ଭୁବନେଶ୍ବର, ୩।୨: ପୁରୁଣାବାନ୍ଦୋଗଡା ଗ୍ରାମରେ ରାଜନୈତିକ ଶତ୍ରୁତାକୁ କେନ୍ଦ୍ର କରି ସରପଞ୍ଚଙ୍କ ଦିଅରକୁ ମାରଣାନ୍ତକ ଅକ୍ରମଣ ହୋଇଥିଲା। ଏହି ଘଟଣାର ୪ ମାସ ପରେ ଜଣେ ଅଭିଯୁକ୍ତ ଧରାପଡିଛି ଏହି ଘଟଣା ମୋଟ ତିନିଜଣ ଅଭିଯୁକ୍ତଙ୍କ ସଂପୃକ୍ତି ରହିଥିବାବେଳେ ଘଟଣା ଦିନଠାରୁ ସେମାନେ ଫେରାର ରହିଥିଲେ । ଅଭିଯୁକ୍ତ ଭୀମସେନ୍ ମାଝି ରବିବାର ରାତିରେ ଘରକୁ ଆସିଥିବା ଖବରପାଇ ରାମଚନ୍ଦ୍ରପୁର ଥାନା ପୋଲିସ୍ ଚଢାଉ କରି ତାକୁ ଗିରଫ କରିଛି। ଡାକ୍ତରି ମାଇନା ପରେ ଭୀମସେନଙ୍କୁ କୋର୍ଟ ଚାଲାଣ କରାଯାଇଛି । ତେବେ ଅନ୍ୟ ୨ ପ୍ରମୁଖ ଅଭିଯୁକ୍ତ ମଧ୍ୟରୁ ଦଣେ ଭୀମସେନଙ୍କ ପୁଅ ଆଶୁତୋଷ ମାଝି ଓ ହାପୁନ୍ ଜେନା ଏବେ ମଧ୍ୟ ଫେରାର ରହିଛନ୍ତି ।
୨୦୨୪ ଅକ୍ଟୋବର ୨ତାରିଖରେ ପୁରୁଣାବାନ୍ଦୋଗଡା ପଞ୍ଚାୟତରେ ଗ୍ରାମସଭା ଚାଲିଥିଲା। ଏହି ସମୟରେ ଅଭିଯୁକ୍ତମାନେ ପହଁଞ୍ଚି ବିଶୃଙ୍ଖଳା କରିବା ସହ ପଞ୍ଚାୟତ ଫାଇଲ୍ ଚିରି ପକାଇଥିଲେ। ସେଠାରେ ଉପସ୍ଥିତ ଥିବା ସରପଞ୍ଚଙ୍କ ଦିଅର ସୁଜିତ୍ କୁମାର ଧିରଙ୍କ ସହ କଥା କଟାକଟି ମଧ୍ୟ ହୋଇଥିଲା । ସେହିଦିନ ଘଟଣା ସମ୍ପର୍କରେ ପଞ୍ଚାୟତ ତରଫରୁ ସରପଞ୍ଚ ରାମଚନ୍ଦ୍ରପୁର ଥାନାରେ ଲିଖିତ ଅଭିଯୋଗ କରିଥିଲେ । ସେହି ରାଗରଖି ପରଦିନ ସନ୍ଧ୍ୟାରେ ସୁଜିତ୍ ଓ ତାଙ୍କ ପତ୍ନୀ ଏକ ବାଇକ୍ ଯୋଗେ ଯାଉଥିବାବେଳେ ଅଭିଯୁକ୍ତମାନେ ତାଙ୍କୁ ଅଟକାଇ ସୁଜିତ୍ କୁ ଠେଙ୍ଗା ଓ ଲୁହାରଡରେ ଆକ୍ରମଣ କରି ଗୁରୁତର କରିଥିଲେ । ସୁଜିତଙ୍କୁ ସଙ୍କଟାପନ୍ନ ଅବସ୍ଥାରେ କଟକ ସ୍ଥାନାନ୍ତର କରାଯାଇଥିଲା।
