ଭୁବନେଶ୍ୱର, ୩୦/୦୭ : ଭୁବନେଶ୍ଵର ପ୍ରଦର୍ଶନୀ ପଡ଼ିଆରେ ଜମୁଛି ରାଜସ୍ଥାନୀ କଟନ୍ ଫ୍ୟାବ୍। ସକାଳ ୧୧ଟାରୁ ରାତି ୯ଟା ପର୍ଯ୍ୟନ୍ତ ଚାଲୁଛି ପ୍ରଦର୍ଶନୀ। ଏହି ମେଳାରେ ରଜସ୍ଥାନର ହାତ ତିଆରି ସାମଗ୍ରୀ ଠାରୁ ଆରମ୍ଭ କରି ବିଭିନ୍ନ ରାଜ୍ୟର ହସ୍ତଶିଳ୍ପ ଓ ହସ୍ତତନ୍ତ ସାମଗ୍ରୀ ବିକ୍ରି ହେଉଛି। ମେଳା ପରିସରରେ ୨୦୦ରୁ ଅଧିକ ଷ୍ଟଲ ପଡ଼ିଛି। ପ୍ରତିଟି ଷ୍ଟଲ୍ରେ ଭିନ୍ନ ଧରଣର ସାମଗ୍ରୀ ଦେଖିବାକୁ ମିଳୁଛି।
ଶାଢ଼ିଠାରୁ ଆରମ୍ଭ କରି ପୁଅଙ୍କ ସାର୍ଟ, କୁର୍ତ୍ତା, ଝିଅଙ୍କ ଡ୍ରେସ କପଡ଼ା, ଗାଉନ୍, ସବୁ ପ୍ରକାର ଜିନିଷ ଏଠାରେ ମିଳୁଛି । ବିଭିନ୍ନ ଡିଜାଇନ୍ର ଚୁଡ଼ି କିଣିବାକୁ ଲୋକଙ୍କ ଭିଡ଼ ଜମୁଛି । ପାଣି ଚୁଡିଠାରୁ ଆରମ୍ଭ କରି ଷ୍ଟୋନ୍ ଚୁଡ଼ି, ଲାଖ ଚୁଡ଼ି, ଗୋଲଡେନ୍ ଚୁଡ଼ି, ଗ୍ଲାସ ଷ୍ଟୋନ୍ ଚୁଡ଼ି, ପ୍ଲାଷ୍ଟିକ୍ ଡିଜାଇନ୍ ଚୁଡ଼ି ସହ ଅନେକ ଭେରାଇଟ୍ର ଚୁଡ଼ି ମିଳୁଛି । ଯାହାର ଦାମ୍ ୧୦୦ଟଙ୍କାରୁ ଆରମ୍ଭ । ଦୁଇପଟ ଚୁଡି ୧୦୦ଟଙ୍କାରେ ବିକ୍ରି ହେଉଥିବା ବେଳେ ସେଟ୍ ଚୁଡ଼ିଗୁଡ଼ିକ ୫୦୦ଟଙ୍କାରେ ଗ୍ରାହକଙ୍କୁ ଦିଆଯାଉଛି ।
ବନାରସୀ ଷ୍ଟଲରେ ବି ଗ୍ରାହକଙ୍କ ଭିଡ଼ ଦେଖିବାକୁ ମିଳୁଛି । ଏଠାରେ ଖଦୀ ସିଲ୍କ ଶାଢ଼ି ୧୬୦୦ଟଙ୍କାରୁ ଆରମ୍ଭ ହେଉଛି । ୧୦୦୦ ଟଙ୍କାରେ କଟନ୍ ସିଲ୍କ ଶାଢ଼ି ମିଳୁଛି । ମସରାଇଜ କଟନ୍ ଶାଢ଼ି, ଦେଶୀ ଟସର ସିଲ୍କ(୨୫୦୦ ଟଙ୍କା), ଚିକୁ କଟୋଲା ସଫ୍ଟ ସିଲ୍କ, ଚନ୍ଦେରୀ ସିଲ୍କ ଭଳି ଶାଢ଼ି ଏହି ଷ୍ଟଲରେ ଭଲ ଦାମ୍ରେ ମିଳୁଛି । ମେଳାରେ ବସ୍ତ୍ର ସାଙ୍ଗକୁ କାଠର ଫର୍ଣ୍ଣିଚର, ମସାଜ ସାମଗ୍ରୀ, ଘରସଜା ଜିନିଷ, ବିଭିନ୍ନ ପ୍ରକାର ଆଚାର, କସ୍ମେଟିକ୍ ଆଦି ଉପଲବ୍ଧ । ପ୍ରଦର୍ଶନୀର କିଣାକିଣି ଉପରେ ୨୦ପ୍ରତିଶତ ଅଫ୍ ରହିଛି । ଏହା ପାଇଁ ପ୍ରବେଶ ଶୁଳ୍କ ସମ୍ପୂର୍ଣ୍ଣ ମାଗଣା । ମେଳାରେ ପଶ୍ଚିମବଙ୍ଗ, ଆସାମ, ଓଡ଼ିଶା, ପଞ୍ଜାବ, ହରିୟାଣା, ଉତ୍ତରାଖଣ୍ଡ, ଉତ୍ତରପ୍ରଦେଶ, ରାଜସ୍ଥାନ, ଗୁଜୁରାଟ, ମଧ୍ୟପ୍ରଦେଶ, ବିହାର, ପଶ୍ଚିମବଙ୍ଗ, ଆନ୍ଧ୍ରପ୍ରଦେଶ, ତାମିଲନାଡୁ, କର୍ଣ୍ଣାଟକ, ତେଲେଙ୍ଗାନା, ଆସାମ, ପଣ୍ଡିଚେରୀ ଆଦି ଅନେକ ରାଜ୍ୟର ଷ୍ଟଲ ପଡ଼ିଛି ।
