ଲମତାପୁଟ, ୧୨/୧୧ : ମାନସିକ ବିକୃତ ଯୁବକଙ୍କ ଉନ୍ମତ୍ତ କାଣ୍ଡ। ୨ ଜଣଙ୍କ ଗଳା କାଟିବା ପରେ ନିଜ ବେକ କାଟିଦେଲେ ଯୁବକ। କୋରାପୁଟ ଜିଲ୍ଲା ଲମତାପୁଟ ଟିକରପଡା ଗାଁରେ ଏଭଳି ଅଭାବନୀୟ ଘଟଣା ଘଟିଛି। ଘଟଣାସ୍ଥଳରେ ଜଣଙ୍କର ମୃତ୍ୟୁ ହୋଇଛି।

ସୂଚନାନୁଯାୟୀ, ଟିକରପଡା ଗାଁର ସାଦୁ ବଡନାୟକ ତିନି ଦିନ ତଳେ ମାନସିକ ବିକୃତ ବ୍ୟବହାର କରୁଥିଲେ। କାଡ୍ରି ଗାଁର ରାମ କ୍ରିସାନୀ ସୋମବାର ସାଦୁ ବଡନାୟକଙ୍କ ଘରକୁ ବୁଲିବାକୁ ଆସିଥିଲେ। ଆଜି ସକାଳୁ ସଦା କୌଣସି କାରଣରୁ ଏକ ଛୁରୀ ସାହାଯ୍ୟରେ ରାମ କ୍ରିସାନୀଙ୍କ ସହ ନାବାଳକ ପୁତୁରା ସୁକୁ ବଡ଼ନାୟକଙ୍କ ଗଳା କାଟି ଦେଇଥିଲେ। ଘଟଣାସ୍ଥଳରେ ରାମଙ୍କ ମୃତ୍ୟୁ ହୋଇଥିବା ବେଳେ ପୁତୁରା ସୁକୁଙ୍କୁ ନନ୍ଦପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ସ୍ଥାନାନ୍ତରିତ କରାଯାଇଛି। ସଦା ନିଜ ଗଳା ମଧ୍ୟ କାଟି ଦେଇଛନ୍ତି। ଗ୍ରାମବାସୀ ସଦାଙ୍କୁ ବାନ୍ଧି ରଖିଥିବା ଜଣାପଡ଼ିଛି।