ବଲାଙ୍ଗିର, ୧୧।୭: ଟୋଲ୍ ଗେଟ୍ଠାରେ ଡ୍ରାଇଭରଙ୍କୁ ଆକ୍ରମଣ ଘଟଣା । ଓଡ଼ିଶା ଡ୍ରାଇଭର ସଂଘ ପକ୍ଷରୁ ଷ୍ଟିଅରିଂ ଛାଡ଼ ଆନ୍ଦୋଳନ ଚାଲିଥିବାବେଳେ ଗୁରୁବାର ଭଇଁଷାପାଲି ଟୋଲ୍ ଗେଟ୍ଠାରେ ଜଣେ ଡ୍ରାଇଭରଙ୍କୁ ଆନ୍ଦୋଳନରତ ଡ୍ରାଇଭରମାନେ ସଂଘବଦ୍ଧ ହୋଇ ଆକ୍ରମଣ କରିଥିଲେ । ଏନେଇ ପୀଡିତ ଡ୍ରାଇଭର ମନୋଜ ବଗର୍ତ୍ତି ପୁଇଁତଳା ଥାନାରେ ଗୁରୁବାର ଅଭିଯୋଗ କରିଥିଲେ । ଏହି ମାମଲାରେ ପୁଲିସ ଶୁକ୍ରବାର ତଦନ୍ତ କରି ଅଭିଯୁକ୍ତ ୮ଜଣ ଡ୍ରାଇଭରଙ୍କୁ ଗିରଫ କରିଛି । ଏନେଇ ସୂଚନା ଦେଇଛନ୍ତି ପୁଇଁନ୍ତଳା ଥାନାଧିକାରିଣୀ ଅନିତା ପ୍ରଧାନ । ଗିରଫ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଉଛି ।
ସୂଚନାନୁସାରେ, ପୁଇଁତଳା ଥାନା ଭାଲେର ଗାଁର ୨୭ ବର୍ଷୀୟ ଡ୍ରାଇଭର ମନୋଜ ବଗର୍ତ୍ତି ସୋନପୁର ଜିଲ୍ଲାର ଶରଧାପାଲି ଇଥାନଲ ପ୍ଳାଣ୍ଟରୁ ଏକ ଟ୍ରକ୍ ଚଲାଇ ବଲାଙ୍ଗୀର ଅଭିମୁଖେ ଆସୁଥିବାବେଳେ ତାଙ୍କୁ ଆନ୍ଦୋଳନରତ ଡ୍ରାଇଭରମାନେ ଆକ୍ରମଣ କରିଥିଲେ ।
