ଟାଙ୍ଗୀ,୨୭/୧୦: ଜଙ୍ଗଲରେ ଜୁଆ ଆଡ୍ଡା ଚାଲିଥିବା ବେଳେ ବେଶ ବଦଳାଇ ମାଡ଼ି ବସିଲା ଟାଙ୍ଗୀ ପୋଲିସ ଓ ଚାନ୍ଦପୁର ପୋଲିସ । ଏହି ଘଟଣାରେ ଟାଙ୍ଗୀ ପୋଲିସ ୧୦ ଜଣଙ୍କୁ ଗିରଫ କରିଥିବା ବେଳେ ଚାନ୍ଦପୁର ପୋଲିସ ଜଣେ ମହିଳାଙ୍କ ସହିତ ୭ ଜଣ ଜୁଆଡିଙ୍କୁ ଗିରଫ କରିଛି । ସେମାନଙ୍କ ପାଖରୁ ମୋବାଇଲ ଫୋନ୍ ସହିତ ବାଇକ ଏବଂ ନଗଦ ୭୬ ହଜାର ୩ ଶହ ଟଙ୍କା ଜବତ ହୋଇଥିବା ବେଳେ ଲକ୍ଷ ଲକ୍ଷ ଟଙ୍କାର କୁପନ୍ ମଧ୍ୟ ଜବତ ହୋଇଛି । ଖୋର୍ଦ୍ଧା ଜିଲ୍ଲା ଟାଙ୍ଗୀ ଅଞ୍ଚଳରେ ଏଭଳି ଘଟଣା ଘଟିଛି । 

ସୂଚନା ମୁତାବକ, ଟାଙ୍ଗୀ ଅଞ୍ଚଳର ଏକ ଜଙ୍ଗଲରେ ଜୁଆ ଆଡ୍ଡା ଚାଲିଥିବା ନେଇ ପୂର୍ବରୁ ଖବର ପାଇଥିଲା ଟାଙ୍ଗୀ ପୋଲିସ ଓ ଚାନ୍ଦପୁର ପୋଲିସ । ଖବର ପାଇ ଶନିବାର ରାତିରେ ଘଟଣାସ୍ଥଳରେ ବେଶ ବଦଳାଇ ଟାଙ୍ଗୀ ପୋଲିସ ଏବଂ ଚାନ୍ଦପୁର ପୋଲିସ ମିଳିତ ଭାବରେ ଚଢାଉ କରିଥିଲା । ଏହି ଚଢାଉରେ ଅନେକ ଗୁଡ଼ିଏ ମୋବାଇଲ ଫୋନ୍ ସହିତ ବାଇକ ଏବଂ ନଗଦ ୭୬ ହଜାର ୩ ଶହ ଟଙ୍କା ଜବତ କରାଯାଇଥିଲା । ଏହି ଘଟଣାରେ ଟାଙ୍ଗୀ ପୋଲିସ ୧୦ ଜଣଙ୍କୁ ଓ ଚାନ୍ଦପୁର ପୋଲିସ ଜଣେ ମହିଳାଙ୍କ ସହିତ ୭ ଜଣ ଜୁଆଡିଙ୍କୁ ଗିରଫ କରିଛି । ସମସ୍ତଙ୍କୁ ଗିରଫ କରି ଘଟଣାର ତଦନ୍ତ ଚଳାଇଛି ଟାଙ୍ଗୀ ପୋଲିସ ଓ ଚାନ୍ଦପୁର ପୋଲିସ ।