ନୂଆଦିଲ୍ଲୀ, ୧୭/୦୧: ପୁଣେରେ ମର୍ମନ୍ତୁଦ ସଡ଼କ ଦୁର୍ଘଟଣା। ବସ୍କୁ ଧକ୍କା ଦେଲା ମିନି ଭ୍ୟାନ । ଘଟଣାସ୍ଥଳରେ ୯ ଜଣ ପ୍ରାଣ ଯାଇଥିବା ବେଳେ ୬ ରୁ ଅଧିକ ଆହତ ହୋଇଥିବା ଜଣାପଡ଼ିଛି। ସମସ୍ତ ଆହତଙ୍କୁ ନିକଟସ୍ଥ ଡା଼କ୍ତରଖାନାରେ ଭର୍ତ୍ତି କରାଯାଇଛି । ତେବେ ପୁଣେର ନାରାୟଣଗାଓଁ ନିକଟରେ ଥିବା ଏକ ମୁକ୍ତାଏ ଢାବା ନିକଟରେ ଏହି ଘଟଣା ଘଟିଛି।
ଏହା ମଧ୍ୟ ପଢନ୍ତୁ-ଟିପରକୁ ଧକ୍କା ଦେଲା ଯାତ୍ରୀବାହୀ ବସ୍ ;୪ ମୃତ, ୧୩ ଗୁରୁତର
ସୂଚନା ମୁତାବକ, ଆଜି ସକାଳ ୧୦ଟା ସମୟରେ ମିନି ଭ୍ୟାନଟି ନାରାୟଣଗାଓଁ ଅଭିମୁଖେ ଯାଉଥିବା ବେଳେ ପଛରୁ ଏକ ଟେମ୍ପୋ ଧକ୍କା ଦେଇଥିଲା । ଫଳରେ ଭ୍ୟାନଟି ଭାରସାମ୍ୟ ହରାଇ ରାସ୍ତାକଡ଼ରେ ଛିଡା ହୋଇଥିବା ବସକୁ ଧକ୍କା ଦେଇଥିଲା । ଏନେଇ ମିନିଭ୍ୟାନରେ ରହିଥିବା ସମସ୍ତ ୯ ଜଣଙ୍କର ମୃତ୍ୟୁ ହୋଇଛି ।ତେବେ ଦୁର୍ଘଟଣା ଏତେ ଭୟଙ୍କର ଥିଲା ଯେ ମିନିଭ୍ୟାନ ସମ୍ପୁର୍ଣ୍ଣ ଗୁଣ୍ଡ ହୋଇଯାଇଛି । ଦୁର୍ଘଟଣା ସମୟରେ କାରର ବେଗ ଅଧିକ ରହିଥିବା କାରଣରୁ ଦୁର୍ଘଟଣା ଭୟଙ୍କର ହୋଇଥିବା ଆଶଙ୍କା କରାଯାଇଛି । ତେବେ କେଉଁ ପରିସ୍ଥିତିରେ ଏଭଳି ଦୁର୍ଘଟଣା ଘଟିଲା ସେନେଇ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛି । ସେହିପରି ଆନ୍ଧ୍ରପ୍ରଦେଶରେ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଟିପରକୁ ଯାତ୍ରୀବାହୀ ବସ୍ ଧକ୍କା ଦେବା ଫଳରେ ୪ ଜଣଙ୍କ ମୃତ୍ୟୁ ହୋଇଛି। ସେହିପରି ୧୩ ଜଣ ଗୁରୁତର ଆହତ ହୋଇଛନ୍ତି । ଏନେଇ ସମସ୍ତଙ୍କୁ ଉଦ୍ଧାର କରାଯାଇ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି ।
