ନୂଆଦିଲ୍ଲୀ,୧୭/୦୬: ବିଳମ୍ବରେ ଆସୁଥିବା କର୍ମଚାରୀଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ପାଇଁ କେନ୍ଦ୍ର ସରକାର ଚେତାବନୀ ଦେଇଛନ୍ତି। ଏହି ମାମଲାକୁ ଗମ୍ଭୀରତାର ସହ ନେବାକୁ ସେ ବରିଷ୍ଠ ଅଧିକାରୀମାନଙ୍କୁ କହିଛନ୍ତି। କ୍ରମାଗତ ଭାବରେ ଅଭିଯୋଗ ଗ୍ରହଣ କରାଯାଉଥିଲା ଯେ ଅନେକ କର୍ମଚାରୀ ବାୟୋମେଟ୍ରିକ୍ ଆଟେଣ୍ଡାଣ୍ଟ ସିଷ୍ଟମ୍ (AEBAS) ରେ ସେମାନଙ୍କର ଉପସ୍ଥାନ ପଞ୍ଜିକରଣ କରୁନାହାଁନ୍ତି। କିଛି କର୍ମଚାରୀ ନିୟମିତ ବିଳମ୍ବରେ ଆସୁଛନ୍ତି। ଏନେଇ ବାରମ୍ବାର ଅଭିଯୋଗ ଗ୍ରହଣ କରିବା ପରେ ଏନେଇ ଏକ ଚେତାବନୀ ଦିଆଯାଇଛି। 

ଏଥିରେ ଦର୍ଶାଯାଇଛି ଯେ AEBAS ର କାର୍ଯ୍ୟକାରିତା ଉପରେ ସମୀକ୍ଷା କରାଯାଇଛି। ସମୀକ୍ଷାରୁ ଜଣାପଡିଛି ଯେ AEBAS ର କାର୍ଯ୍ୟାନ୍ୱୟନରେ ମାନ୍ଦା ସ୍ଥିତି ଦେଖିବାକୁ ମିଳୁଛି। ଏହାକୁ ଗୁରୁତର ସହ ଗ୍ରହଣ କରି କାର୍ମିକ ମନ୍ତ୍ରଣାଳୟ କହିଛି ଯେ ସମସ୍ତ ବିଭାଗ ନିୟମିତ ଭାବରେ ଉପସ୍ଥାନ ରିପୋର୍ଟ ଉପରେ ନଜର ରଖିବେ। ବିଳମ୍ବରେ ପହଞ୍ଚିବା ଏବଂ ଶୀଘ୍ର ଅଫିସ୍ ଛାଡ଼ିବା ଅଭ୍ୟାସକୁ ଗୁରୁତର ସହ ନିଆଯିବା ଉଚିତ୍। ଏହା ନିଶ୍ଚିତ ଭାବରେ ବନ୍ଦ ହେବା ଜରୁରୀ । ବର୍ତ୍ତମାନ ନିୟମ ଅନୁଯାୟୀ କାର୍ଯ୍ୟରେ ଖିଲାପ କରୁଥିବା ଅଧିକାରୀଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଆରମ୍ଭ କରାଯାଇପାରେ।

ସମସ୍ତ ବିଭାଗର ସଚିବମାନଙ୍କୁ ଦିଆଯାଇଥିବା ଆଦେଶରେ କୁହାଯାଇଛି ଯେ ଏହା ନିଶ୍ଚିତ ହେବ ଯେ, AEBAS ରେ ପଞ୍ଜୀକୃତ ଏବଂ ସକ୍ରିୟ କର୍ମଚାରୀଙ୍କ ମଧ୍ୟରେ କୌଣସି ପାର୍ଥକ୍ୟ ରହିବ ନାହିଁ। ଏହି ଆଦେଶରେ ଦର୍ଶାଯାଇଛି ଯେ ସଂପୃକ୍ତ ବରିଷ୍ଠ ଅଧିକାରୀମାନେ ନିୟମିତ ଭାବରେ ପୋର୍ଟାଲରୁ ରିପୋର୍ଟ ଡାଉନଲୋଡ୍ କରିବେ ଏବଂ ନିୟମ ଉଲଂଘନକାରୀମାନଙ୍କୁ ଚିହ୍ନଟ କରିବେ। କାର୍ମିକ ମନ୍ତ୍ରଣାଳୟ ଅନୁଯାୟୀ ବିଳମ୍ବରେ ପହଞ୍ଚିବା ଯୋଗୁ କର୍ମଚାରୀମାନଙ୍କୁ ଅଧା ଦିନର ଦରମା କାଟ୍‌ କରାଯିବ। ଏହା ମଧ୍ୟ କୁହାଯାଇଛି ଯେ, ମାସରେ ଥରେ କିମ୍ବା ଦୁଇଥର, ଯଥାର୍ଥ କାରଣରୁ ବିଳମ୍ବ ହେତୁ ଉପସ୍ଥାନ କର୍ତ୍ତୃପକ୍ଷଙ୍କ ଦ୍ୱାରା ସମ୍ପୃକ୍ତ କର୍ମଚାରୀଙ୍କୁ ଛାଡ଼ କରାଯାଇପାରେ।