ନୂଆଦିଲ୍ଲୀ,୧୫।୪: ଭାରତୀୟ ସେୟାର ବଜାରରେ ରେକର୍ଡ ବୃଦ୍ଧି। କାରବାର ଆରମ୍ଭ ହେବାର ମାତ୍ର ୧୦ ସେକେଣ୍ଡରେ ୬ ଲକ୍ଷ କୋଟି ଟଙ୍କାର ବର୍ଷା। ଉପରକୁ ଉଠିଛି ସେୟାର ବଜାରର ଉଭୟ ସୂଚକାଙ୍କ ବିଏସ୍ଇ ସେନସେକ୍ସ ଓ ଏନ୍ଏସ୍ଇ ନିଫଟି । ସେନସେନ୍ସ ୧୭୫୦ ଏବଂ ନିଫ୍ଟି ୫୩୯ ପଏଣ୍ଟ ବୃଦ୍ଧି ପାଇଛି। ୫୫୫ ମିନିଟ୍ରେ ସବୁ ରେକର୍ଡ ଭାଙ୍ଗି ୧୭ ଲକ୍ଷ କୋଟି ଲାଭ କଲେ ନିବେଶକ ।
ଭାରତୀୟ ସେୟାର ବଜାର ମଙ୍ଗଳବାର ରହିଛି ଉତ୍ସାହର ଦିନ। ସବୁଜ ସଙ୍କେତରେ ଖୋଲିଲା ଉଭୟ ସେନସେକ୍ସ ଓ ନିଫ୍ଟି। ମାତ୍ର ୧୦ ସେକେଣ୍ଡ ମଧ୍ୟରେ ପ୍ରାୟ ୬ ଲକ୍ଷ କୋଟି ଟଙ୍କାର ବର୍ଷା ହୋଇଛି। ଇଲୋଟ୍ରୋନିକ୍ସ ଉପରେ ଟାରିଫ୍ ଉପରେ ରୋକ ପରେ ସାରା ଦୁନିଆର ମାର୍କେଟରେ ଖେଳିଯାଇଛି ଯୋଶ୍। ଭାରତରେ ଘରୋଇ ଇକ୍ବିଟି ବେଞ୍ଚମାର୍କ ଇଣ୍ଡେକ୍ସ ବିଏସ୍ଇ ସେନସେକ୍ସ ଓ ନିଫ୍ଟିରେ ହୋଇଛି ରେକର୍ଡ ବୃଦ୍ଧି। ସେନସେନ୍ସ ୧୭୫୦ ପଏଣ୍ଟ ବୃଦ୍ଧି ପାଇଁ ୭୬,୯୦୭.୬୩ ପଏଣ୍ଟରେ ପହଁଞ୍ଚିଛି। ସେଭଳି ନିଫ୍ଟି ୫୩୯ ପଏଣ୍ଟ ବଢି ୨୩,୩୬୮.୩୫ ରେ ପହଁଞ୍ଚିଛି। ଆରବିଆଇ ରେପୋ ହାର ହ୍ରାସ, ଟ୍ରମ୍ପଙ୍କ ଇଲେକ୍ଟ୍ରୋନିକ୍ସ ଉପରେ ଶୁଳ୍କରୁ ମୁକ୍ତି ନିଷ୍ପତ୍ତି ବୁଷ୍ଟର ଡୋଜ୍ ଭାବରେ କାମ କରିଛି।
ପ୍ରାରମ୍ଭିକ କାରବାର ସମୟରେ, ବଜାଜ ଗ୍ରୁପ୍ କମ୍ପାନୀ, ବଜାଜ ଫାଇନାନ୍ସର ସେୟାର ପ୍ରାୟ ୩.୫% ବୃଦ୍ଧି ପାଇଥିଲା। ଟାଟା ମୋଟର୍ସ ୫ ପ୍ରତିଶତ ବୃଦ୍ଧି ପାଇ ନିଫ୍ଟିରେ ସର୍ବାଧିକ ଲାଭକାରୀ ହୋଇଛି। ସେଭଳି ଆଇଟି, ମେଟାଲ ଏବଂ ରିଅଲ୍ଟି ଷ୍ଟକରେ ମଧ୍ୟ ଜୋରଦାର ଉତ୍ସାହ ଦେଖିବାକୁ ମିଳିଥିଲା। ମଙ୍ଗଳବାର ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ସ୍ମାର୍ଟଫୋନ ଏବଂ କମ୍ପ୍ୟୁଟରକୁ ଶୁଳ୍କ ମୁକ୍ତ କରିଛନ୍ତି। ଟ୍ରମ୍ପଙ୍କ ବିବୃତ୍ତି ପରେ, ଅଟୋ କ୍ଷେତ୍ରର ଷ୍ଟକରେ ମଧ୍ୟ ବୃଦ୍ଧି ଦେଖିବାକୁ ମିଳିଥିଲା। ନିବେଶକଙ୍କ ମଧ୍ୟରେ ବଢିଛି ସକାରାତ୍ମକ ପ୍ରଭାବ। କେବଳ ଭାରତୀୟ ବଜାର ନୁହେଁ ଏସୀୟ ବଜାରରେ ମଧ୍ୟ ଦେଖିବାକୁ ମିଳିଛି ଉତ୍ସାହ। ହଂକଂର ହେଙ୍ଗସେଙ୍ଗ, ଜାପାନର ନିକ୍କି ୨୨୫, ଚୀନ୍ର ଶଙ୍ଘାଇ ଏସ୍ଏସ୍ଇ କମ୍ପୋଜିଟ୍ ଓ ଦକ୍ଷିଣ କୋରିଆର କ୍ରସପିରେ ବୃଦ୍ଧି। ଆମେରିକା ବଜାର ମଧ୍ୟ ସୋମବାର ସକାରତ୍ମକ ଭାବରେ ବନ୍ଦ ହୋଇଥିଲା।
