ନୂଆଦିଲ୍ଲୀ : କୋଲକାତର ଆରଜି କର ହସ୍ପିଟାଲରେ ଲେଡି ଡାକ୍ତରଙ୍କୁ ଦୁଷ୍କର୍ମ ଓ ହତ୍ୟା ମାମଲା। କୋର୍ଟ ଅଭିଯୁକ୍ତ ସଞ୍ଜୟ ରାୟକୁ ଦୋଷୀ ସାବ୍ୟସ୍ତ କରିଛନ୍ତି। କୋର୍ଟରେ ଶୁଶାଣି ବେଳେ ଅଭିଯୁକ୍ତ ସଞ୍ଜୟ ରାୟ ଲଗାତାର ଏହା କହିଛି କି, ତାକୁ ଫସାଇ ଦିଆ ଯାଇଛି। ସେ କହିଛି, ଅପରାଧି ବାହାରେ ବୁଲୁଛି। ସଞ୍ଜୟ ରାୟ କହିଛି - ସେ ରୁଦ୍ରାକ୍ଷର ମାଳା ପିନ୍ଧିଛି। ଏଥିପାଇଁ ସେ ଏହି ପ୍ରକାରର ଅପରାଧ କରି ପାରିବ ନାହିଁ। ଯଦି ସେ ଏମିତି ବି କରିଥାନ୍ତା ତ ତାର ମାଳା ମଧ୍ୟ ଛିଣ୍ଡି ଯାଇଥାନ୍ତା।
ନ୍ୟୁଜ୍ ୧୮ର ରିପୋର୍ଟ ଅନୁସାରେ, ଗୋଟିଏ ଦିନ ପୂର୍ବରୁ ସେ ଲକ୍ଅପ୍ରେ ଶାନ୍ତ ଓ ନିରବ ଥିଲା। ସେ କେବଳ ନିଜ ଓକିଲ ସହ କଥାବାର୍ତ୍ତା କରୁଥିଲା। କୋର୍ଟରେ ବିଚାରପତି କହିଲେ, ତୁମକୁ ଦଣ୍ଡ ନିଶ୍ଚୟ ମିଳିବ। ସୋମବାର କୋର୍ଟ ସଞ୍ଜୟ ରାୟର ସଜାର ଘୋଷଣା କରିବେ। କୋର୍ଟ କହିଛନ୍ତି କି, ଫରେନ୍ସିକ୍ ରିପୋର୍ଟରୁ ଜଣାପଡ଼ୁଛି କି, ସଞ୍ଜୟ ରାୟ ଏହି ଅପରାଧରେ ସାମିଲ ଥିଲା। ତାର ଡିଏନଏ ମଧ୍ୟ ଘଟଣା ସ୍ଥଳରୁ ମିଳି ଥିଲା।
କୋର୍ଟ କହିଛନ୍ତି, ଯେଉଁଭଳି ପୀଡ଼ିତାଙ୍କର ତୁମେ ହତ୍ୟା କରିଛ, ତୁମକୁ ଆଜୀବନ କାରାଦଣ୍ଡ ବା ମୃତ୍ୟୁର ସଜା ଦିଆଯାଇ ପାରେ। ସେ କହିଛନ୍ତି କି, ଭାରତୀୟ ନ୍ୟାୟ ସଂହିତାର ଧାରା ୬୪ ଅନୁସାରେ ୧୦ ବର୍ଷର ସଜା ଓ ଧାରା ୬୬ ଅନୁସାରେ ୨୫ ବର୍ଷର ଜେଲ୍, ଆଜୀବନ ବା ପୁଣି ମୃତ୍ୟୁର ସଜା ହୋଇପାରେ। ସଞ୍ଜୟ ରାୟକୁ ବର୍ତ୍ତମାନ ଜେଲ୍ ପଠାଇ ଦିଆ ଯାଇଛି। ସୋମବାର ସିବିଆଇର ପ୍ରମାଣର ବିଶ୍ଳେଷଣ କରିବା ପରେ ସଜାର ଘୋଷଣା କରାଯିବ। ତାକୁ ଏବେ ଧାରା ୬୪ (ଦୁଷ୍କର୍ମ ) ଅନୁସାରେ ଦୋଷୀ ସାବ୍ୟସ୍ତ କରାଯାଇଛି।
ନିଷ୍ପତ୍ତି ପରେ ରାୟକୁ କଡ଼ା ନିରୀକ୍ଷଣରେ କୋର୍ଟ ଗୃହରୁ ପ୍ରେସିଡେନ୍ସି ସୁଧାର ଗୃହ ନିଆଗଲା ଏବଂ ପୁଲିସ ସେଠାରେ ପ୍ରତୀକ୍ଷା କରୁଥିବା ମିଡ଼ିଆକର୍ମୀଙ୍କୁ ଦୋଷୀ ସହ କୌଣସି ପ୍ରକାରର କଥାବାର୍ତ୍ତା କରିବାରେ ରୋକା ଯାଇଛି। ମୃତକାଙ୍କ ମାତା-ପିତା ଅଭିଯୁକ୍ତକୁ ଦୋଷୀ ସାବ୍ୟସ୍ତ କରାଇବା ନେଇ ବିଚାରପତିଙ୍କୁ ଧନ୍ୟବାଦ ଦେଇଛନ୍ତି।
ମାମଲାର ଆରମ୍ଭରେ ଯାଞ୍ଚ କରୁଥିବା କୋଲକାତା ପୁଲିସ ୧୦ ଅଗଷ୍ଟରେ ରାୟକୁ ଗିରଫ କରିଥିଲା। ଏଥିରୁ ଗୋଟିଏ ଦିନ ପୂର୍ବରୁ ହିଁ ଚିକିତ୍ସକଙ୍କର ମୃତଦେହ ହସ୍ପିଟାଲର ସେମିନାର ରୁମ୍ରୁ ଉଦ୍ଧାର କରାଯାଇ ଥିଲା। ପରେ କୋଲକାତା ଉଚ୍ଚ ନ୍ୟାୟାଳୟ ମାମଲାକୁ ସିବିଆଇକୁ ପ୍ରଦାନ କରି ଥିଲେ। ଯାଞ୍ଚ ଏଜେନ୍ସି ଅଭିଯୁକ୍ତ ପାଇଁ ମୃତ୍ୟୁଦଣ୍ଡର ଦାବି କରିଥିଲା। ପ୍ରଶିକ୍ଷୁ ଚିକିତ୍ସକଙ୍କ ସହ ଦୁଷ୍କର୍ମ ଓ ହତ୍ୟା ମାମଲାରେ ୧୨ ନଭେମ୍ୱରରେ ବନ୍ଦ ଗୃହରେ ଶୁଣାଣି ହୋଇଥିଲା ଏବଂ ୫୦ ଜଣ ସାକ୍ଷୀଙ୍କୁ ପଚାରପଚରି କରାଯାଇଛି। ଶୁଣାଣି ୯ ଜାନୁଆରୀରେ ସରିଥିଲା।
