ନୂଆଦିଲ୍ଲୀ,୧୪।୮: ଟାରିଫ୍ ବୃଦ୍ଧିକୁ ନେଇ ଭାରତ-ଆମେରିକା ମଧ୍ୟରେ ଜାରି ରହିଛି ଉତ୍ତେଜନା। ତେବେ ଏହା ଭିତରେ ଆମେରିକା ରାଷ୍ଟ୍ରପତି ଡୋନାଲ୍ଡୋ ଟ୍ରମ୍ପ ଓ ରୁଷ ରାଷ୍ଟ୍ରପତି ବ୍ଲାଡିମିର ପୁଟିନ୍ ପରସ୍ପରକୁ ଭେଟିବାକୁ ଯାଉଛନ୍ତି। ଆଲାସ୍କାରେ ହେବାକୁ ଥିବା ଏହି ଶାନ୍ତି ଆଲୋଚନା। ତେବେ ଏହା ପୂର୍ବରୁ ପୁଟିନ୍ ଦେଇଛନ୍ତି ଭାରତକୁ ଧମକ। ସେ କହିଛନ୍ତି, ଯଦି ଶାନ୍ତିବାର୍ତ୍ତା ବିଫଳ ହୁଏ, ତେବେ ଭାରତ ଉପରେ ଅତିରିକ୍ତ ଟାରିଫ୍ ଲଗାଯିବ। ଏହା ପୂର୍ବରୁ ଟ୍ରମ୍ପ ଭାରତ ଉପରେ ୫୦% ଟାରିଫ୍ ଘୋଷଣା କରିସାରିଛନ୍ତି। ଟାରିଫ୍ ନୂଆ ଦର ୨୭ ଅଗଷ୍ଟରୁ ଲାଗୁ ହେବ।
୧୫ ଅଗଷ୍ଟରେ ଆଲାସ୍କାରେ ଟ୍ରମ୍ପ ଓ ପୁଟିନ୍ ୟୁକ୍ରେନ୍ ସହ ଅସ୍ତ୍ରବିରତି ନେଇ ଗୁରୁତ୍ବପୂର୍ଣ୍ଣ ଆଲୋଚନା କରିବେ। ଏହି ବାର୍ତ୍ତା ଉପରେ ସାରା ଦୁନିଆର ନଜର ରହିଛି। କାରଣ ଗତ ୩ ବର୍ଷରୁ ଅଧିକ ସମୟ ହେବ ୟୁକ୍ରେନ୍-ରୁଷ ଯୁଦ୍ଧ ଚାଲିଛି। କୁହାଯାଉଛି ଯେ, ଟ୍ରମ୍ପ ଓ ପୁଟିନ୍ଙ୍କ ବୈଠକ ପରେ ରୁଷ ଓ ୟୁକ୍ରେନ୍ ଭିତରେ ସମାଧାନର ବାଟ ଫେରିପାରେ। ଆମେରିକାର ଅର୍ଥମନ୍ତ୍ରୀ ସ୍କଟ ବେସେଣ୍ଟ ଚେତାବନୀ ଦେଇଛନ୍ତି, ଓ୍ବାଶିଂଟନ୍ ଭାରତ ଉପରେ ସେକେଣ୍ଡାରୀ ଟାରିଫ୍ ବଢାଇପାରେ।
