ମୁମ୍ବାଇ ୨୪/୦୩: ପୁଷ୍ପା-୨ ଫିଲ୍ମ ବକ୍ସ ଅଫିସର ସମସ୍ତ ରେକର୍ଡ ଭାଙ୍ଗି ଦେଇଛି। ଏହି ଫିଲ୍ମ ପାଇଁ ଅଲ୍ଲୁ ଅର୍ଜୁନ ଭାରତର ସର୍ବାଧିକ ପ୍ରାପ୍ୟ ପାଉଥିବା ଅଭିନେତା ହୋଇ ଯାଇଛନ୍ତି। ସେ ଦେୟ ମାମଲାରେ ଶାହାରୁଖ ଖାନ, ସଲମାନ ଖାନଙ୍କ ଭଳି ଅଭିନେତାଙ୍କୁ ପଛରେ ପକାଇ ଦେଇଛନ୍ତି। ଅଲ୍ଲୁ ନିଜର ଆଗାମୀ ଫିଲ୍ମ ପାଇଁ ୧୭୫ କୋଟି ଟଙ୍କାରେ ଚୁକ୍ତି କରିଛନ୍ତି। ଏହି ଦେୟ ବ୍ୟତୀତ ଲାଭର ୧୫ ପ୍ରତିଶତ ନେବାକୁ ମଧ୍ୟ ଅଲ୍ଲୁ ସର୍ତ୍ତ ରଖିଛନ୍ତି। ଯବାନ ଫିଲ୍ମର ନିର୍ଦ୍ଦେଶକ ଏଟ୍ଲି ଏହାର ନିର୍ଦ୍ଦେଶନା ଦେବେ ବୋଲି ଜଣା ପଡିଛି। ଏତେ ବଡ ସ୍ୱାକ୍ଷର କରିବା ପରେ ଅଲ୍ଲୁ ଅର୍ଜୁନ ସବୁଠୁ ବଡ ଅଭିନେତା ପାଲଟି ଯାଇଛନ୍ତି। ତେବେ ଏ ପର୍ଯ୍ୟନ୍ତ ଏହି ଫିଲ୍ମର ନାମ ସ୍ଥିର ହୋଇନାହିଁ। ଅଗଷ୍ଟରୁ ଅକ୍ଟୋବର ମଧ୍ୟରେ ଏହାର ସୁଟିଂ ଆରମ୍ଭ ହେବ ବୋଲି କୁହାଯାଉଛି।
ରିପୋର୍ଟ ଅନୁଯାୟୀ, ଏହା ଏକ ଭିନ୍ନ ସ୍ୱାଦର ଫିଲ୍ମ ହେବାକୁ ଯାଉଛି। ଏହା ଏଟ୍ଲି ଏବଂ ଅଲ୍ଲୁଙ୍କ ପାଇଁ ବଡ ଫିଲ୍ମ ହେବ। ପୁଷ୍ପା ପରେ ସଠିକ ଫିଲ୍ମ ଚୟନ କରିବା ଅଲ୍ଲୁଙ୍କ ପାଇଁ ଜରୁରୀ ହୋଇପଡିଛି। ଏହା ତାଙ୍କ ସ୍ଥାନ ବଜାୟ ରଖିବାରେ ମହତ୍ତ୍ୱପୂର୍ଣ୍ଣ ସାବ୍ୟସ୍ତ ହେବ ବୋଲି କୁହାଯାଉଛି। ସୂଚନାଯୋଗ୍ୟ ଯେ ଅଲ୍ଲୁଙ୍କ ପୁଷ୍ପା-୨ ବକ୍ସ ଅଫିସରେ ୧୮୦୦ କୋଟି ଟଙ୍କା ଆୟ କରିଥିଲା। ସେ ଏହି ଫିଲ୍ମରୁ ୩୦୦ କୋଟି ଟଙ୍କା ନେଇଥିଲେ।
