ଭୁବନେଶ୍ବର,୩।୧୨ :  କେନ୍ଦୁଝର ଜିଲ୍ଲା ଖଣି ବିଭାଗ ଏନଫୋର୍ସମେଣ୍ଟ ସ୍କ୍ବାର୍ଡ ଟିମ୍  ଉପରେ ସଂଘବଦ୍ଧ ଆକ୍ରମଣ ଘଟଣାରେ ୬ ଜଣଙ୍କୁ ଘସିପୁରା ପୋଲିସ୍ ଗିରଫ କରିଛି ।ଏଥିସହ ଅପରାଧ ଘଟାଇବା ସମୟରେ ବ୍ୟବହୃତ ଏକ ବ୍ରିଜା କାର ମଧ୍ୟ ପୋଲିସ ଜବତ କରିଛି । ଗିରଫ ଅଭିଯୁକ୍ତମାନେ  ଆନନ୍ଦପୁର ଓ ନନ୍ଦିପଦା ଥାନା ଅଞ୍ଚଳର  । ତେବେ ଏହି ଘଟଣାରେ ପ୍ରାୟ ୧୫ ଜଣଙ୍କ ସମ୍ପୃକ୍ତି ଥିବାବେଳେ ଅନ୍ୟମାନଙ୍କୁ ଖୁବ୍ ଶୀଘ୍ର ଗିରଫ କରାଯିବ   । ଏ ନେଇ ଘଷିପୁରା ଥାନା ଅଧିକାରୀ ରମାକାନ୍ତ ସାଇ ମଙ୍ଗଳବାର ସାମ୍ବାଦିକ ସମ୍ମିଳନୀ ମାଧ୍ୟମରେ ଗଣମାଧ୍ୟମକୁ ସୂଚନା ଦେଇଛନ୍ତି।

ରବିବାର ବିଳମ୍ବିତ ରାତିରେ ଖଣିବିଭାଗ ଏନଫୋର୍ସମେଣ୍ଟ ସ୍କ୍ବାର୍ଡ ବାଲି ଚୋରି ନେଇ ଚଢାଉ କରିବାକୁ ଆସିଥିଲେ। ଏହି  ସମୟରେ ଘଷିପୁରା ଥାନା ବୈତରଣୀ  ବ୍ରିଜ୍ ନିକଟ ସିଂହ ସାହି ଛକଠାରେ ୪-୫ଟି ଗାଡିରେ ୧୫ ରୁ ଉର୍ଦ୍ଧ୍ବ ଦୁର୍ବୃତ୍ତ ଆସି ସ୍କୁଆର୍ଡ ଗାଡି ଉପରକୁ ଆକ୍ରମଣ କରିଥିଲେ । ଆକ୍ରମଣରେ ଗାଡିର କାଚ ସବୁ ଭାଙ୍ଗି ଯାଇଥିଲା । ପରେ ଗାଡିରେ  ଥିବା ଜୁନିୟର ମାଇନିଂ ଅଫିସର ସୂରଜ ହେମ୍ବ୍ରମ, ୩ ସୁରକ୍ଷା କର୍ମୀ ଓ ଡ୍ରାଇଭରଙ୍କୁ ମରଣାନ୍ତକ ଆକ୍ରମଣ  କରିଥିଲେ।