ନୂଆଦିଲ୍ଲୀ,୧୪/୧: ଏଲଏସିରେ ସ୍ଥିତି କିପରି ରହିଛି । ଭାରତ ଓ ଚୀନ ବିବାଦକୁ ନେଇ ସ୍ଥଳ ସେନା ମୁଖ୍ୟ ଜେନେରାଲ ଉପେନ୍ଦ୍ର ଦ୍ବିବେଦୀ ଗୁରୁତ୍ବପୂର୍ଣ୍ଣ ସୂଚନା ଦେଇଛନ୍ତି । ଏଲଏସିରେ ସ୍ଥିତି ସମ୍ବେଦନଶୀଳ କିନ୍ତୁ ସ୍ଥିର ରହିଛି । ଭାରତୀୟ ସେନା ପ୍ରତି ସ୍ଥିତିକୁ ମୁକାବିଲା କରିବାକୁ ପ୍ରସ୍ତତ ଅଛି ବୋଲି କହିଛନ୍ତି ଆର୍ମି ଚିଫ୍ ଉପେନ୍ଦ୍ର ଦ୍ବିବେଦୀ ।
ସେନା ଦିବସ ପାଳନ ପୂର୍ବରୁ ବାର୍ଷିକ ସାମ୍ବାଦିକ ସମ୍ମିଳନୀରେ ସ୍ଥଳ ସେନାମୁଖ୍ୟ ଜେନେରାଲ ଉପେନ୍ଦ୍ର ଦ୍ବିବେଦୀ କହିଛନ୍ତି, ବାସ୍ତବ ନିୟନ୍ତ୍ରଣ ରେଖା (ଏଲଏସି) ସ୍ଥିତିରେ ସ୍ଥିରତା ଆସିବା ସତ୍ତ୍ବେ ସମ୍ବେଦନଶୀଳ ରହିଛି । ଏଲଏସିରେ ଉତ୍ତେଜନା ହ୍ରାସ ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଚୀନ ନେତାଙ୍କ ସହ ଆଲୋଚନା କରିବା ପରେ ସ୍ଥିରତା ଆସିଛି । ବିବାଦୀୟ ଅଞ୍ଚଳରୁ ଉଭୟ ପକ୍ଷ ନିଜର ସୈନ୍ୟ ପ୍ରତ୍ୟାହାର କରି ନେଇଛନ୍ତି । ବିବାଦୀୟ ଅଞ୍ଚଳରେ ଏକପାଖିଆ ପାଟ୍ରୋଲିଂ ବନ୍ଦ କରାଯାଇ ମିଳିତି ପାଟ୍ରୋଲିଂ ବ୍ୟବସ୍ଥା କରାଯାଇଛି । ଏହା ସତ୍ତ୍ବୋ ଦୁଇ ପକ୍ଷ ମଧ୍ୟରେ ଛକାପଞ୍ଝା ଲାଗି ରହିଛି । ୨୦୨୦ ଏପ୍ରିଲରେ ଏଲଏସିରେ ଯେଉଁ ପରିସ୍ଥିତି ରହିଥିଲା ସେଥିରେ ଅନେକ ପରବର୍ତ୍ତନ ହୋଇଛି ।
ସେନାମୁଖ୍ୟ ଆହୁରି କହିଛନ୍ତି, ଦୁଇ ଦେଶ ମଧ୍ୟରେ ପାରସ୍ପରିକ ବିଶ୍ବାସରେ ଉନ୍ନତି ଆସିପାରି ନାହିଁ । ପାରିସ୍ପରିକ ବିଶ୍ବାସ ବୃଦ୍ଧି ପାଇଁ କୁଟନୈତିକ ଆଲୋଚନା ଉପରେ ଗୁରୁତ୍ବ ଦିଆଯାଉଛି । ଡିସେମ୍ବର ୩ରେ ବୈଦେଶିର ମନ୍ତ୍ରୀ ଏସ. ଜୟଶଙ୍କର କହିଥିଲେ ପୂର୍ବ ଲଦାଖରେ ଦେଶପାଙ୍ଗ ଓ ଡେମଚୋଜରୁ ସୈନ୍ଯ ପ୍ରତ୍ୟାହାର ଶେଷ ହୋଇଛି । ଦୁଇ ଦେଶ ନିଜର ସେନା ଶିବିର ମଧ୍ୟ ଉଠାଇ ନେଇଛନ୍ତି ।
ଏହା ବି ପଢନ୍ତୁ...ଜମ୍ମୁ-କାଶ୍ମୀରରେ ମରିଛନ୍ତି ୬୦% ପାକିସ୍ତାନୀ ଆତଙ୍କୀ, ସେନା ମୁଖ୍ୟ କହିଲେ ଏଲଏସିର ତାଜା ସ୍ଥିତି
ଆତଙ୍କୀ ନିପାତକୁ ନେଇ ଆର୍ମି ଚିଫ୍ କହିଛନ୍ତି, ଗତ ବର୍ଷରେ ମୃତ ୬୦% ଆତଙ୍କବାଦୀ ପାକିସ୍ତାନର ଥିଲେ। ବର୍ତ୍ତମାନ ଘାଟି ଓ ଜମ୍ମୁରେ ଯେଉଁ ଆତଙ୍କବାଦୀ ଅଛନ୍ତି, ଆମକୁ ଲାଗୁଛି ତାଙ୍କ ଭିତରୁ ପ୍ରାୟ ୮୦% ପାକିସ୍ତାନୀ । ଜମ୍ମୁ-କଶ୍ମୀର ବିଷୟରେ ଯଦି କଥା ହେବା ତେବେ ସ୍ଥିତି ସମ୍ପୂର୍ଣ୍ଣ ନିୟନ୍ତ୍ରଣରେ ରହିଛି । ନିୟନ୍ତ୍ରଣ ରେଖାରେ ଡିଜିଏମ୍ଓ ଭିତରେ ସହମତି ପରେ ଫେବୃଆରୀ ୨୦୨୧ ରୁ ପ୍ରଭାବୀ ସଂଘର୍ଷ ବିରାମ ଜାରି ରହିଛି ।
