ଚିକିଟି,୦୯/୦୭: ଗଞ୍ଜାମ ଜିଲ୍ଲା କେ. ନୂଆଗାଁ ଥାନା ଅଞ୍ଚଳରେ ପୁଣି ଦୁର୍ବୃତ୍ତଙ୍କ ଆତଙ୍କରାଜ । ଶିକ୍ଷକଙ୍କୁ ରାସ୍ତାରେ ଆକ୍ରମଣ କରି ଲୁଟିନେଲେ ଟଙ୍କା । କେ. ନୂଆଗାଁ ଥାନାରେ ଠାରୁ ମାତ୍ର ଦୁଇ କିଲୋମିଟର ଦୂର ଟେଣ୍ଟୁଆପଡ଼ା ଯିବା ରାସ୍ତାରେ ଏହି ଲୁଟ୍ ଘଟିଛି ।

ସୂଚନା ମୁତାବକ, ଗୌଡ଼ଗାଁ ଗାଁର ରାଜେଶ୍ୱର ପାତ୍ର ପାତ୍ରପୁର ବ୍ଲକ୍ ପୁହୁଣ୍ଡି ଗ୍ରାମରେ ଶିକ୍ଷକ ଅଛନ୍ତି । କିନ୍ତୁ ପରିବାର ସହ ଚିକିଟି କରବାଲୁଆରେ ଭଡ଼ା ଘରେ ରହି ପ୍ରତିଦିନ ସ୍କୁଲକୁ ଯିବା ଆସିବା କରନ୍ତି । ସବୁଦିନ ପରି ବୁଧବାର ମଧ୍ୟ ସ୍କୁଲକୁ ଯାଇଥିଲେ । ରତନେଇ ପାହାଡ଼ କଡ଼ଡ଼େଇ ତେଣ୍ଟୁଆପଡା ରାସ୍ତାରେ ଯାଉଥିବା ବେଳେ ବ୍ରିଜ୍ ନିକଟ କିଛି ଦୁର୍ବୃତ୍ତ ତାଙ୍କୁ ଆକ୍ରମଣ କରିଥିଲେ । ଫଳରେ ସେ ତଳେ ପଡିଯାଇଥିଲେ । ତାଙ୍କ ପାଖରୁ ୩୩୦୦ ଟଙ୍କା ନେଇ ଚମ୍ପଟ ମାରିଥିଲେ ଦୁର୍ବୃତ୍ତମାନେ। ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ଚିକିଟି CHCରେ ଭର୍ତ୍ତି କରିଥିଲେ । ସେଠାରେ ପ୍ରାଥମିକ ଚିକିତ୍ସା ପରେ ତାଙ୍କୁ ବ୍ରହ୍ମପୁର ବଡ଼ ମେଡିକାଲକୁ ସ୍ଥାନାନ୍ତର କରାଯାଇଛି । ଖବର ପାଇ କେନୁଆଗାଁ ପୁଲିସ ଡାକ୍ତରଖାନାରେ ପହଞ୍ଚି ତଦନ୍ତ କରୁଛି ।