ନୂଆଦିଲ୍ଲୀ: ପହଲଗାମ ଆତଙ୍କୀ ଆକ୍ରମଣ ପରେ ଭାରତ ଓ ପାକିସ୍ତାନ ମଧ୍ୟରେ ସମ୍ପର୍କ ଚରମ ସୀମାରେ ପହଞ୍ଚିଛି। ଭାରତ ଏହି ଆକ୍ରମଣର ଜବାବରେ 'ଅପରେସନ ସିନ୍ଦୁର' ଲଞ୍ଚ କରି ପାକିସ୍ତାନରେ ଥିବା ଆତଙ୍କୀ ଆଡ୍ଡାକୁ ନଷ୍ଟ କରିଦେଇଛି। ଭାରତର ଏହି ମିସାଇଲ ଆକ୍ରମଣରେ ଅନେକ ଆତଙ୍କବାଦୀଙ୍କ ମୃତ୍ୟୁ ହୋଇଛି। ଏହି ଅପରେସନର ଧମାକା ଏତେ ଜବରଦସ୍ତ ଥିଲା ଯେ ଏହାର ଶବ୍ଦ ସାରା ଦୁନିଆକୁ ଶୁଭିଛି। ଏହାର ପ୍ରତିକ୍ରିୟାରେ ସମଗ୍ର ବିଶ୍ୱ ସମୁଦାୟ ଏହି ମାମଲାକୁ ଆଗକୁ ନବଢାଇବାକୁ ଦୁଇଦେଶକୁ ଅନୁରୋଧ କରିଛନ୍ତି।
ତେବେ ଏ ସମସ୍ତ ଅନୁରୋଧର କୌଣସି ପ୍ରଭାବ ପାକିସ୍ତାନ ଉପରେ ପ୍ରଭାବ ପକାଇପାରି ନଥିଲା। ଏଣୁ ରକ୍ତ ଚାଉଳ ଚୋବାଉଥିବା ପାକିସ୍ତାନ ନିଜ ସେନା ସହାୟତାରେ ସୀମାରେ ଅସ୍ତ୍ରବିରତୀ ଉଲଘଂନ ଜାରି ରଖିଛି। ଗତକାଲିର ଅପରେସନ ପରେ ପାକିସ୍ତାନ ସୀମାନ୍ତବର୍ତ୍ତୀ ଗାଁ ମାନଙ୍କରେ ଲୋକ ବସବାସ କରୁଥିବା ଅଞ୍ଚଳକୁ ଟାର୍ଗେଟ କରିବା ଆରମ୍ଭ କରିଦେଇଛି।
ପାକିସ୍ତାନର ଏହି ଆକ୍ରମଣରେ ପ୍ରାୟ ୧୫ରୁ ଅଧିକ ଲୋକ ମୃତ୍ୟୁବରଣ କରିସାରିଲେଣି। ତେବେ ମୃତକମାନଙ୍କ ମଧ୍ୟରେ ସର୍ବାଧିକ ଶିଶୁ ରହିଥିବା ଜଣାପଡିଛି। ଭାରତୀୟ ସେନା ମଧ୍ୟ ଏହି ଆକ୍ରମଣର କଡା ଜବାବ ଦେଉଛି। ବର୍ତ୍ତମାନ ସୁଦ୍ଧା ଉଭୟ ଦେଶ ମଧ୍ୟରେ ପରିସ୍ଥିତି ଚରମ ସୀମାରେ ପହଞ୍ଚିଛି।
ଏହି ଆକ୍ରମଣ ପରେ ଭାରତୀୟ ସେନା ସିମାନ୍ତ ଅଞ୍ଚଳରେ ରହୁଥିବା ଗ୍ରାମବାସୀମାନଙ୍କୁ ସୁରକ୍ଷିତ ଅଞ୍ଚଳକୁ ସ୍ତାନାନ୍ତରିତ କରିବା ଆରମ୍ଭ କରିଦେଇଛି। ଗୁରୁଦ୍ୱାରା ପ୍ରବନ୍ଧକ ସମିତି(ଏସଜିପିସି)ର ପ୍ରମୁଖ ସୀମାବର୍ତ୍ତୀ ଅଞ୍ଚଳରେ ଥିବା ଗୁରୁଦ୍ୱାରା ଗୁଡିକରେ ବିସ୍ଥାପିତ ଲୋକଙ୍କୁ ରହିବାକୁ ସୁଯୋଗ ଦେବାକୁ ନିର୍ଦ୍ଦେଶ ଦେବା ସହ ସେମାନଙ୍କ ଖାଦ୍ୟପାନୀୟର ବ୍ୟବସ୍ଥା କରିବାକୁ ମଧ୍ୟ ଗୁରୁଦ୍ୱାରା ଗୁଡିକୁ ଅନୁରୋଧ କରିଛନ୍ତି।
