ପୁରୀ,୧୪/୦୧: କୁହାଯାଏ ପହିଲି ଭୋଗ ମାସରେ ମହାଲକ୍ଷ୍ମୀ ଶ୍ରୀମନ୍ଦିର ଛାଡ଼ି ତାଙ୍କ ବାପ ଘରକୁ ଯାଇଥାନ୍ତି । ଏଣୁ ଶ୍ରୀହୀନ ପଡ଼ିଥାଏ ବଡ଼ଦେଉଳ । ମକର ସଂକାନ୍ତିରେ ମହାଲକ୍ଷ୍ମୀ ଶ୍ରୀମନ୍ଦିରକୁ ଫେରିଆସନ୍ତି । ସେଥିପାଇଁ ଚୁନରା ସେବକମାନେ ରଙ୍ଗ ଲେପି ବଡ଼ଦେଉଳର ଶ୍ରୀବୃଦ୍ଧି କରିଥାନ୍ତି । ଏହା ଶ୍ରୀମନ୍ଦିରର ଅନନ୍ୟ ପରମ୍ପରା କୁହନ୍ତି ଚୁନରା ସେବକ । ଲୋକ କଥାରେ ରହିଛି ମହାଲକ୍ଷ୍ମୀ ବଡ଼ଦେଉଳକୁ ପ୍ରତ୍ୟାବର୍ତ୍ତନ କରିବା ପୂର୍ବରୁ ଚୂନ ଓ ଗେରୁ ଭାର ପଠାଇଥାନ୍ତି ।
ସୋମବାର ଚୁନରା ସେବକଙ୍କ ଦ୍ୱାରା ଚୁନ ଲେପନ କାର୍ଯ୍ୟ ଆରମ୍ଭ କରିଥିଲେ । ମକରସଂକ୍ରାନ୍ତିରେ ଗେରୁରେ ରାମାନନ୍ଦୀ ଚିତା ଅଙ୍କନ ହୋଇ ନୀଳଚକ୍ର ମାଜଣା କରାଯିବ । ଚୁନରା ସେବକମାନେ ବଡ଼ ଦେଉଳର କଳସ ଓ ବେକିରେ ଚୁନ ଲେପନ କରିଛନ୍ତି ।
