ଶ୍ରୀନଗର,୦୬/୧୧:  ପୁଣି ସୀମାରେ ଫୁଟିଲା ଗୁଳି ।  ସେନାକୁ ବଡ ସଫଳତା । ଜଣେ ଆତଙ୍କୀ ସଫା। ଜମ୍ମୁକାଶ୍ମୀର ବା ନ୍ଦିପୋରାର କାଇଟ ସନରେ  ଆଜି ସକାଳୁ ସକାଳୁ ସେନା ଓ  ଆତଙ୍କୀ ମଧ୍ୟରେ ଗୁଳି ବିନିମୟ ହୋଇଛି । ଏଥିରେ  ଜଣେ ଆତଙ୍କୀକୁ ନିପାତ କରିବାରେ ସଫଳ ହୋଇଛନ୍ତି ସୁରକ୍ଷାବଳ । ଏବେ ବି ସର୍ଚ୍ଚ ଅପରେସନ ଜାରି ରହିଥିବା ଜଣାପଡିଛି ।

ବାନ୍ଦିପୋରାର କାଇଟ ସନରେ ଆତଙ୍କୀ ଲୁଚି ଥିବା ନେଇ ସୁରକ୍ଷାବଳୟକୁ ଗୁଇନ୍ଦା ପକ୍ଷରୁ ସୂଚନା ମିଳିଥିଲା ।  ଦୁଇଜଣ ଆତଙ୍କବାଦୀ ଲୁଚିଥିବାର ଖବର ମିଳିବା ପରେ ଭାରତୀୟ ସେନା ପକ୍ଷରୁ ଅପରେସନ ଆରମ୍ଭ ହୋଇଥିଲା ।  କିଛି ସମୟ ଆତଙ୍କୀ  ଓ  ସେନା ମଧ୍ୟରେ ଗୁଳି ବିନିମୟ ହୋଇଥିଲା ।  ଏଥିରେ  ଜଣେ ଆତଙ୍କୀକୁ ନିପାତ କରିବାରେ  ସଫଳ ହୋଇଛି ଭାରତୀୟ ସେନା ।

କିଛି ଦିନ ହେବ ସୀମାରେ ଆତଙ୍କୀଙ୍କ ଗତିବିଧି ବଢିଛି ।  ଗତକାଲି ରାତିରୁ ଭାରତୀୟ ସେନା, ଜମ୍ମୁକାଶ୍ମୀର ପୋଲିସ ଓ ସିଆରପିଏଫ ଦ୍ବାରା ମିଳିତ ସର୍ଚ୍ଚ  ଅପରେସନ ହୋଇଥିଲା ।  ଦୀର୍ଘ ସମୟ ଧରି ଗୁଳି ବିନିମୟ  ପରେ ଜଣେ ଆତଙ୍କୀକୁ ନିପାତ କରିବାରେ ସଫଳ ହୋଇଥିଲା ଭାରତୀୟ ସେନା । ନିପାତ ଆତଙ୍କୀର ପରିଚୟ ମିଳିଛି । ତାର ନାମ ଆସିକ୍ ହୁସେନ ୱାନି ।

ପ୍ରକାଶ ଥାଉ କି,ସୀମାରେ ଆତଙ୍କୀଙ୍କ ଉତପାତ୍ ଦିନକୁ ଦିନ ବଢିବାକୁ ଲାଗିଛି । ନଭେମ୍ବର ୩ ତାରିଖରେ ଶ୍ରୀନଗର ସାପ୍ତାହିକ ହାଟରେ ଗ୍ରେନେଡ ମାଡ ହୋଇଥିଲା । ଏଥିରେ ଜଣେ ମହିଳାଙ୍କ ସମେତ ୧୨ଜଣ ଆହତ ହୋଇଥିଲେ । ନଭେମ୍ବର ୨ ତାରିଖରେ ସୁରକ୍ଷାବଳ ଓ ସେନା ମଧ୍ୟରେ ଗୁଳି ବିନିମୟରେ ୨ ଆତଙ୍କୀ ନିପାତ ହୋଇଥିଲେ ।