ବଲାଙ୍ଗୀର, ୧୮/୦୭ : ଜମିବାଡ଼ି କଳହକୁ କେନ୍ଦ୍ରକରି ବିଭତ୍ସ ହତ୍ୟାକାଣ୍ଡ। ପୁତୁରାକୁ ଠେଙ୍ଗାରେ ପିଟିପିଟି ହତ୍ୟା କଲେ କାକା ଓ ଖୁଡୀ। ବଲାଙ୍ଗୀର ଜିଲ୍ଲା ପୁଇଁନ୍ତଳା ଥାନା ଅଇଁଲାସାରି ଗାଁରେ ଘଟିଛି ଏଭଳି ବିଭତ୍ସ ହତ୍ୟାକାଣ୍ଡ।

ସୂଚନାନୁଯାୟୀ, ଚାଷ ଜମି ଭାଗବଣ୍ଟା ଓ ଘରୋଇ କଳହକୁ ନେଇ ପୁଇଁନ୍ତଳା ଥାନା ଅଇଁଲାସାରି ଗାଁର ଦୁଇ ଭାଇ କାଳିଆ ଭୁଏ ଓ ମୁରଲୀ ଭୁଏଙ୍କ ମଧ୍ୟରେ କଳହ ଲାଗି ରହିଥିଲା। ମୁରଲୀ ଭୁଏ ଓ ତାଙ୍କ ସ୍ତ୍ରୀ ବରଗଡ଼ରେ ରହୁଥିବା ବେଳେ ପୁଅ ସମୀର ଅଇଲାସାରି ଗାଁରେ ସ୍ତ୍ରୀ ସହ ରହୁଥିଲା। ଆଜି କାକା କାଳିଆ ଓ ଖୁଡି ପଙ୍କ ପୁଣି ଥରେ ସମୀର ସହ ଝଗଡା କରିଥିଲେ। ଠେଙ୍ଗା ବାଡ଼ି ଓ ଟାଙ୍ଗିଆ ଧରି ସମୀରଙ୍କ ଉପରକୁ ଆକ୍ରମଣ କରିଥିଲେ। ଫଳରେ ଘଟଣା ସ୍ଥଳରେ ହିଁ ସମୀରଙ୍କ ମୃତ୍ୟୁ ଘଟିଥିଲା। ତେବେ ଘଟଣା ସ୍ଥଳରୁ କାକା ଖୁଡି ଫେରାର ମାରିଥିବା ବେଳେ ପୁଇଁନ୍ତଳା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି। ସାଇଣ୍ଟିଫିକ୍ ଟିମ୍ ଘଟଣା ସ୍ଥଳରେ ପହଁଚି ଛାନଭିନ୍ ପରେ ଶବ ବ୍ୟବଚ୍ଛେଦ ପାଇଁ ପଠାଇବ ବୋଲି ପୋଲିସ କହିଛି।