ଭୁବନେଶ୍ବର,୨୮।୭ : ପୁରୀ ବଦ୍ରୀନାଥ ଏକ୍ସପ୍ରେସ ଟ୍ରେନ ଧକ୍କାରେ ଟ୍ରାକ୍ଟର ଚୁରମାର । ସାକ୍ଷୀଗୋପାଳ ମାଳତିପାଟପୁର ଷ୍ଟେସନ ମଧ୍ୟସ୍ଥଳୀ ମଦଲା ଠାରେ ଦୁର୍ଘଟଣା ଘଟିଛି। ଜିଆରପି ପୁଲିସ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ କରୁଛି।
ସାକ୍ଷୀଗୋପାଳ ମାଳତିପାଟପୁର ଷ୍ଟେସନ ମଧ୍ୟସ୍ଥଳୀ ମଦଲା ରେଳ ଲାଇନ ନିକଟରେ ଡ୍ରାଇଭର ଟ୍ରାକ୍ଟରକୁ ପାର କରି ନେବାକୁ ଚେଷ୍ଟା କରୁଥିଲା। ଏହି ସମୟରେ ଆଗ ଚକ ରେଳଲାଇନ ମଝିରେ ରହି ଯାଇଥିବା ବେଳେ ପଛଚକ ଏକ ଖାଲରେ ପଡିଯାଇଥିଲା । ଟ୍ରାକ୍ଟରଟି ଉଠିନପାରିବାରୁ ଡ୍ରାଇଭର ପାଖ ଗ୍ରାମର ଲୋକଙ୍କୁ ଡାକିବାକୁ ଯାଇଥିଲା। ଏହି ସମୟରେ ପୁରୀରୁ ବଦ୍ରୀନାଥକୁ ଯାଉଥିବା ଏକ୍ସପ୍ରେସ ଟ୍ରେନଟି ଆସି ଟ୍ରାକ୍ଟରକୁ ଧକ୍କା ଦେଇଥିଲା ଏଥିରେ ଟ୍ରାକ୍ଟରଟି ସମ୍ପୂର୍ଣ୍ଣ ଭାଙ୍ଗି ଚୁରମାର ହୋଇଯାଇଥିଲା। ପୁରୀ ଜିଆରପି ପୁଲିସ ଘଟଣା ସ୍ଥଳରେ ପହଂଚି ଘଟଣାର ତଦନ୍ତ କରୁଛି।
