ଭୁବନେଶ୍ୱର ୦୧/୦୨: ଜ୍ୟୋତିଷ ଶାସ୍ତ୍ର ଅନୁଯାୟୀ, ଶନି ଦେବ ସବୁଠୁ ମନ୍ଥର ଗତିରେ ଚଳନ କରୁଥିବା ଗ୍ରହ। ସେ ଅଢେଇ ବର୍ଷରେ ତାଙ୍କ ରାଶି ପରିବର୍ତ୍ତନ କରନ୍ତି। ଏଥିସହିତ ଶନିଙ୍କ ନକ୍ଷତ୍ର ପରିବର୍ତ୍ତନ ବର୍ଷକୁ ଥରେ ହୋଇଥାଏ। ଯେହେତୁ ତାଙ୍କ ନକ୍ଷତ୍ର ସଂଖ୍ୟା ୨୭ । ତେଣୁ ତାଙ୍କୁ ସମାନ ନକ୍ଷତ୍ରକୁ ଫେରିବା ପାଇଁ ୨୭ ବର୍ଷ ସମୟ ଲାଗେ । ଶନି ଫେବୃଆରୀ ୨ ରେ ସକାଳ ୮.୫୧ ରେ ପୂର୍ବାଭାଦ୍ରପଦ ନକ୍ଷତ୍ରର ଦ୍ୱିତୀୟ ପଦରେ ପ୍ରବେଶ କରିବାକୁ ଯାଉଛନ୍ତି। ଏହି ନକ୍ଷତ୍ରର ସ୍ୱାମୀ ଗ୍ରହ ଦେବଗୁରୁ ବୃହସ୍ପତି। ତେଣୁ ବୃହସ୍ପତିଙ୍କ ନକ୍ଷତ୍ରରେ ଶନିଙ୍କ ପ୍ରବେଶ ହେତୁ ୩ ରାଶିର ସୁବର୍ଣ୍ଣ ସମୟ ଆରମ୍ଭ ହେବାକୁ ଯାଉଛି । ଆସନ୍ତୁ ଜାଣିବା ସେହି ୩ ଟି ଭାଗ୍ୟଶାଳୀ ରାଶି ବିଷୟରେ।
କୁମ୍ଭ ରାଶି : ଶନି ଦେବଙ୍କର ପୂର୍ବାଭାଦ୍ରପଦ ନକ୍ଷେତ୍ରରେ ପ୍ରବେଶ କରିବା ଦ୍ୱାରା ଏହି ରାଶିର ବ୍ୟକ୍ତିଙ୍କୁ ଅନେକ ଲାଭ ହାସଲ ହେବାକୁ ଯାଉଛି। ଏହି ସମୟରେ ଆପଣ ପରିବାର ସହିତ ଭଲ ସମୟ ଅତିବାହିତ କରିବେ। କ୍ୟାରିୟର ସମ୍ବନ୍ଧୀୟ ବାଧା ଦୂର ହେବ। ଆୟର ନୂତନ ଉତ୍ସ ଆରମ୍ଭ ହେବ। ଘରେ ଶୁଭ କାର୍ୟ୍ୟ ହେବାର ସମ୍ଭାବନା ରହିଛି। ଜୀବନ ସୁଖମୟ ହେବ।
ମେଷ ରାଶି : ଶନିଙ୍କ ନକ୍ଷେତ୍ର ପରିବର୍ତ୍ତନ ଆପଣଙ୍କ ପାଇଁ ଅତ୍ୟନ୍ତ ଅନୁକୂଳ ହେବାକୁ ଯାଉଛି । ଦୀର୍ଘଦିନ ଧରି ଅଟକି ରହିଥିବାକାର୍ଯ୍ୟ ସମାପ୍ତ ହୋଇପାରେ।ଘର କିମ୍ବା ଗାଡି କିଣିବାର ସ୍ୱପ୍ନ ପୂରଣ ହୋଇପାରେ। ଦୀର୍ଘ ସମୟ ପରେ, ପୁରୁଣା ବନ୍ଧୁ କିମ୍ବା ସମ୍ପର୍କୀୟଙ୍କୁ ଭେଟିବାର ସମ୍ଭାବନା ରହିଛି, ଯାହାଦ୍ୱାରା ଆପଣଙ୍କ ମନ ପ୍ରସନ୍ନ ରହିବ। ଆପଣଙ୍କ ବ୍ୟବସାୟ ଭଲ ଚାଲିବ। ସମାଜରେ ମାନ ସମ୍ମାନ ବୃଦ୍ଧି ପାଇବ।
ତୁଳା ରାଶି : ଏହି ରାଶି ବ୍ୟକ୍ତିଙ୍କର ଆର୍ଥିକ ସ୍ଥିତି ମଜବୁତ ହେବ। ଆପଣ ନୂତନ ପ୍ଲଟ୍ କିଣିପାରନ୍ତି କିମ୍ବା ପ୍ଲଟରେ ଘର ନିର୍ମାଣ ଆରମ୍ଭ କରିପାରନ୍ତି। ଚାକିରି ବଦଳାଇବାକୁ ଚିନ୍ତା କରୁଥିବା ଲୋକଙ୍କ ପାଇଁ ଏହା ଏକ ଭଲ ସମୟ ରହିବ। ଭଲ ପ୍ୟାକେଜ୍ ସହିତ ଆପଣ ନୂତନ କମ୍ପାନୀରୁ ଚାକିରି ଅଫର୍ ପାଇପାରନ୍ତି।
