ଭୁବନେଶ୍ୱର ୧୮/୦୪: ଲିପ୍ଷ୍ଟିକ୍ ପ୍ରାୟ ଝିଅ ଓ ମହିଳାଙ୍କର ପସନ୍ଦିଆ କସ୍ମେଟିକ୍ । ଘରେ ହେଉ ଅବା ବାହାରକୁ ଯିବା ସମୟରେ ଲିପ୍ଷ୍ଟିକ୍ ଲଗାଇଥାନ୍ତି । ଅନେକ ସମୟରେ କୌଣସି କାରଣରୁ କିଛି ଲିପ୍ଷ୍ଟିକ୍ ନଷ୍ଟ ହୋଇଯାଇଥାଏ, ଯେପରିକି କାହାର ଏକ୍ସପାରୀ ତାରିଖ ସରିଯାଇଥାଏ ତ ଆଉ କାହାର ଲିପଷ୍ଟିକ୍ ଭାଙ୍ଗି ଯାଇଥାଏ । ଏହାକୁ ଫିଙ୍ଗନ୍ତୁନି, ବରଂ ପୁର୍ନଃ ବ୍ୟବହାର କରିପାରିବେ ।
ପୂର୍ବ ସମୟରେ ଏହାର ବ୍ୟବହାର ଏତେଟା ନଥିଲା । ମାତ୍ର ସମୟ କ୍ରମେ ଏହାର ବହୁଳ ବ୍ୟବହାର ଦେଖିବାକୁ ମିଳୁଛି । ଏବେ ବିଭିନ୍ନ ସେଡ୍ର ଲିପଷ୍ଟିକ୍ ବ୍ୟବହାର କରୁଛନ୍ତି ମହିଳାମାନେ, ଯାହା ଫଳରେ ଅନେକ ସମୟରେ ଏହାକୁ ଶେଷ କରିବା ସମ୍ଭବ ହେଉନି । କିନ୍ତୁ ଲିପ୍ଷ୍ଟିକ୍ର ଏକ୍ସପାରୀ ହୋଇଯାଉଛି । ତେଣୁ ପ୍ରାୟ ମହିଳା ଏହାକୁ ଫିଙ୍ଗି ଦେଇଥାନ୍ତି । ଏହାକୁ ଫିଙ୍ଗିବା ପରିବର୍ତ୍ତେ ପୁନଃ ବ୍ୟବହାର କରିପାରିବେ ।
ପିଲାଙ୍କ ପେଣ୍ଟିଂ:
ପିଲାମାନଙ୍କୁ ପେଣ୍ଟିଂ ବା ଡ୍ରଇଂ କରିବାର ଆଗ୍ରହ ରହିଥାଏ । ତେଣୁ ସେମାନଙ୍କ ପାଇଁ ବିଭିନ୍ନ ପ୍ରକାରର ରଙ୍ଗ ପେନସିଲ୍ ଓ ପେଣ୍ଟ ରଙ୍ଗ ଆଣିବାକୁ ପଡିଥାଏ । ଏହି କ୍ଷେତ୍ରରେ ପିଲାମାନଙ୍କୁ ନିଜ ପାଖରେ ଥିବା ପୁରୁଣା ଲିପ୍ଷ୍ଟିକ୍ ମଧ୍ୟ ଦେଇପାରିବେ । ସେମାନେ ଏହାକୁ ରଙ୍ଗ ଭାବେ ବ୍ୟବହାର କରିପାରିବେ ।
ଚିହ୍ନଟ ପାଇଁ ବ୍ୟବହାର:
ଆମେ ନିୟମିତ ଜୀବନରେ ଅନେକ ସମୟରେ କେଉଁଠି ଦାଗ ଦେବା ପାଇଁ ହେଉ ଅବା କିଛି ମାର୍କ ଦେବା ପାଇଁ ଲାଲ୍ ପେନ୍ ବା ମାର୍କର ବ୍ୟବହାର କରିଥାଉ । ସେହି ସ୍ଥାନରେ ମାର୍କର୍ ପରିବର୍ତ୍ତେ ଲିପ୍ଷ୍ଟିକ୍ର ବ୍ୟବହାର କରିପାରିବେ ।
କାନ୍ଥରେ ଥିବା କଣାକୁ ଭରିପାରିବେ:
ଘର କାନ୍ଥ ବା ଆସବାବପତ୍ରରେ ଅନେକ କାରଣରୁ ଛୋଟ କଣା କିମ୍ବା କ୍ରାକ୍ ହୋଇଯାଇଥାଏ । ଏହାକୁ ଭରିବା ପରେ ରଙ୍ଗ ମ୍ୟାଚ୍ କରିବା ପାଇଁ ଆପଣ ପୁରୁଣା ଲିପ୍ଷ୍ଟିକ୍ର ବ୍ୟବହାର କରିପାରିବେ ।
ଘରେ କରିପାରିବେ ଲିପ୍ ଅଏଲ୍:
ପୁରୁଣା ଲିକ୍ୱିଡ୍ ଲିପ୍ଷ୍ଟିକ୍ ବହୁତ କାମରେ ଲଗାଇ ପାରିବେ । ଆପଣ ଚାହିଁଲେ ଲିକ୍ୱିଡ୍ ଲିପ୍ଷ୍ଟିକ୍ରେ ଏସେନ୍ସ ପକାଇ ଲିପ୍ ଅଏଲ୍ ଭାବେ ବ୍ୟବହାର କରିପାରିବେ ।