ସୋରଡ଼ା, ୦୯/୦୮: ଗଞ୍ଜାମ ଜିଲ୍ଲା ଆସ୍କା ରାସ୍ତା ଜାତୀୟ ରାଜପଥ କେ ରାମଚପୁର (କଇଠିରା) ଗ୍ରାମରେ ଦୁର୍ଘଟଣା । ନିୟନ୍ତ୍ରଣ ହରାଇ ରାସ୍ତା ପାର୍ଶ୍ଵ ବାଲି ଗଦା ଓ ଗୋଡ଼ି ଗଦା ଉପରେ ଚଢିଗଲା କାର୍ । ଏହି ଦୁର୍ଘଟଣାରେ ଜଣେ ବୃଦ୍ଧ ଗୁରୁତର ହୋଇଛନ୍ତି ।
ସୂଚନା ମୁତାବକ, ଧରାକୋଟ ବ୍ଲକ ବାହାଡାଗୁଡା ଗ୍ରାମରୁ ଗୋଟିଏ କାର ଧରାକୋଟ ଅଭିମୁଖେ ଯାଉଥିଲା । ମଧ୍ୟାହ୍ନରେ କଇଠିରା ଗ୍ରାମ ଠାରେ ନିୟନ୍ତ୍ରଣ ହରାଇ ରାସ୍ତା ପାର୍ଶ୍ଵ ବାଲି ଗଦା ଓ ଗୋଡ଼ି ଗଦା ଉପରେ ଚଢାଇ ଦେଇଥିଲା । ପରେ କିଛି ମିଟର ଘୋଷାଡ଼ି ହୋଇ କାର୍ଟି ଓଲଟି ପଡିଥିଲା । ତବେ ରାସ୍ତା ପାର୍ଶ୍ୱରେ କଇଠିରା ଗ୍ରାମର ବୟସ୍କ ବ୍ୟକ୍ତି ମୋହନ କରଙ୍କ ଉପରେ ମାଡି ଯାଇଥିଲା । ଫଳରେ ମୋହନ ଗୁରୁତର ହୋଇଛନ୍ତି । ଏସମ୍ପର୍କରେ ଖବର ପାଇ ଧରାକୋଟ ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି । କାର୍ଟି ଗୋଟେ ସାଇକେଲକୁ ଚୁରମାର କରିବା ସହ ରାସ୍ତା ପାର୍ଶ୍ଵ ଗଛକୁ ମଧ୍ୟ ଭାଙ୍ଗି ଦେଇଛି ।
