ମାଲକାନଗିରି, ୫/୮ (ଆପ୍ର ) : ବେଆଇନ କଇଁଛ ବ୍ୟବସାୟ ସମ୍ପର୍କରେ ସୂଚନା ପାଇଁ ମାଲକାନଗରି ବନବିଭାଗ ଚଢାଉ କରି ସୀମାନ୍ତ ମୋଟୁରୁ ୧୦୭୮ ଟି କଇଁଛ ସହ ଗାଡି ଜବତ କରିଛି। ଏଥିସହ ତିନି ଜଣ ଙ୍କୁ ଗିରଫ କରିଛି ବନ ଵନ ବିଭାଗ। ଗିରଫ ଅଭିଯୁକ୍ତମାନେ ହେଲେ ଏମଭି ୭୯ ଥାନା ଅନ୍ତର୍ଗତ ଏମପିଭି ୬୫ ଗ୍ରାମର ସୁକୁମାର ତରଫଦାର ଓରଫ ଖୋକନ, ବିଶ୍ୱନାଥ ମଣ୍ଡଳ , ଛତିଶଗଡ ରାଜ୍ୟ ସୁକୁମା ଜିଲ୍ଲା ଦରନାପାଲ ଗ୍ରାମର ଡ୍ରାଇଭର ଯୁଗଳ ଚନ୍ଦ୍ର ଦେ ।
ବେଆଇନ କଇଁଛ ବ୍ୟବସାୟ ସମ୍ପର୍କରେ ଖବର ମିଳିବା ପରେ ମାଲକାନଗିରି ଜିଲ୍ଲା ବନଖଣ୍ଡଅ ଧିକାରୀ ସାଇ କିରଣ ଡିଏନ ଙ୍କ ନେତୃତ୍ୱରେ ଏକ ବିଶେଷ ଟିମ ଗଠନ କରାଯାଇଥିଲା । ଏହି ଟିମ ର ନେତୃତ୍ୱ ନେଇଥିଲେ ମାଲକାନଗିରି ଜିଲ୍ଲା ସହକାରି ବନସଂରକ୍ଷକ ମନସୁନ ଖେମୁଣ୍ଡୁ ମୋଟୁ ଫରେଷ୍ଟର ମୁରଲୀଧର ଅନୁଗୁଳିଆ ଓ ମୋଟୁ ସେକ୍ସନ ର ସମସ୍ତ ବନ କର୍ମଚାରୀମାନେ ସୋମବାର ରାତି ଠାରୁ ମାଲକାନଗିରି ଜିଲ୍ଲାର ସୀମାନ୍ତ ମୋଟୁ ଅଂଚଳରେ ଜଗିଥିଲେ । ମଙ୍ଗଳବାର ସନ୍ଧ୍ୟରେ ମୋଟୁ - କୋଂଟା ବ୍ରିଜ ନିକଟରେ କଇଁଛ ଚୋରା ଚାଲାଣ ବେଳେ ଚଢାଉ କରି ୩ ଜଣଙ୍କୁ ଧରିଥିଲେ। ସେମାନଙ୍କ ଠାରୁ ମୋଟ ୧୦୭୮ ଟି କଇଁଛ ଜବତ କରାଯାଇଛି । ଯାହାମଧ୍ୟରୁ ୯୧୦ ଟି କଇଁଛ ଜୀବନ୍ତ ଓ ୧୬୮ ଟି କଇଁଛ ମୃତ ଜଣାଯାଇଛି। ଏହି ଚାଲାଣରେ ବ୍ୟବହୃତ ହୋଇଥିବା ଗୋଟିଏ ବୋଲେରୋ ଗାଡି ଏବଂ ତିନି ଗୋଟି ମୋବାଇଲ ଫୋନ୍ ମଧ୍ୟ ଜବତ କରାଯାଇଛି । ଏହି କଇଁଛ ଆନ୍ଧ୍ର ପ୍ରଦେଶରୁ ଟିଗଲ ପଞ୍ଚାୟତ ଏମପିଭି ୬୫ ଗ୍ରାମକୁ ବିକ୍ରୟ ଉଦ୍ଦେଶ୍ୟରେ ଚୋରା ଚାଲାଣ କରାଯାଉଥିବା ର ଜଣା ପଡିଛି।
