ଭୁବନେଶ୍ୱର,୨୭/୧୦: ଆଜି ଓଡ଼ିଶା ଏଫ୍ସି ଓ ଘରୋଇ ମୁମ୍ବାଇ ସିଟି ପରସ୍ପରକୁ ଭେଟିବାକୁ ଯାଉଛନ୍ତି । ଓଡ଼ିଶା ୫ଟି ମ୍ୟାଚ୍ରୁ ୨ ବିଜୟ, ୧ ଡ୍ର’ ଓ ୨ ପରାଜୟ ସହ ମୋଟ ୭ପଏଣ୍ଟ ପାଇ ତାଲିକାରେ ଅଷ୍ଟମ ସ୍ଥାନରେ ରହିଛି । ଅନ୍ୟ ପଟରେ ମୁମ୍ବାଇ ୪ଟି ମ୍ୟାଚ୍ରୁ ୫ପଏଣ୍ଟ ସହ ଦଶମ ସ୍ଥାନରେ ରହିଛି ।
ଗତ ୨୨ ତାରିଖ ଓଡ଼ିଶା ଘରୋଇ ଗ୍ରାଉଣ୍ଡରେ ଇଷ୍ଟ ବେଙ୍ଗଲକୁ ୨-୧ ଗୋଲ୍ରେ ପରାଜିତ କରିଥିଲା । ଏହି ବିଜୟ ଦଳର ମନୋବଳ ଦ୍ୱିଗୁଣିତ କରିଛି । ଆଜି ଦଳ ମୁମ୍ବାଇକୁ ତା’ ଘରୋଇ ଗ୍ରାଉଣ୍ଡରେ ହରାଇବା ପାଇଁ ସବୁ ଶକ୍ତି ଖଟାଇବାକୁ ପ୍ରସ୍ତୁତ ରହିଛି । ମୁମ୍ବାଇ ମଧ୍ୟ ଘରୋଇ ଗ୍ରାଉଣ୍ଡ ଓ ସମର୍ଥକଙ୍କ ଗହଣରେ ବିଜୟକୁ ଫେରିବା ପାଇଁ ବ୍ୟାକୁଳ ରହିଛି ।