ଭୁବନେଶ୍ବର, ୨୯/୧୧ : ରାଜ୍ୟ ବିଜେପି କାର୍ଯ୍ୟାଳୟରେ ଶେଷ ହେଲା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ରୁଦ୍ଧଦ୍ବାର ବୈଠକ । ଏହି ବୈଠକରେ ମନ୍ତ୍ରୀ, ବିଧାୟକ ଓ ସାଂସଦ ଉପସ୍ଥିତ ଥିଲେ । ପ୍ରାୟ ୨ଘଣ୍ଟାରୁ ଊର୍ଦ୍ଧ୍ବ ସମୟ ଧରି ଏଠାରେ ବିଚାର ବିମର୍ଶ ଚାଲିଥିଲା ।
ଏହି ଅବସରରେ ଦଳୀୟ ପଦାଧିକାରୀଙ୍କ ସହ ଆଲୋଚନା କରିଛନ୍ତି ମୋଦି । ଶେଷରେ କାର୍ଯ୍ୟକର୍ତ୍ତାଙ୍କ ସହ ରାତ୍ରି ଭୋଜନ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏହାପରେ ରାଜଭବନ ଯାଇ ସେଠାରେ ରାତ୍ରିଯାପନର କାର୍ଯ୍ୟକ୍ରମ ରହିଛି ।
ପ୍ରକାଶ ଯେ, ପିଏମ୍ ମୋଦି ୩୦ତାରିଖ ସକାଳ ସାଢେ ୮ରୁ ସନ୍ଧ୍ୟା ୮ଟା ଏବଂ ୧ ତାରିଖ ସକାଳ ସାଢେ ୮ରୁ ଅପରାହ୍ନ ସାଢେ ୪ଟା ଯାଏଁ ଡିଜି-ଆଇଜି ସମ୍ମିଳନୀରେ ଉପସ୍ଥିତ ରହିବାର କାର୍ଯ୍ୟକ୍ରମ ରହିଛି ।
