ନୂଆଦିଲ୍ଲୀ : ସୁନୀତା ୱିଲିୟମ୍ସ ଓ ୱିଲମୋର ବୁଚ ମହାକାଶରେ ଅନେକ ମାସ ଧରି ରହିଛନ୍ତି। ଏବେ ଆସନ୍ତା ମାସ ଦୁହେଁ ଫେରିବାର ଅନୁମାନ କରାଯାଉଛି। ମାର୍ଚ୍ଚ ବା ଅପ୍ରେଲ୍ରେ ସୁନୀତା ଓ ୱିଲମୋରଙ୍କ ପୃଥିବୀକୁ ଫେରି ପାରନ୍ତି। ଏହି ମଧ୍ୟରେ ଟ୍ରମ୍ପ , ବାଇଡେନ ପ୍ରଶାସନ ଉପରେ ଟାର୍ଗେଟ୍ କରି ନିକଟରେ କହିଥିଲେ କି, ସୁନୀତା ଓ ୱିଲମୋରଙ୍କୁ ମହାକାଶରେ ତାଙ୍କର ହିଁ ସ୍ଥିତିରେ ଛାଡ଼ି ଦିଆ ଯାଇଛି।
ଏବେ ଟ୍ରମ୍ପର ଏହି ବୟାନରେ ସୁନୀତା ୱିଲିୟମ୍ସଙ୍କର ପ୍ରତିକ୍ରିୟା ସାମନାକୁ ଆସିଛି। ସେ ନିରବତା ଭାଙ୍ଗି କହିଛନ୍ତି କି, ତାଙ୍କୁ ଓ ୱିଲମୋରଙ୍କୁ ମହାକାଶରେ ଛାଡ଼ି ଦିଆ ଯାଇ ନାହିଁ। ସେ କହିଛନ୍ତି , ଆମେ ଏଠାରେ ଏମିତି ସ୍ଥିତିରେ ଅଛୁ, ଯେଉଁଠି ଆମ ପାଖରେ ସ୍ପେସ୍ ଷ୍ଟେସନ ପୂରା ମାନବଯୁକ୍ତ ଅଛି ଏବଂ ବିଶ୍ୱସ୍ତରୀୟ ବିଜ୍ଞାନ ଉପରେ କାମ କରୁଛୁ।
ସିବିଏସ ନ୍ୟୁଜ୍ ସହ କଥା ହୋଇ ସୁନୀତା ୱିଲିୟମ୍ସ କହିଛନ୍ତି , ମୋତେ ଲାଗୁ ନାହିଁ କି ମୋତେ ଏଠାରେ ଛାଡ଼ି ଦିଆ ଯାଇଛି। ମୁଁ ଏହା ବି ଭାବୁନି କି ଏଠାରେ ଫସି ରହିଛି। ସେ ଇଣ୍ଟରଭ୍ୟୁରେ ଆହୁରି କହିଛନ୍ତି , ଆମ ପାଖରେ ଖାଦ୍ୟ ଅଛି । ଆମ ପାଖରେ ପୋଷାକ ରହିଛି। ଆମ ପାଖରେ ଘରକୁ ଯିବାକୁ ଯାନ ଅଛି, ଯାହାକି ଯଦି ଅନ୍ତରାଷ୍ଟ୍ରୀୟ ମହାକାଶ ଷ୍ଟେସନରେ କିଛି ଖରାପସ୍ଥିତି ଉପୁଜିଲେ ଆମେ ଏହାର ସାମନା କରିପାରିବୁ ।
ସୁନୀତା କହିଛନ୍ତି , ଆମେ ଏମିତି ସ୍ଥିତିରେ ,ଯେଉଁଠି ଆମ ପାଖରେ ଅନ୍ତରାଷ୍ଟ୍ରୀୟ ମହାକାଶ ଷ୍ଟେସନ ସଂପୂର୍ଣ୍ଣ ରୂପେ ମାନବଯୁକ୍ତ ଓ ଆମେ କରଦାତାଙ୍କ ଇଚ୍ଛାନୁସାରେ କାମ କରୁଛୁ, ବିଶ୍ୱ ସ୍ତରୀୟ ବିଜ୍ଞାନ ଉପରେ କାମ କରୁଛୁ ଏବଂ ଏଥିପାଇଁ ମୁଁ ଏଠାକୁ ଆସି ଏବଂ ଟିମ୍ର ସଦସ୍ୟ ସାଜି ଗୌରବାନ୍ୱିତ ଅନୁଭବ କରୁଛି।
ଡେଲି ମେଲ୍ର ରିପୋର୍ଟରେ ସୂତ୍ରାନୁସାରେ କୁହାଯାଇଛି କି , ନାସା ୱିଲିୟମ୍ସ ଓ ୱିଲମୋରଙ୍କୁ ତାଙ୍କର ଦୁଇ ମହାକାଶ ଷ୍ଟେସନ କ୍ରୁମେଣ୍ଟ , କ୍ରୁ-୯ କମାଣ୍ଡର ନିକ୍ ହେଗ୍ ଓ କସ୍ମୋନାଟ୍ ଆଲେକଜାଣ୍ଡର ଗୋରବୁନୋଭ ସହ ୧୯ ମାର୍ଚ୍ଚର ପାଖାପାଖି ପୃଥିବୀକୁ ଫେରାଇ ଆଣିବାକୁ ଯୋଜନାର ଅନ୍ତିମ ରୂପ ଦେଉଛି।
ଉଲ୍ଲେଖନୀୟ ଯେ, ସୁନୀତା ଓ ୱିଲମୋର ଗତ ବର୍ଷ ଜୁନ୍ ମାସର ଆରମ୍ଭରେ ସ୍ପେସ୍ ଷ୍ଟେସନ ଯାଇଥିଲେ। ଉଭୟଙ୍କ ମିଶନ ପାଖାପାଖି ସପ୍ତାହେ ପାଇଁ ଥିଲା। କିନ୍ତୁ ସ୍ପେସ୍କ୍ରାଫ୍ଟ୍ ବୋଇଂ ଷ୍ଟାରଲାଇନରରେ ଟେକ୍ନିକାଲ ଖରାପ ଆସିବାରୁ ଦୁହିଁଙ୍କର ଫେରିବାରେ ବିଳମ୍ୱ ହେଉଛି। ପରେ ବୋଇଂ ଷ୍ଟାରଲାଇନର ବିନା ଯାତ୍ରୀରେ ପୃଥିବୀକୁ ଆସିଥିଲା। ସୁନୀତା ଓ ୱିଲମୋର ସେଠାରେ ରହିଥିଲେ। ଏହାପରେ ଦୁହିଁଙ୍କର ଫେରିବାର ଦାୟିତ୍ୱ ଏଲନ ମସ୍କଙ୍କ ସ୍ପେସଏକ୍ସକୁ ମିଳିଛି। ପରେ ଫେବ୍ରୁଆରୀରେ ଦୁହିଁଙ୍କୁ ଫେରେଇ ଆଣିବାକୁ ନିଷ୍ପତ୍ତି ନିଆଗଲା , କିନ୍ତୁ ପରେ ଅପ୍ରେଲ ଯାଏ ସ୍ଥଗିତ ରହିଥିଲା । ଏବେ ୧୯ ମାର୍ଚ୍ଚ ପାଖାପାଖି ଦୁହିଁଙ୍କୁ ପୃଥିବୀକୁ ଫେରିବାର ସମ୍ଭାବନା ରହିଛି।
