ନୂଆଦିଲ୍ଲୀ, ୨୪।୨: UPI ବ୍ୟବହାର କରୁଛନ୍ତି କି ? UPI ବ୍ୟବହାରକାରୀ ଏପ୍ରିଲ୍ ୧ ତାରିଖକୁ ମନେ ରଖନ୍ତୁ । ଏହି ତାରିଖରୁ ଆପଣଙ୍କ UPI ଆକାଉଣ୍ଟ ବନ୍ଦ ହୋଇପାରେ । ଫୋନ୍ ପେ, ଗୁଗୁଲ ପେ, ପେଟିଏମ୍‌ ଭଳି ପେମେଣ୍ଟ ଆପ୍‌ର ସମସ୍ତ ୟୁଜର୍ସ ପ୍ରଭାବିତ ହେବେ । ଏପ୍ରିଲ ୧ ରୁ ଏମାନେ କରିପାରିବେନି UPI ପେମେଣ୍ଟ । ନ୍ୟାସନାଲ ପେମେଣ୍ଟ୍ସ କର୍ପୋରେସନ ଅଫ୍ ଇଣ୍ଡିଆ (UPI) ଏକ ନୂତନ ନିୟମ ଜାରି କରିଛି । ଏହି ନିୟମ ଅନୁଯାୟୀ, ୧ ଏପ୍ରିଲ୍ ୨୦୨୫ରୁ ନିଷ୍କ୍ରିୟ କିମ୍ବା ପୁନଃବ୍ୟବହୃତ ମୋବାଇଲ୍ ନମ୍ବରଗୁଡ଼ିକରେ UPI ସେବା କାମ କରିବ ନାହିଁ । ଠକେଇ ଏବଂ ଅନଧିକୃତ କାରବାରକୁ ରୋକିବା ପାଇଁ ଏହି ପଦକ୍ଷେପ ନିଆଯାଇଛି ।    

ନୂଆ ନିୟମ କ’ଣ ?

NPCI ଅନୁଯାୟୀ, ଯଦି କୌଣସି ମୋବାଇଲ୍ ନମ୍ବର ୯୦ ଦିନ ପର୍ଯ୍ୟନ୍ତ ବ୍ୟବହାର କରାଯାଏନାହିଁ, ତେବେ ଏହାକୁ ସମ୍ପୃକ୍ତ ବ୍ୟାଙ୍କ ଆକାଉଣ୍ଟରୁ ଡିଲିଙ୍କ୍ କରିଦିଆଯିବ । ଏହାର ଉଦ୍ଦେଶ୍ୟ ହେଉଛି UPI ସିଷ୍ଟମର ସୁରକ୍ଷା ବୃଦ୍ଧି କରିବା ଏବଂ ଠକେଇର ବିପଦ ହ୍ରାସ କରିବା ।

ନିଷ୍କ୍ରିୟ ସଂଖ୍ୟାରୁ କ’ଣ ବିପଦ ଅଛି ?

ଟେଲିକମ୍ କମ୍ପାନୀଗୁଡ଼ିକ ନୂତନ ଉପଭୋକ୍ତାଙ୍କ ପାଇଁ ନିଷ୍କ୍ରିୟ ନମ୍ବର ଆବଣ୍ଟନ କରନ୍ତି । ଏପରି ପରିସ୍ଥିତିରେ, ଯଦି ପୁରୁଣା ଉପଭୋକ୍ତାଙ୍କ UPI ଆକାଉଣ୍ଟ ସେହି ନମ୍ବର ସହିତ ଲିଙ୍କ୍ ହୋଇଥାଏ, ତେବେ ନୂତନ ଉପଭୋକ୍ତା ଅନଧିକୃତ କାରବାର କରିପାରିବେ । ଏହି ବିପଦକୁ ହ୍ରାସ କରିବା ପାଇଁ, NPCI ଏହି ନିଷ୍ପତ୍ତି ନେଇଛି ।

ଯଦି ଆପଣଙ୍କ ନମ୍ବର ନିଷ୍କ୍ରିୟ ଥାଏ ତେବେ କ’ଣ ହେବ ?

ଯଦି ଆପଣଙ୍କର ମୋବାଇଲ୍ ନମ୍ବର ନିଷ୍କ୍ରିୟ ଅଛି ଏବଂ ଏହା ଆପଣଙ୍କ ବ୍ୟାଙ୍କ ଆକାଉଣ୍ଟ ସହିତ ଲିଙ୍କ୍ ଅଛି, ତେବେ ଆପଣ UPI ସେବା ବ୍ୟବହାର କରିପାରିବେ ନାହିଁ । ଏହାର ଅର୍ଥ ଫୋନ ପେ, ଗୁଗୁଲ ପେ, ପେଟିଏମ୍‌ ଏହି ଆପ୍‌ର ସମସ୍ତ ୟୁଜର୍ସ ହେବେ ପ୍ରଭାବିତ । ଏପ୍ରିଲ ୧ ରୁ ଏମାନେ କରିପାରିବେନି UPI ପେମେଣ୍ଟ । ଯଦି ଆପଣ ଭଳି ପେମେଣ୍ଟ ଆପ୍ସରେ କାରବାର କରିବାରେ ସମସ୍ୟା ହେବ ।

କ’ଣ କରିବେ ?

ଯଦି ଆପଣଙ୍କ ନମ୍ବର ନିଷ୍କ୍ରିୟ ଅଛି ତେବେ ଆପଣଙ୍କ ଟେଲିକମ୍ ପ୍ରଦାନକାରୀଙ୍କ ସହ ଯାଞ୍ଚ କରନ୍ତୁ । ଯଦି ନମ୍ବରଟି ନିଷ୍କ୍ରିୟ ଅଛି, ତେବେ ଏହାକୁ ପୁନର୍ବାର ସକ୍ରିୟ କରନ୍ତୁ । ଯଦି ନମ୍ବରଟି ସକ୍ରିୟ ହୋଇପାରିବ ନାହିଁ, ତେବେ ଆପଣଙ୍କ ବ୍ୟାଙ୍କ ଆକାଉଣ୍ଟକୁ ଏକ ନୂତନ ଏବଂ ସକ୍ରିୟ ନମ୍ବର ସହିତ ଲିଙ୍କ୍ କରନ୍ତୁ । ପ୍ରତି ସପ୍ତାହରେ ନିଷ୍କ୍ରିୟ ନମ୍ବର ତାଲିକାକୁ ଅପଡେଟ୍ କରିବାକୁ NPCI ବ୍ୟାଙ୍କ ଏବଂ UPI ପ୍ଲାଟଫର୍ମଗୁଡ଼ିକୁ ନିର୍ଦ୍ଦେଶ ଦେଇଛି । ଏହା ସୁନିଶ୍ଚିତ କରିବ ଯେ ନୂତନ ନିୟମ ପାଳନ ହେଉଛି ଏବଂ ଠକେଇ ଘଟଣା ଉପରେ ରୋକ ଲଗାଯାଇଛି ।

କ’ଣ ପରିବର୍ତ୍ତନ ହେବ ?

ଉପଭୋକ୍ତାମାନଙ୍କୁ ସେମାନଙ୍କର UPI ଆଇଡି ସହିତ ମୋବାଇଲ୍ ନମ୍ବର ଲିଙ୍କ୍ କିମ୍ବା ଅପଡେଟ୍ କରିବା ପାଇଁ ସ୍ପଷ୍ଟ ଅନୁମତି ମଗାଯିବ । ଏହି ପଦକ୍ଷେପ ବ୍ୟବହାରକାରୀଙ୍କ ସୁରକ୍ଷାକୁ ଆହୁରି ସୁଦୃଢ଼ କରିବ । ତେବେ କହିରଖୁ ୯୦ ଦିନ ପରେ ୧୫ ଦିନର ଗ୍ରେସ୍ ପିରିୟଡ୍ ମିଳିବ । କିନ୍ତୁ, TRAIର ନିୟମ ଅନୁସାରେ, କୌଣସି ନମ୍ୱର ଯଦି ଲଗାତାର ୯୦ ଦିନ ପର୍ଯ୍ୟନ୍ତ ରିଚାର୍ଜ କରାଯାଇନାହିଁ, ତେବେ ସମ୍ୱନ୍ଧିତ ଟେଲିକମ୍ କମ୍ପାନୀ ଏହାକୁ ବନ୍ଦ କରିଦେଇପାରେ ଏବଂ ଏହି ନମ୍ୱରକୁ ଅନ୍ୟ ବ୍ୟବହାରକାରୀଙ୍କୁ ଦେଇପାରିବ ।