ଶନି ଦେବ ଉତ୍ତର ଭାଦ୍ରପଦ ନକ୍ଷତ୍ରରେ ପ୍ରବେଶ କରିଛନ୍ତି । ଆସନ୍ତା ଅକ୍ଟୋବର ୩ ତାରିଖ ପର୍ଯ୍ୟନ୍ତ ଶନି ଦେବ ଏହି ସ୍ଥାନରେ ଅବସ୍ଥାନ କରିବେ । ୨୭ ବର୍ଷ ପରେ ଏହି ନକ୍ଷତ୍ରରେ ଶନି ପ୍ରବେଶ କରିବା ଦ୍ୱାରା ଅନେକ ରାଶିର ବ୍ୟକ୍ତଙ୍କୁ ଲାଭ ପ୍ରଦାନ କରିବେ । ଜ୍ୟୋତିଷ ଶାସ୍ତ୍ରରେ ଶନି ଦେବଙ୍କୁ ଏକ ଶକ୍ତିଶାଳୀ ଗ୍ରହ ଭାବରେ ବିବେଚନା କରାଯାଏ । ଏହା ସହିତ ଶନିଙ୍କୁ କଳିଯୁଗର ବିଚାରକ ମଧ୍ୟ କୁହାଯାଏ । କାରଣ ଶନି ଦେବ କୌଣସି ଭେଦଭାବ ବିନା କର୍ମ ଅନୁସାରେ ଶୁଭ ଫଳ ଏବଂ ଦଣ୍ଡ ଦେଇଥାନ୍ତି ।
ଯେତେବେଳେ ବି ଧୀର ଗତିଶୀଳ ଶନିଙ୍କ ଗତିରେ ପରିବର୍ତ୍ତନ ଆସେ ଏହା ଦେଶ, ବିଶ୍ୱ ଏବଂ ସମସ୍ତ ରାଶି ଉପରେ ପ୍ରଭାବ ପକାଇଥାଏ । ଶନି ଗ୍ରହ ୨୮ଏପ୍ରିଲ ୨୦୨୫ରେ ଉତ୍ତର ଭାଦ୍ରପଦ ନକ୍ଷତ୍ରରେ ପ୍ରବେଶ କରିସାରିଛନ୍ତି ଏବଂ ଅକ୍ଟୋବର ୩ ତାରିଖ ପର୍ଯ୍ୟନ୍ତ ଏହି ନକ୍ଷତ୍ରରେ ରହିବେ ।
ଜ୍ୟୋତିଷଙ୍କ ମତରେ ୨୭ବର୍ଷ ପରେ ଶନି ଭାଦ୍ରପଦ ନକ୍ଷତ୍ରରେ ଗୋଚର କରିଛନ୍ତି । ଏହି ନକ୍ଷତ୍ରରେ ଶନିଙ୍କ ଗୋଚର ଗୁରୁତ୍ୱପୂର୍ଣ୍ଣ କାରଣ ପୁଷ୍ୟ ଏବଂ ଅନୁରାଧା ପରି ଶନି ମଧ୍ୟ ଏହି ନକ୍ଷତ୍ରରେ ଅଧିପତି, ଯାହା ହେତୁ ଏହି ନକ୍ଷତ୍ରରେ ଶନିଙ୍କର ବିଶେଷ ପ୍ରଭାବ ପଡିଥାଏ । ଏପରି ପରିସ୍ଥିତିରେ ଏହି ନକ୍ଷତ୍ରରେ ରହି ଶନି ଦେବ ଅନେକ ରାଶିକୁ ଶୁଭ ଫଳ ପ୍ରଦାନ କରିବେ ।
ବୃଷ: ନ୍ୟାୟର ଅଧିପତି ଶନିଙ୍କ ନକ୍ଷତ୍ର ପରିବର୍ତ୍ତନ ପରେ ବୃଷ ରାଶିର ଲୋକମାନଙ୍କ ଭାଗ୍ୟ ଖୋଲିଯିବ । ଆପଣଙ୍କର ଆୟ ବୃଦ୍ଧି ପାଇବ ଏବଂ ରୋଜଗାର ସ୍ତର ବୃଦ୍ଧି ପାଇବ । ଏହି ସମୟରେ ଆପଣ ସମସ୍ତ ଅସମ୍ପୂର୍ଣ୍ଣ କାର୍ଯ୍ୟ ସମାପ୍ତ କରିବେ । ଯାହା ଆପଣ ଆର୍ଥିକ ସମସ୍ୟା ଯୋଗୁଁ ବନ୍ଦ କରିଦେଇଥିଲେ । ଏକ ନୂତନ ବ୍ୟବସାୟ ଆରମ୍ଭ କରିବାର ସ୍ୱପ୍ନ ମଧ୍ୟ ପୂରଣ ହୋଇପାରେ ।
କର୍କଟ: କର୍ମଫଳର ଦାତା ଶନି ମହାରାଜା ନକ୍ଷତ୍ର ପରିବର୍ତ୍ତନ କରିବାରୁ ଆପଣଙ୍କୁ ଶୁଭ ଫଳ ପ୍ରାପ୍ତି ହେବ । ଏହି ସମୟରେ ଆପଣ ସମସ୍ତ ପଡି ରହିଥିବା କାମ ଶେଷ କରିବେ । ଯଦି ଆପଣ ଚାକିରି କରୁଛନ୍ତି ତେବେ ପଦୋନ୍ନତିର ସମ୍ଭାବନା ରହିଛି ।
ତୃଳା: ଉତ୍ତର ଭାଦ୍ରପଦ ନକ୍ଷତ୍ରରେ ପ୍ରବେଶ କରିଥିବା ଶନି ଦେବ ତୁଳା ରାଶି ଲୋକଙ୍କ ପାଇଁ ଶୁଭ ହେବ । ଏହି ସମୟରେ ଋଚ୍ଚର ବୋଝ ହ୍ରାସ ପାଇବ ଏବଂ ଆର୍ଥିକ ସ୍ଥିତି ମଜବୁତ ହେବ । ଆପଣ ଘର ଏବଂ ଯାନର ସୁଖ ମଧ୍ୟ ପାଇପାରିବେ । ସେହି ସମୟରେ କୋର୍ଟରେ ଆଇନଗତ ମାମଲାରେ ନିଷ୍ପତ୍ତି ମଧ୍ୟ ଆପଣଙ୍କ ସପକ୍ଷରେ ଆସିପାରେ ।
