ନୂଆଦିଲ୍ଲୀ: ରୁଷ ଆଜି (ସୋମବାର) ହଠାତ୍ ୟୁକ୍ରେନ ସହିତ ଯୁଦ୍ଧବିରତି ଘୋଷଣା କରିଛି। ଏନେଇ ରୁଷ କହିଛି ଯେ ସେ ତିନି ଦିନ ପର୍ଯ୍ୟନ୍ତ ୟୁକ୍ରେନ ଉପରେ ଆକ୍ରମଣ କରିବ ନାହିଁ। ରୁଷ ମେ ୮ ରୁ ମେ ୧୦ ପର୍ଯ୍ୟନ୍ତ ୟୁକ୍ରେନ ସହିତ ଅସ୍ତ୍ରବିରତିରେ ରହିବ । ଆଉ ଏହା ପରେ ସେ ପୁଣି ଥରେ ଯୁଦ୍ଧ ଆରମ୍ଭ କରିବ।
ପ୍ରକୃତରେ, ଯେତେବେଳେ ରୁଷ ଏହି ଯୁଦ୍ଧବିରତି ଘୋଷଣା କରିଥିଲା, ଠିକ୍ ସେହି ସମୟରେ ରୁଷରେ ଦ୍ୱିତୀୟ ବିଶ୍ୱଯୁଦ୍ଧର ବିଜୟ ପାଳନ କରାଯାଇଥିଲା। ନାଜି ଜର୍ମାନୀ ଉପରେ ବିଜୟର ଦିନ ମେ ୯ ରେ ଋଷ ବିଜୟ ଦିବସ ପାଳନ କରିବ । ସେଥିପାଇଁ ଏହି ଦିନ ଯୁଦ୍ଧବିରତି ଘୋଷଣା କରାଯାଇଛି। ଏହି ଅସ୍ତ୍ରବିରତି ମେ ୮ ରୁ ଆରମ୍ଭ ହେବ ଏବଂ ୧୦ ମଇ ପର୍ଯ୍ୟନ୍ତ ରହିବ। କ୍ରେମଲିନ୍ କହିଛି ଯେ, ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ ମେ ୯ ରେ ବିଜୟ ଦିବସ ପାଇଁ "ମାନବୀୟତା ଆଧାରରେ" ସମ୍ପୂର୍ଣ୍ଣ ଶତ୍ରୁତା ବନ୍ଦ କରିବାକୁ ନିର୍ଦ୍ଦେଶ ଦେଇଛନ୍ତି।
ଏହି ଅସ୍ତ୍ରବିରତି ଏପରି ଏକ ସମୟରେ ଆସିଛି, ଯେତେବେଳେ କି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ୟୁକ୍ରେନରେ ଶାନ୍ତି ଚୁକ୍ତି ପାଇଁ ମଧ୍ୟସ୍ଥତା ପାଇଁ ବ୍ୟାପକ ପ୍ରୟାସ କରୁଛନ୍ତି।
