ନୂଆଦିଲ୍ଲୀ: ଅଯୋଦ୍ଧାର ରାମମନ୍ଦିରକୁ ଦେଖିବା ପାଇଁ ଦେଶ-ବିଦେଶରୁ ଅନେକ ଲୋକ ଆସୁଛନ୍ତି। ରାମଲାଲାଙ୍କ ପ୍ରାଣ ପ୍ରତିଷ୍ଠା ଦିନ ସାରା ଦେଶର ଲୋକମାନେ ଦୀପଦାନ କରିଥିଲେ। କେବଳ ଦେଶ ନୁହେଁ ବିଦେଶରେ ମଧ୍ୟ ରାମଲାଲାଙ୍କୁ ନେଇ ଉତ୍ସାହ ଦେଖାଦେଇଥିଲା। ପ୍ରାଣ ପ୍ରତିଷ୍ଠା ଦିନ ସମଗ୍ର ବିଶ୍ୱର ପ୍ରାୟ 50ରୁ ଅଧିକ ଦେଶରୁ ପ୍ରତିନିଧି ମାନଙ୍କୁ ନିମନ୍ତ୍ରଣ କରାଯାଇଥିଲା। ଯେଉଁଥିରେ ଦକ୍ଷିଣ କୋରିଆର କିମ ଚିଲ-ସୁ ମଧ୍ୟ ସାମିଲ ଥିଲେ। ଚିଲ-ସୁ ହେଉଛନ୍ତି ରାଣି ହେଓଙ୍କର ରାଜବଂଶର ଦାୟଦ। ରାଣୀ ହେଓଙ୍କ ଅନ୍ୟନାମ ହେଉଛି ସୁରିରତ୍ନା। ତେବେ ଆପଣଙ୍କୁ ଜଣାଅଛି କି ରାଣୀ ହେଓ ଅଯୋଦ୍ଧାର ରାଜକୁମାରି ଥିଲେ।

ରାଣୀ ହେଓ ଓରଫ ସୁରିରାତ୍ନା ଅଯୋଧ୍ୟାଙ୍କ ରାଜକୁମାରୀ ଥିଲେ | ଏୈତିହାସିକ ତଥ୍ୟରୁ ଜଣାପଡେ ଯେ ରାଣୀ ସୁରିରତ୍ନା ୪୮ ଖ୍ରୀଷ୍ଟାବ୍ଦରେ କୋରିଆ ଯାତ୍ରା କରିଥିଲେ। ଅନ୍ୟପଟେ କୋରିଆରେ କିମ ସୁରୋ ନାମକ ଜଣେ ରାଜା ୪୨ ଖ୍ରୀଷ୍ଟାବ୍ଦରେ କୋରିଆରେ କରକ ରାଜବଂଶ ପ୍ରତିଷ୍ଠା କରିଥିଲେ। ରାଜକୁମାରୀ ସୁରିରତ୍ନା କୋରିଆରେ ପହଞ୍ଚିବା ପରେ ରାଜା କିମ ସୁରୋଙ୍କୁ ବିବାହ କରିଥିଲେ।

କୁହାଯାଏ ଏକଦା ରାଜକୁମାରୀ ସୁରିରତ୍ନାଙ୍କ ବାପା-ମା’ଙ୍କୁ ତାଙ୍କ ଝିଅକୁ ଗ୍ୟୁମଗବାନ(ବର୍ତ୍ତମାନର ସାଉଥ କୋରିଆ) ପଠେଇବା ପାଇଁ ସ୍ୱପ୍ନାଦେଶ ହୋଇଥିଲା। କାରଣ ରାଜା ସୁରୋଙ୍କୁ ଏଯାଏ କୌଣସି ରାଣୀ ମିଳି ନଥିଲେ। ସ୍ୱପ୍ନକୁ ସତ ମାନି ସୁରିରତ୍ନାଙ୍କ ବାପା-ମା’ ତାଙ୍କୁ ବହୁ ଉପହାର ସହ ଏକ ନୌକାରେ ସୁରୋଙ୍କ ସହ ଭେଟିବା ପାଇଁ ପଠାଇଥିଲେ। ରାଜକୁମାରି ଯାଇ ଦକ୍ଷ୍ଣ କୋରିଆରେ ପହଞ୍ଚିବା ସହ ରାଜା ସୁରୋଙ୍କୁ ବିବାହ କରିଥିଲେ। 

ଅଯୋଦ୍ଧାର ରାଜ ପରିବାରର ସଦସ୍ୟ ତଥା ରାମ ଜନ୍ମବୃଭୂମି ଟ୍ରଷ୍ଟର ଅଧ୍ୟକ୍ଷ ବିମଳେନ୍ଦ୍ର ମୋହନ ପ୍ରତାପ ମିଶ୍ର ୨୦୧୮ରେ ଏକ ଗଣମାଧ୍ୟମକୁ ସାକ୍ଷାତକାର ଦେଇଥିଲେ। ଏହି ସାକ୍ଷାତକାରରେ ସେ ଏକ ଘଟଣା ସମ୍ବଦ୍ଧରେ ପ୍ରକାଶ କରିଥିଲେ। ୧୯୯୬ ମସିହାରେ ଇଞ୍ଜେ ୟୁନିଭରସିଟିରୁ ଜଣେ ଡେଲିଗେଟ ରାଣୀ ହେଓଙ୍କ ସମ୍ବଦ୍ଧରେ ଜାଣିବାକୁ ଏଠାକୁ ଆସିଥିଲେ। ୧୯୯୯ ମସିହାରେ ସେ ରାଣୀଙ୍କୁ ଦକ୍ଷିଣ କୋରିଆର ରାଜଧାନୀ ଯିବାକୁ ନିମନ୍ତ୍ରଣ ଦେଇଥିଲେ। ସେମାନେ ସେଠାରେ ପହଞ୍ଚିବା ପରେ ସେଠାରେ ସେମାନଙ୍କୁ ଉତ୍ତମ ଅତିଥି ଚର୍ଚ୍ଚା ମିଳିଥିଲା। ତାହା ସହ ଭାରତ ଓ ଦକ୍ଷିଣ କୋରିଆର ମଧ୍ୟରେ ଉତ୍ତମ ସମ୍ବଦ୍ଧ ସ୍ଥାପନ କରିବା ଉପରେ ସେଠାରେ ଥିବା ଲୋକମାନେ ରାଜାଙ୍କ ସହ ଆଲୋଚନା କରିଥିଲେ।

ଉତ୍ତର କୋରିଆ ଗିମହେ ସହର ଓ ଉତ୍ତରପ୍ରଦେଶ ସରକାରଙ୍କ ସହଭାଗିତାରେ ୨୦୦୧ରେ ଅଯୋଧ୍ୟାରେ ରାଣୀ ହେଓ ମେମୋରିଆଲ ପାର୍କ ପ୍ରତିଷ୍ଠା କରିଥିଲେ। ପ୍ରାୟ ୨୦୦୦ ବର୍ଗ ମିଟର ଉପରେ ବିସ୍ତାର ହୋଇଥିବା ଏହି ପାର୍କରେ ଏକ ଧ୍ୟାନ ହଲ୍, ରାଜା ଏବଂ ରାଣୀଙ୍କ ପାଇଁ ମଣ୍ଡପ, ପାଥୱେ, ଫାଉଣ୍ଟେନ ଏବଂ ସମ୍ବଦ୍ଧିତ ଇତିହାସକୁ ନେଇ ବିଭିନ୍ନ ଫଟୋ ଏବଂ ଭିଡିଓ ସୁବିଧା ରହିଛି | ରାଣୀ ହେଓଙ୍କ ଦକ୍ଷିଣ କରିଆ କନେକ୍ସନ ଉତ୍ତରପ୍ରଦେଶ ପାଇଁ କେବଳ ସାଂସ୍କୃତିକ ନୁହେଁ ବାଣିଜ୍ୟିକ ଦୃଷ୍ଟିକୋଣରୁ ମଧ୍ୟ ବହୁ ଗୁରୁତ୍ୱପୂର୍ଣ୍ଣ। ଭାରତରେ ଦକ୍ଷିଣ କୋରିଆର ରାଷ୍ଟ୍ରଦୂତ ଚାଙ୍ଗ ଜେ-ବକ୍ ଗତ ବର୍ଷ କହିଥିଲେ ଯେ ଅଯୋଧ୍ୟା ଉଭୟ ଦେଶ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ୨୦୦୦ ବର୍ଷ ପୂର୍ବେ ଜଣେ ଭାରତୀୟ ରାଜକୁମାରୀ ଜଣେ କୋରିଆ ରାଜାଙ୍କୁ ବିବାହ କରିଥିଲେ ଓ ଅଯୋଧ୍ୟା ସହ ସୁସମ୍ପର୍କ ସ୍ଥାପନ କରିଥିଲେ। ଯାହାକି ଆମର ଏୈତିହାସିକ ପୁସ୍ତକ 'ଅୟୁତା'ରେ ମଧ୍ୟ ଉଲ୍ଲେଖ କରାଯାଇଛି |