ଭୁବନେଶ୍ବର,୨୯/୧୧ : ଭୁବନେଶ୍ବରରେ ପହଞ୍ଚିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ବିଜୁ ପଟ୍ଟନାୟକ ବିମାନ ବନ୍ଦରରେ ଓହ୍ଲାଇବା ପରେ ପିଏମ୍ ମୋଦିଙ୍କୁ ଭଗ୍ୟ ସ୍ୱାଗତ କରାଯାଇଛି । କାର୍ଯ୍ୟସୂଚୀ ଅନୁସାରେ ଭୁବନେଶ୍ୱରରେ ପହଞ୍ଚିବା ପରେ ବିମାନ ବନ୍ଦର କ୍ୟାମ୍ପସ୍ ପାଖରେ ପ୍ରଧାନମନ୍ତ୍ରୀ ମୋଦି ଏକ ସଭାକୁ ସମ୍ୱୋଧନ କରିଛନ୍ତି । ଯେଉଁଥିରେ ସେ ଜୟ ଜଗନ୍ନାଥ । ସବୁ ଭାଇ ଓ ଭଉଣୀମାନଙ୍କୁ ମୋର ନମସ୍କାର ଓ ଜୁହାର। ଶୁଭେଚ୍ଛା ଓ ଅଭିନନ୍ଦନ କହି ଓଡ଼ିଆରୁ ନିଜର ଭାଷଣ ଆରମ୍ଭ କରିଥିଲେ ।
ସେ କହିଛନ୍ତି , ଦିଲ୍ଲୀରେ ଓଡିଶା ପର୍ବରେ ସାମିଲ୍ ହୋଇଥିଲି । ମସଲା ଚା ପିଇଥିଲି। ବାବା ଲିଙ୍ଗରାଜଙ୍କ ଭୂମିକୁ ଆସିବାକୁ ସୁଯୋଗ ମିଳିଲା । ବିମାନ ବନ୍ଦରକୁ ଏତେ ସଂଖ୍ୟକ ଲୋକ ଆସିବା ଆପଣଙ୍କ ଭଲ ପାଇବା। ଖୁସି, ଚମକ ଦେଖୁଛି । ମହାରାଷ୍ଟ୍ର, ହରିୟାଣା ସହିତ ଅନ୍ୟ ନିର୍ବାଚନ ଫଳାଫଳର ଚମକ ଦେଖୁଛି । ବିପକ୍ଷ ଦଳ ବିଜେପି ବିରୋଧରେ ଅପପ୍ରଚାର କରୁଛନ୍ତି କିନ୍ତୁ ଜନତା ଆମକୁ ଆଶିର୍ବାଦ କରୁଛନ୍ତି । ବଡ ବଡ ରାଜନୈତିକ ବିଶେଷଜ୍ଞ କହୁଥିଲେ ଓଡ଼ିଶାରେ ବିଜେପି ସରକାର ହୋଇପାରିବ ନାହିଁ। କିନ୍ତୁ ଫଳାଫଳ ଆସିବା ପରେ ଏ ସବୁ ତିଶ ମାର ଖାଁ ଚୁପ୍। ଯେବେ ରାଜ୍ୟରେ ସରକାର ନ ଥିଲା ସେତେବେଳେ ଆମ ଯୋଜନା ନାଁ ବି ବଦଳା ଯାଉଥିଲା । କିନ୍ତୁ କେନ୍ଦ୍ର ସବୁବେଳେ ଓଡିଶାକୁ ଗୁରୁତ୍ଵ ଦେଉଥିଲା। ଅଧିକ ପ୍ରତିନିଧିତ୍ଵ ଥିଲା । ବଜେଟ ୩ଗୁଣା କରିଥିଲୁ । ଭାବ ଏମିତି ଥିଲା ଯେ ଭାଷା ଏଠି ପ୍ରଚାରରେ ବାଧକ ସାଜି ନଥିଲା । ୨୦୧୪, ୨୦୧୯ ଜିତିବା ଅପେକ୍ଷା ୨୦୨୪ ବିଜୟ ନୂଆ ଉନ୍ମାଦନା ଖେଳାଇଚି ବିଶ୍ୱରେ।
ସେହିଭଳି ନାଁ ନନେଇ କଂଗ୍ରେସକୁ ଟାର୍ଗେଟ କରିଛନ୍ତି । ଭାରତ ସମ୍ବିଧାନକୁ ଦଳି ଦିଆଯାଉଛି । ନିଜ କ୍ରୋଧକୁ ଜନତା ଉପରେ କାଢିଛନ୍ତି । ମିଥ୍ୟା ଓ ଗୁଜବ ଦୋକାନ ଖୋଲିଛନ୍ତି । ଦେଶବାସୀଙ୍କୁ କହୁଛି ଆମକୁ ସତର୍କ ରହିବାକୁ ହେବ। ସତ୍ତା ପାଇଁ ଭୋକିଲା ଥିବା ଏଭଳି ତତ୍ତ୍ଵ ମିଥ୍ୟା ପ୍ରଚାର କରୁଛନ୍ତି। ଜନତାଙ୍କୁ ଭ୍ରମିତ କରି କ୍ଷମତାକୁ ଆସିବାକୁ ପ୍ରୟାସ କରୁଛନ୍ତି। ବାଲିଯାତ୍ରା ଏବେ ସରିଛି । DG ସମ୍ମିଳନୀ ପାଇଁ ମୁଁ ଆସିଛି । ୧୦୦, ୧୫୦ବର୍ଷ ଧରି DG ସମ୍ମିଳନୀ ହେଉଛି କିନ୍ତୁ ଓଡ଼ିଶାରେ ପ୍ରଥମ ପାଇଁ ହେଉଛି । ଡିସେମ୍ବର ୪ରେ ନୌସେନା ଦିବସ ହେବ । ୨୦୧୫ ଜାନୁଆରୀ ୮ରୁ ୧୦ଭିତରେ ପ୍ରବାସୀ ଭାରତୀୟ ଦିବସ ଆୟୋଜିତ ହେବ । ଏହାଦ୍ଵାରା ଓଡିଶା ବହୁଳ ପ୍ରଚାର ପ୍ରସାର ବିଶ୍ୱରେ ହେବ । ମୋ ଲକ୍ଷ୍ୟ ଓଡିଶାକୁ ବିଶ୍ୱରେ ପରିଚିତ କରାଇବା ।
ମିସନ୍ ପୂର୍ବ ଦୟରୁ ଓଡିଶା ବିକାଶ ହେଉଛି । ଉତ୍କର୍ଷ ଉତ୍କଳ ଅଭିଯାନରେ ଏହି କାର୍ଯ୍ୟକ୍ରମ କରାଯାଉଛି । ଆବାସ, ପାନୀୟ ଜଳ ଯୋଗାଣ, ନୂଆ ଶିକ୍ଷା ନୀତି ଲାଗୁ ଭଳି ପଦକ୍ଷେପ ନିଆଯାଉଛି । ନାଁ ନ ନେଇ ନବୀନ ସରକାରକୁ ମଧ୍ୟ ଟାର୍ଗେଟ କରିଛନ୍ତି । ଆମ ମୁଖ୍ୟମନ୍ତ୍ରୀ ମୋହନ ମାଝି ଗାଁକୁ ଯାଉଛନ୍ତି । ପ୍ରଥମ ଥର ପାଇଁ ଓଡିଶାବାସୀ ଦେଖୁଛନ୍ତି ମୁଖ୍ୟମନ୍ତ୍ରୀ ଲୋକଙ୍କ ପାଖକୁ ଯାଉଛନ୍ତି । ଆଦିବାସୀ ଝିଅ ଆଜି ଦେଶର ରାଷ୍ଟ୍ରପତି। ଧାନ ଏମଏସପି ୩୧୦୦ଟଙ୍କା ହୋଇଛି । ଯାହା କହିଥିଲୁ ତାହା ଏବେ ଆମେ ପାଳନ କରୁଛୁ ।
ସେହିଭଳି ମୁଖ୍ୟମନ୍ତ୍ରୀ ମୋହନ ଚରଣ ମାଝି କହିଥିଲେ, ଓଡିଶାବାସୀ ଜାଣିଛନ୍ତି ଓଡିଶା ପାଇଁ ଆପଣଙ୍କ ହୃଦୟରେ କେତେ ଭଲ ପାଇବା ଅଛି। ନିର୍ବାଚନ ପରେ ଆଜି ତୃତୀୟ ଥର ପାଇଁ ଓଡିଶାକୁ ଆସିଛନ୍ତି । ବାହ୍ୟ ଓ ଆଭ୍ୟନ୍ତରୀଣ ସୁରକ୍ଷା ସୁଦୃଢ । ଓଡ଼ିଶାରେ ପ୍ରଥମ କରି DG ସମ୍ମିଳନୀ ଅୟୋଜିତ ହେଉଛି । ୫ମାସ ସରକାରକୁ ହୋଇଛି। ପ୍ରଧାନମନ୍ତ୍ରୀଙ୍କ ଗୁରୁମନ୍ତ୍ରକୁ ପାଥେୟ କରି ବିକାଶ କାର୍ଯ୍ୟକ୍ରମ ଚାଲିଛି। ଲକ୍ଷେ ୮୦ହଜାର କୋଟିର ନିବେଶ ଓଡ଼ିଶାକୁ ଆସିଛି। ସାଧାରଣ ଲୋକଙ୍କ ଅଭିଯୋଗ ଶୁଣୁଛୁ। ସେଥିପାଇଁ ଆମେ ଲୋକଙ୍କ ସରକାର ବୋଲି ଲୋକେ କହୁଛନ୍ତି। ଓଡିଶା ଆଗାମୀ ଦିନରେ ସମୃଦ୍ଧ ଓଡିଶା ହେବ।
