ଅଗରତାଲା,୨୫/୧୧: ଉତ୍ତର ତ୍ରିପୁରାରେ ଭୂକମ୍ପ ଝଟକା ଅନୂଭୁତ ହୋଇଛି । ରିକ୍ଟର ସ୍କେଲରେ ଏହାର ତୀବ୍ରତା ୩.୬ ରେକର୍ଡ ହୋଇଛି । ଆଜି(ସୋମବାର) ସକାଳୁ ସକାଳୁ ଉତ୍ତର ତ୍ରିପୁରାରେ ୩.୬ ତୀବ୍ରତାର ଭୂମିକମ୍ପ ହୋଇଥିଲା । ଏଥିରେ କୌଣସି କ୍ଷୟକ୍ଷତି ହୋଇଥିବା ସୂଚନା ମିଳିନାହିଁ ।

ଜାତୀୟ ସେସିମୋଲୋଜିର ସୂଚନାଅନୁସାରେ, ଉତ୍ତର ତ୍ରିପୁରାରେ ସମସ୍ତ ଜିଲ୍ଲା ଏହି ଭୂକମ୍ପ ହୋଇଛି । କୌଣସି କ୍ଷୟକ୍ଷତି ହୋଇନାହିଁ । ଭୂକମ୍ପକୁ ନେଇ ଲୋକମାନଙ୍କ ମଧ୍ୟରେ ଭୟର ବାତାବରଣ ସୃଷ୍ଟି ହୋଇଛି । ଭୂକମ୍ପକୁ ନେଇ ଲୋକମାନେ ଘରୁ ବାହାରକୁ ଚାଲି ଆସିଥିଲେ । ଛାନିଆରେ ଯିଏ ଯେଉଁଆଡେ ପାଇଥିଲେ ଦୌଡିବାକୁ ଲାଗିଥିଲେ । ଘରେ ଥିବା ଜିନିଷପତ୍ର ଦୋହଲିବାକୁ ଲାଗିଥିଲା ।  ତେବେ ରିପୋର୍ଟ ଲେଖା ଯିବା ସୁଦ୍ଧା ଭୂକମ୍ପରେ କୌଣସି ଧନଜୀବନ ହାନି ହୋଇନଥିବା ଜଣାପଡିଛି । ଏନସିଏସ ସୂଚନା ମୁତାବିକ ସୋମବାର ଭୋର ପ୍ରାୟ ୩ଟା ୫୬ମିନିଟରେ ୧୦ କିମି ଗଭୀରରେ ଭୂକମ୍ପ ଝଟକା ଅନୁଭୂତ ହୋଇଥିଲା ।