ନୂଆଦିଲ୍ଲୀ: କର୍ଣ୍ଣାଟକରେ ଆଇସକ୍ରିମ ଖାଇବା ପରେ ଦୁଇ ନିରୀହ ଯାଆଁଳା ଶିଶୁ କନ୍ୟାଙ୍କ ମୃତ୍ୟୁ ହୋଇଛି । ଏଥି ସହ ତାଙ୍କ ମା ଗୁରୁତର ଅସୁସ୍ଥ ହୋଇପଡିଛନ୍ତି, ଯିଏକି ବର୍ତ୍ତମାନ ଡାକ୍ତରଖାନାରେ ଭର୍ତ୍ତି ହୋଇଛନ୍ତି । ଗଣମାଧ୍ୟମ ରିପୋର୍ଟ ଅନୁଯାୟୀ, ଏହି ଘଟଣା ମାଣ୍ଡ୍ୟା ଜିଲ୍ଲାର ବେଟାହଲୀ ଗ୍ରାମରେ ଘଟିଛି । ଏନେଇ ପୋଲିସ କହିଛି ଯେ ବୁଧବାର ଦିନ ମା ଓ ଝିଅମାନେ ଗାଁର ଜଣେ ବିକ୍ରେତାଙ୍କ ଠାରୁ ଆଇସକ୍ରିମ କିଣି ଖାଇଥିଲେ । ଅଳ୍ପ ସମୟ ମଧ୍ୟରେ ସେମାନେ ଅସୁସ୍ଥ ହୋଇ ପଡିଥିଲେ । ପରେ ଉଭୟ ଯାଆଁଳା ଶିଶୁକନ୍ୟା ପୂଜା ଏବଂ ପ୍ରସନ୍ନାଙ୍କର ଘରେ ମୃତ୍ୟୁ ହୋଇଥିଲା । ଆଉ ଏହାର କିଛି ସମୟ ପରେ ମା’ଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ ତୁରନ୍ତ ଡାକ୍ତରଖାନା ନିଆଯାଇଥିଲା।
ପୋଲିସ କହିଛି ଯେ, ପିଲାମାନଙ୍କର ମୃତଦେହ ମିମ୍ସ ହସ୍ପିଟାଲକୁ ପଠାଯାଇଛି । ମାଆ ଡାକ୍ତରଖାନାରେ ଚିକିତ୍ସିତ ହେଉଛନ୍ତି । ପିଲାମାନଙ୍କର ମୃତ୍ୟୁକୁ ନେଇ ଅନେକ ସନ୍ଦେହ ଅଛି । ଅଭିଯୋଗକୁ ଭିତ୍ତି କରି ପୋଲିସ ମାମଲା ରୁଜୁ କରିଛି । ଆମେ ସେହି ଆଇସକ୍ରିମ ବ୍ୟବସାୟୀଙ୍କୁ ଖୋଜୁଛୁ ।