ଭୁବନେଶ୍ୱର ୦୯/୦୬: ହିନ୍ଦୁଧର୍ମରେ ପୂର୍ଣ୍ଣିମା ତିଥିକୁ ମହତ୍ତ୍ୱ ଦିଆଯାଇଛି । ଏହି ଦିନ ସତ୍ୟନାରାୟଣଙ୍କ ପୂଜା କଲେ ଘରେ ସୁଖଶାନ୍ତି ବଢ଼େ। ଏହି ଦିନ ମା’ଲକ୍ଷ୍ମୀଙ୍କୁ ମଧ୍ୟ ପୂଜା କରିବା ଭଲ । ଦିନକ ପରେ ପବିତ୍ର ଜ୍ୟେଷ୍ଠ ପୂର୍ଣ୍ଣିମା ପଡୁଛି । ଏହି ଅବସରରେ ମା’ଙ୍କୁ କିପରି ପୂଜା କରି ସନ୍ତୁଷ୍ଟ କଲେ ଆପଣଙ୍କ ଘର ଧନଧାନ୍ୟରେ ପୂର୍ଣ୍ଣ ହେବ ଆସନ୍ତୁ ଜାଣିବା... ।
ଲକ୍ଷ୍ମୀ ଯନ୍ତ୍ର ପୂଜା କରନ୍ତୁ: ଜ୍ୟେଷ୍ଠ ପୂର୍ଣ୍ଣିମା ରାତିରେ ଉତ୍ତର ଦିଗରେ ଲକ୍ଷ୍ମୀ ଯନ୍ତ୍ର ସ୍ଥାପନ କରନ୍ତୁ । ଯନ୍ତ୍ର କୁ ଗଙ୍ଗାଜଳରେ ଶୁଦ୍ଧ କରିବା ସହିତ ଲାଲ୍ କପଡ଼ାରେ ରଖିବା ସହିତ ଏହା ଉପରେ କୁଙ୍କୁମ,ଅରୁଆ ଚାଉଳ ଏବଂ ଫୁଲ ଅର୍ପଣ କରନ୍ତୁ । ଏହାପରେ ‘ଓଁ ଶ୍ରୀଂ ମହାଲକ୍ଷେ୍ମ ନମଃ’ ମନ୍ତ୍ର ୧୦୮ ଥର ଜପ କରନ୍ତୁ । ଏହି ଉପାୟ ଦ୍ୱାରା ଲକ୍ଷ୍ମୀଙ୍କ କୃପା ପ୍ରାପ୍ତି ସହ ଧନ ପ୍ରାପ୍ତ ହେବ ।
ଦୀପ ଜାଳନ୍ତୁ: ପୂର୍ଣ୍ଣିମା ରାତିରେ ଘରର ମୁଖ୍ୟ ଦ୍ୱାରରେ ଶୁଦ୍ଧ ଗୁଆ ଘିଅ କିମ୍ବା ରାଶି ତେଲରେ ଦୀପ ଜଳାଇଲେ ଲକ୍ଷ୍ମୀ ଗୃହ ମଧ୍ୟକୁ ପ୍ରବେଶ କରନ୍ତି । ଏହା ଘରୁ ଦାରିଦ୍ର୍ୟ ଦୂର କରିଥାଏ ।
ରୁପାମୁଦ୍ରା ରଖନ୍ତୁ : ରୁପା ମୁଦ୍ରାକୁ ମା’ଲକ୍ଷ୍ମୀଙ୍କର ପ୍ରତୀକ ମନେ କରାଯାଏ । ଜ୍ୟେଷ୍ଠ ପୂର୍ଣ୍ଣିମା ରାତିରେ ଏହାକୁ ଲାଲ୍ କପଡ଼ାରେ ବାନ୍ଧି ପଇସା ରଖୁଥିବା ସ୍ଥାନ ବା ଟ୍ରେଜେରୀରେ ରଖନ୍ତୁ । ଫଳରେ ସଂଚୟ ବଢ଼ିବା ସହିତ ଅଯଥା ଖର୍ଚ୍ଚ କମିବ ।
କ୍ଷୀରି ଭୋଗ କରନ୍ତୁ : ପୂର୍ଣ୍ଣିମା ରାତିରେ କେଶର ଯୁକ୍ତ କ୍ଷୀରି ମା’ ଲକ୍ଷ୍ମୀଙ୍କ ନିକଟରେ ପୂଜା କରନ୍ତୁ । ଏହାବ୍ୟତୀତ ଘରକୁ ଛୋଟ ଝିଅମାନଙ୍କୁ ଡାକି ସେମାନଙ୍କୁ ସ୍ୱାଦିଷ୍ଟ ଖାଦ୍ୟ ଦେଇ ଖୁସି କରାନ୍ତୁ । ସେମାନଙ୍କୁ ନୂଆ ବସ୍ତ୍ର ଦେବାକୁ ଭୁଲନ୍ତୁ ନାହିଁ । ଏହି ଉପାୟ ଦ୍ୱାରା ମା’ଙ୍କର କୃପା ନିଶ୍ଚୟ ପ୍ରାପ୍ତ ହୋଇଥାଏ । ଏଥିସହିତ ଘରକୁ ଉଭୟ ସୌଭାଗ୍ୟ,ସମୃଦ୍ଧିର ଆଗମନ ହୋଇଥାଏ ।
