ନୂଆଦିଲ୍ଲୀ: ଦିଲ୍ଲୀରେ ଲଜ୍ଜା। ଅମାନବୀୟ ପଶୁତ୍ତ୍ୱ ବର୍ବରତାରୁ ବର୍ତ୍ତୀ ପାରିଲେ ନାହିଁ ଦୁଇ କୋମଳମତି ଝିଅ। ଉତ୍ତର ଦିଲ୍ଲୀର ନରେଲା ସବର୍ବରେ ଥିବା ଏକ ଏକ ବ୍ୟକ୍ତିଗତ ସୁଇମିଂ ପୁଲରେ ଦୁଇ ନାବାଳିକା ଗଣଦୁଷ୍କର୍ମର ଶିକାର ହୋଇଛନ୍ତି। ପୀଡିତା ଦ୍ୱୟଙ୍କ ବୟସ ଯଥାକ୍ରମେ ୯ ଓ ୧୨ ବର୍ଷ ବୋଲି ଜଣାପଡିଛି। ପୀଡିତା ଦ୍ୱୟ ପ୍ରଥମେ ଗତ ଅଗଷ୍ଟ ୫ ତାରିଖରେ ନିଜ ପରିବାର ଲୋକଙ୍କୁ ଘଟଣା ସମ୍ପର୍କରେ ସୂଚନା ଦେଇଥିଲେ। ଘଟଣା ସମ୍ପର୍କରେ ଜଣାପଡିବା ପରେ ସ୍ଥାନିୟ ପୋଲିସ ଏକ ମାମଲା ରଜୁ କରି ଅନୁସନ୍ଧାନ ଆରମ୍ଭ କରିଥିଲା।
ଅଭିଯୋଗ ମିଳିବା ପରେ ପୋଲିସ ଉଭୟ ନାବାଳିକା ଦ୍ୱୟଙ୍କୁ ନେଇ ପ୍ରଥମେ ଡାକ୍ତରୀମାଇନା କରାଇଥିଲା। ଘଟଣାର ସତ୍ୟାସତ୍ୟ ଜଣା ପଡିବା ପରେ ପୋଲିସ ନିଜ ଆଡୁ ଏକ ମାମଲା ରୁଜୁ କରିଥିଲା। ଏହି ମାମଲାରେ ଗଣ ବଳାତ୍କାର, ଭୁଲ ଭାବରେ ପ୍ରତିବନ୍ଧକ ଏବଂ ଅପରାଧିକ ଧମକ ଆଦି ସାମିଲ ରହିଛି । ପୀଡିତ ଦ୍ୱୟ ନାବାଳିକା ହୋଇଥିବାରୁ ପୋସ୍କୋ ଆଇନର ଧାରା ମଧ୍ୟ ଲାଗୁ କରାଯାଇଛି।
ମିଳିଥିବା ସୂଚନା ମୁତାବକ, ନାବାଳିକା ଦ୍ୱୟ ସୁଇମିଂ ପୁଲରେ ପହଁରା ଶିଖିବା ପାଇଁ ଯାଇଥିଲେ। ହେଲେ ସେଠାରେ ପୂର୍ବରୁ ଉପସ୍ଥିତ ଥିବା ଅନିଲ କୁମାର ନାମକ ଜଣେ ବ୍ୟକ୍ତି ଜଣେ ନାବାଳିକାଙ୍କୁ ପ୍ରଲୋଭନ ଦେଖାଇ ତାଙ୍କ ଘରକୁ ନେଇଯିବା ସହ ତାଙ୍କ ସହ ଯୌନ ଉତ୍ପୀଡନ କରିଥିଲେ।
ଖାଲି ଏତିକିରେ ଘଟଣା ସୀମିତ ହୋଇନଥିଲା। ନିକଟରେ ଉପସ୍ଥିତ ଥିବା ଅନିଲଙ୍କର ଆଉ ଜଣେ ବନ୍ଧୁ ମୁନିଲ କୁମାର ମଧ୍ୟ ଅନ୍ୟ ପୀଡିତା ଜଣଙ୍କ ସହ ସମାନ ଅମାନବୀୟ ଘଟଣା ଘଟାଇଥିଲେ। ଯଦି ନାବାଳିକା ଦ୍ୱୟ ଏନେଇ କାହାକୁ କିଛି କୁହନ୍ତି ତେବେ ସେମାନଙ୍କୁ ଜୀବନରୁ ମାରିଦେବା ପାଇଁ ଉଭୟେ ପୀଡିତା ଦ୍ୱୟଙ୍କୁ ଧମକ ମଧ୍ୟ ଦେଇଥିଲେ।
ତେବେ ପୋଲିସ ଏଯାଏଁ ଅଭଯୁକ୍ତ ଦ୍ୱୟଙ୍କୁ ଗିରଫ କରିପାରିନଥିବା ଜଣାପଡିଛି। ବର୍ତ୍ତମାନ ସମ୍ୟରେ ଏହିଭଳି ବର୍ବରୋଚିତ କାଣ୍ଡ ବଢିଚାଲିଥିବାରୁ ସମ୍ପ୍ରତି ସମାଜରେ ଚିନ୍ତାର ବିଷୟ ହୋଇଛି।
