ମାଲକାନଗିରି ୯/୧୨ ଆସନ୍ତା ୧୩ ତାରିଖ ଦିନ ମାଲକାନଗିରି ଜିଲ୍ଲାର ଲୋକ ଉତ୍ସବ ମାଲ୍ୟବନ୍ତ ମହୋତ୍ସବ ଉପଲକ୍ଷେ ବିଭିନ୍ନ ପ୍ରତିଯୋଗିତା ଆରମ୍ଭ ହୋଇଛି । ସୋମବାର ଥିଲା ଭଲିବଲ ପ୍ରତିଯୋଗିତା। ଏହି ପ୍ରତିଯୋଗିତାରେ ଭାଗ ନେଇଛନ୍ତି ୮ଟି ଟିମ । ଷ୍ଟାଡିୟମ ପରିସରରେ ଏହି ଭଲିବଲ ପ୍ରତିଯୋଗିତାକୁ ଅତିରିକ୍ତ ଜିଲ୍ଲାପାଳ ସୋମନାଥ ପ୍ରଧାନ ମୁଖ୍ୟଅତିଥି ଭାବେ ଯୋଗଦେଇ ଉଦଘାଟନ କରିଥିଲେ। ଏହି ପ୍ରତିଯୋଗିତାରେ ୭ଟି ଯାକ ବ୍ଲକର ବରିଷ୍ଟ ବର୍ଗର ଛାତ୍ର ମାନେ ଭାଗ ନେଇଥିଲେ । ଜିଲ୍ଲା କ୍ରୀଡା ଅଧିକାରୀ ମାଧବ ପାଙ୍ଗି ଓ ଜିଲ୍ଲା ସଂସ୍କୃତି ଅଧିକାରୀ ସନ୍ତ୍ରାସ ନାରାୟଣ ପଣ୍ଡା କାର୍ଯ୍ୟକ୍ରମ ପରିଚାଳନା କରିଥିଲେ । ଆସନ୍ତାକାଲି (ମଙ୍ଗଳବାର) ସକାଳେ ଉତ୍ସବ ଉପଲକ୍ଷେ ସହରରେ ଗଣଦୌଡ଼ ପ୍ରତିଯୋଗିତା କରାଯିବ ।