ରପର୍ଟିଜ୍ ପ୍ରାଇଭେଟ୍ ଲିମିଟେଡ୍ (ଏବେ ଏସ୍ଜିଓ୍ବାଇ ପ୍ରପଟିଜ୍ ପ୍ରାଇଭେଟ୍ ଲିମିଟେଡ୍) ରହିଛି। ଇଡି ଚାର୍ଜସିଟ୍ରେ କୁହାଯାଇଛି, ଯାଞ୍ଚ ବେଳେ କଥିତ ଅପରାଧିକ ଗତିବିଧିରୁ ହୋଇଥିବା ଆଦାୟର ସଠିକତା ଆକଳନ କରାଯାଇଛି।
