ନୂଆଦିଲ୍ଲୀ,୧୬/୦୬: ଦିନକୁ ଦିନ ଭୀଷଣ ହେଉଛି ଇରାନ୍-ଇସ୍ରାଏଲ ଯୁଦ୍ଧ । ଦୁହେଁ ଦୁହିଁଙ୍କ ଉପରେ ମିସାଇଲ, ଡ୍ରୋନ୍ ମାଡ କରୁଛନ୍ତି । ଇରାନ୍ର ୮୦ ସ୍ଥାନକୁ ଟାର୍ଗେଟ କରିଛି ଇସ୍ରାଏଲ । ଆକଶରୁ ନିଆ ପିଣ୍ଡୁଳା ଖସୁଛି । ତୈଳ ଡିପୋରେ ବିସ୍ଫୋରଣ, ଆଣବିକ ଘାଟି ଧ୍ୱସ୍ତ ହୋଇଛି । ଏହାରି ଭିତରେ ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତନ୍ୟାହୁ ବଡ଼ ବୟାନ ଦେଇଛନ୍ତି । ଇରାନ୍ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ହତ୍ୟା କରିବାକୁ ଚାହୁଁଛି ବୋଲି କହିଛନ୍ତି ନେତନ୍ୟାହୁ।
ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁ ରବିବାର, ''ଫକ୍ସ ନ୍ୟୁଜକୁ ଏକା ସାକ୍ଷତକାର ଦେବା ସମୟରେ କହିଛନ୍ତି, ଇରାନ୍ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ହତ୍ୟା କରିବାକୁ ଚେଷ୍ଟା କରୁଛି । କାରଣ ସେ ତାଙ୍କୁ ପରମାଣୁ କାର୍ଯ୍ୟକଳାପ ରୋକିବାକୁ କହିଥିଲେ । ତେଣୁ ଇରାନ୍ ଟ୍ରମ୍ପଙ୍କୁ ବିପଦ ମଣୁଛି ।''
ଇରାନ୍ ବିରୋଧରେ ଇସ୍ରାଏଲର କାର୍ଯ୍ୟାନୁଷ୍ଠାନକୁ ଯଥାର୍ଥ ଦର୍ଶାଇ ନେତାନ୍ୟାହୁ କହିଛନ୍ତି, ''ଯେଉଁମାନେ ଆମେରିକାକୁ ମୃତ୍ୟୁ ନାରା ହେଉଛନ୍ତି, ରାଷ୍ଟ୍ରପତି ଟ୍ରମ୍ପଙ୍କୁ ଦୁଇଥର ହତ୍ୟା କରିବାକୁ ଚେଷ୍ଟା କରୁଛନ୍ତି । ବେରୁତରେ ୨୪୧ଜଣ ସୈନ୍ୟଙ୍କୁ ହତ୍ୟା କରିଛନ୍ତି । ଆଫଗାନିସ୍ତାନରେ ହଜାର ହଜାର ଆମେରିକୀୟ ସେନାଙ୍କୁ ହତ୍ୟା ଏବଂ ଆହତ କରିଛନ୍ତି ସେମାନଙ୍କ ପାଖରେ ପରମାଣୁ ଅସ୍ତ୍ର ରହିବା ଦରକାର ନୁହେଁ । ଇରାନ୍ ଟ୍ରମ୍ପଙ୍କୁ ପ୍ରଥମ ଶତ୍ରୁ ଭାବରେ ଦେଖୁଛି । ଆକ୍ରଣାତ୍ମକ ପଦକ୍ଷେପ ଛଡା ଆମ ପାଖରେ ବିକଳ୍ପ ନାହିଁ ।''
ଟ୍ରମ୍ପଙ୍କୁ ହତ୍ୟା ଉଦ୍ୟମ ସିଧାସଳଖ ଇରାନ୍ରୁ ହୋଇଥିଲା କି ବୋଲି ପଚରାଯାଇଥିବା ପ୍ରଶ୍ନରେ ନେତାନ୍ୟାହୁ କହିଛନ୍ତି, ହଁ ସେମାନେ ତାଙ୍କୁ ହତ୍ୟା କରିବାକୁ ଚାହୁଁଛନ୍ତି । ରାଷ୍ଟ୍ରପତି ନିର୍ବାଚନ ପ୍ରଚାର ସମୟରେ ଗତ ବର୍ଷ ଟ୍ରମ୍ପଙ୍କ ଉପରେ ଦୁଇଥର ଆକ୍ରମଣ ହୋଇଛି । ଇରାନ୍ ଟ୍ରମ୍ପଙ୍କୁ 'ଶତ୍ରୁ ନମ୍ବର ୱାନ୍' ଭାବରେ ଦେଖେ ଏବଂ ତାଙ୍କୁ ହତ୍ୟା କରିବାକୁ ଚାହୁଁଛି । ଟ୍ରମ୍ପ ଜଣେ ନିର୍ଣ୍ଣାୟକ ନେତା । ସେ କେବେ ବି ଅନ୍ୟଙ୍କ ପରି ଦୁର୍ବଳ ଉପାୟରେ ବତର୍କ କରିବାର ପଥ ଅନୁସରଣ କରନ୍ତି ନାହିଁ ।''
