ନୂଆଦିଲ୍ଲୀ ୦୪/୦୨: ଯେତେବେଳେ ବିଶ୍ୱର ରାଷ୍ଟ୍ରାଧ୍ୟକ୍ଷଙ୍କ ସରକାରୀ ବାସଭବନ କଥା ଉଠେ ପ୍ରଥମେ ମନକୁ ଆସେ ଆମେରିକାର ହ୍ୱାଇଟ୍ ହାଉସ୍। ଏହା ଦୁନିଆର ସବୁଠାରୁ ସୁରକ୍ଷିତ ସ୍ଥାନ ହେବା ସହିତ ବିଳାସପୂର୍ଣ୍ଣ କୋଠା ଭାବରେ ମଧ୍ୟ ପରିଚିତ। ତେବେ ଭାରତର ରାଷ୍ଟ୍ରପତି ଭବନ ହ୍ୱାଇଟ୍ ହାଉସ ଠାରୁ କୌଣସି କ୍ଷେତ୍ରରେ କମ୍ ନୁହେଁ। ଏହି ବିଳାସପୂର୍ଣ୍ଣ ବିଲ୍ଡିଂରେ ଦୁନିଆର ପ୍ରତ୍ୟେକ ସୁବିଧା ଉପଲବ୍ଧ । ବ୍ରିଟିଶ ଶାସନ କାଳରେ ଏହା ବ୍ରିଟିଶ ବାଇସରଏ ସରକାରୀ ବାସଭବନ ଥିଲା। ଏହି ରାଷ୍ଟ୍ରିୟ ଭବନ ନିର୍ମାଣ ପାଇଁ ୧୭ ବର୍ଷ ସମୟ ଲାଗିଥିଲା।
ଆମେରିକାର ରାଷ୍ଟ୍ରପତିଙ୍କ ସରକାରୀ ବାସଭବନ ହ୍ୱାଇଟ୍ ହାଉସ ୫୫ ହଜାର ବର୍ଗଫୁଟ ଉପରେ ବ୍ୟାପିଛି। ଏହି କୋଠାଟି ୬ ମହଲା ବିଶିଷ୍ଟ, ଯେଉଁଥିରେ ୧୩୨ ରୁମ୍ ଅଛି । ଏହା ବ୍ୟତୀତ ହ୍ୱାଇଟ୍ ହାଉସରେ ୩୫ ଟି ବାଥରୁମ, ୪୧୨ ଟି କବାଟ ଏବଂ ୧୪୭ ଟି ଝରକା ରହିଛି। ସେହିପରି ଭାରତ ରାଷ୍ଟ୍ରପତିଙ୍କ ସରକାରୀ ବାସଭବନ ମଧ୍ୟ କୌଣସି କ୍ଷେତ୍ରରେ କମ୍ ନୁହେଁ। ଏହା ୩୩୦ ଏକର ଉପରେ ବ୍ୟାପିଛି। ଏହା ଏକ ଚାରି ମହଲା କୋଠା, ଯେଉଁଥିରେ ୩୪୦ ରୁମ୍, ୩୭ଟି ଅଡିଟୋରିୟମ୍, ୭୪ ବାରଣ୍ଡା, ୨ ରୋଷେଇ ଘର ଏବଂ ୩୭ଟି ଫାଉଣ୍ଟେନ୍ ରହିଛି।
ତେବେ ରାଷ୍ଟ୍ରପତି ଭବନ ନିର୍ମାଣ ପାଇଁ ୧୭ ବର୍ଷ ସମୟ ଲାଗିଥିଲା। ଏକ ଆକଳନ ଅନୁଯାୟୀ, ଏହି ବିଶାଳ କୋଠା ନିର୍ମାଣର ମୂଲ୍ୟ ପ୍ରାୟ ୧୪ ନିୟୁତ ଟଙ୍କା ଥିଲା । ପ୍ରାୟ ୨୩ ହଜାର ଶ୍ରମିକ ବିଲଡିଂ ସଂପୂର୍ଣ୍ଣ କରିବା ପାଇଁ ଦିନରାତି କାମ କରିଥିଲେ। ରାଷ୍ଟ୍ରୀୟ ଭବନର ବିଶେଷତ୍ୱ ହେଉଛି ସେଣ୍ଟ୍ରାଲ୍ ଡୋମ୍ ।
