ବେଙ୍ଗାଲୁରୁ : ବେଙ୍ଗାଲୁରୁରୁ ଲକ୍ଷ ଲକ୍ଷ ଟଙ୍କା ମୂଲ୍ୟର ଏମଡିଏସଏ ( ମାଦକ ଦ୍ରବ୍ୟ)ର ତସ୍କରୀ କରିବା ଅଭିଯୋଗରେ, ଜଣେ ୩୪ବର୍ଷିୟା ମହିଳା ହୋଇଛନ୍ତି ଗିରଫ। ଶନିବାର ପୁଲିସ ଅଧିକାରୀଙ୍କ ଠାରୁ ଏହି ସୂଚନା ମିଳିଛି। ଅଭିଯୁକ୍ତ ମହିଳାଙ୍କ ନାଁ ଅନିଲା ରବିନ୍ଦ୍ରନ, ଯିଏକି ଅଞ୍ଚାଲୁମୁଦୁ ନିବାସୀ। ତାଙ୍କୁ ଶକ୍ତିକୁଲଙ୍ଗରା ପୁଲିସ ଓ କୋଲ୍ଲମ ସହର ପୁଲିସ ଡିଷ୍ଟ୍ରିକ୍ଟ ଆଣ୍ଟି-ନାର୍କୋଟିକ୍ସ ସ୍ପେଶାଲ ଟାକ୍ସ ଫୋର୍ସ ଶୁକ୍ରବାର ସନ୍ଧ୍ୟାରେ ହେପାଜତକୁ ନେଇଛି।
ପୁଲିସର କହିବାନୁସାରେ, ସେ ବେଙ୍ଗାଲୁରୁରୁ କାରରେ ଯାତ୍ରା କରୁଥିଲେ ଏବଂ ନିନ୍ଦକରା ପୋଲ ପାଖରେ ପୁଲିସ ତାଙ୍କ ଗାଡ଼ିକୁ ରୋକିବାକୁ ପ୍ରୟାସ କରି ଥିଲା , କିନ୍ତୁ କାର ଚାଳକ ଗାଡ଼ି ରୋକି ନଥିଲେ , ଏହାପରେ ପୁଲିସ କାର୍ର ପିଛା କରିଥିଲା। ପୁଲିସ ସୂତ୍ରାନୁସାରେ , ପରେ କାର୍କୁ ରୋକା ଯାଇ ତଲାସୀ କରାଯାଇ ଥିଲା , ଏଥିରେ ୯୦ ଗ୍ରାମ ଏମଡିଏମଏ ଜବତ କରାଯାଇ ଥିଲା।
ପୁଲିସ କହିଛି କି, କାର୍ରୁ ପ୍ରଥମେ ୫୦ ଗ୍ରାମ୍ ଏମଡିଏମଏ ଜବତ ହୋଇଥିଲା ଏବଂ ପରେ ମେଡିକାଲ ଯାଞ୍ଚ ବେଳେ ମହିଳାଙ୍କ ପ୍ରାଇଭେଟ୍ ପାର୍ଟ ( ଗୁପ୍ତାଙ୍ଗ)ରେ ଲୁଚାଇ ରଖାଯାଇ ଥିବା ,ପାଖାପାଖି ୪୦ ଗ୍ରାମ ଏମଡିଏମଏ ଥିବା ଜଣାପଡ଼ି ଥିଲା। ହେଲେ, ମୋଟ ଜବତ ମାଦକ ଦ୍ରବ୍ୟର ସଠିକ୍ ମାତ୍ରାର ସ୍ପଷ୍ଟ ଏବେ ସୁଦ୍ଧା ହୋଇନାହିଁ, କିନ୍ତୁ ଆନୁମାନିକ ପରିମାଣ ୯୦ ଗ୍ରାମ ଥିବା କୁହାଯାଉଛି।
ପୁଲିସ ସୂତ୍ରାନୁସାରେ , ମହିଳା କୋଲ୍ଲମ ସହରରେ ସ୍କୁଲ ଓ କଲେଜ୍ର ଛାତ୍ରଛାତ୍ରୀଙ୍କୁ ଏମଡିଏମଏର ସପ୍ଲାଇ କରିବା ପାଇଁ ମାଦକ ଦ୍ରବ୍ୟର ତସ୍କରୀ କରୁଥିଲେ। ଅଧିକାରୀମାନେ କହିଛନ୍ତି ଯେ , ଅଭିଯୁକ୍ତ ମହିଳା ପ୍ରଥମେ ମଧ୍ୟ ଏମଡିଏମଏର ତସ୍କରୀରେ ସାମିଲ ରହି ସାରିଛନ୍ତି। ପୁଲିସ କହିଛି କି , ଅଭିଯୁକ୍ତ ଦ୍ୱାରା ବ୍ୟବହାର କରାଯାଇ ଥିବା କାର୍ ମଧ୍ୟ ଜବତ କରାଯାଇଛି ଏବଂ ମାମଲାର ବିସ୍ତୃତ ଯାଞ୍ଚ ଜାରି ରହିଛି।
