ନୂଆଦିଲ୍ଲୀ,୦୯ /୦୭: ଲଞ୍ଚ ହେଲା ନୂଆ ମେସେଜିଂ ଆପ୍ । ଆଉ ଦରକାର ପଡିବନି ଇଣ୍ଟରନେଟ୍ । ହ୍ୱାଟ୍ସଆପ୍ ସହ କରିବ ପ୍ରତିଯୋଗିତା । ନୂଆ ମେସେଜିଂ ଆପ୍ ଲଞ୍ଚ୍ କରିଛନ୍ତି ପୂର୍ବତନ ଟ୍ୱିଟର ସିଇଓ ଜ୍ୟାକ୍ ଡୋରସି । ହ୍ୱାଟ୍ସଅପ୍ ଏବଂ ଟେଲିଗ୍ରାମ ଭଳି ଲୋକପ୍ରିୟ ମେସେଜିଂ ପ୍ଲାଟଫର୍ମ ଇଣ୍ଟରନେଟ୍ ବେସ୍ଡ ହୋଇଥିଲେ ବି ବିନା ମୋବାଇଲ ଡାଟା କିମ୍ବା ବିନା ୱାଇ-ଫାଇରେ ବି ଚାଲିବ ବିଟ୍ଚାଟ୍ । ଏହି ଆପ୍ ଡିସେଣ୍ଟ୍ରାଲାଇଡଜ୍ ଅର୍ଥାତ ଡୋର୍ସିଙ୍କ ଟ୍ୱିଟର ପ୍ରତିନ୍ଦ୍ୱନ୍ଦୀ ବ୍ଲୁସ୍କି ପରି ଏହାର କୌଣସି କେନ୍ଦ୍ରୀୟ ସର୍ଭର ନାହିଁ ।
ବିନା ନେଟ୍ରେ ଚାଲିବ ବିଟ୍ଚାଟ୍- ଯଦି ଆପଣ ହ୍ୱାଟ୍ସଆପ୍ କିମ୍ବା ଅନ୍ୟ କୌଣସି ମେସେଜିଂ ଆପରେ ମେସେଜ୍ ପଠାଇବା ପାଇଁ ଇଣ୍ଟରନେଟ୍ ଆବଶ୍ୟକ କରୁଛନ୍ତି ତେବେ ଆପଣଙ୍କ ପାଇଁ ଏହି ଆପ୍ ଉପଯୋଗୀ ସାବ୍ୟସ୍ତ ହେବ । ଏବେ ଏକ ଇନଷ୍ଟାଣ୍ଟ ମେସେଜିଂ ଆପ୍ ଲଞ୍ଚ କରାଯାଇଛି ଯାହା ବିନା ଇଣ୍ଟରନେଟ, ବିନା ଫୋନ୍ ନେଟୱାର୍କରେ ମଧ୍ୟ କାମ କରିବ। ଏହାକୁ ଅନ୍ୟ କେହି ନୁହେଁ ବରଂ ଟ୍ୱିଟରର ସହ-ପ୍ରତିଷ୍ଠାତା ଜ୍ୟାକ୍ ଡୋର୍ସି ଲଞ୍ଚ କରିଛନ୍ତି। ବିଟ୍ଚାଟ୍ ମେସେଜିଂ ପ୍ଲାଟଫର୍ମ ସମ୍ପୂର୍ଣ୍ଣ ବିଏଇ ବା ବ୍ଲୁଟ୍ୟୁଥ୍ ଲେ ଏନର୍ଜି ନେଟୱର୍କରେ କାମ କରିଥାଏ । ଏହା ସ୍ମାର୍ଟଫୋନ୍ର ଲୋକାଲ କ୍ଲଷ୍ଟର ପ୍ରସ୍ତୁତ କରେ । ଏହି ଆପ୍ ବିଷୟରେ ସବୁଠାରୁ କଥା ହେଉଛି ଏହାକୁ ବ୍ୟବହାର କରିବା ପାଇଁ ଇଣ୍ଟରନେଟ୍ ଆବଶ୍ୟକ ନାହିଁ। ଏହି ଆପ୍ ବ୍ଲୁଟୁଥ୍ ଟେକ୍ନୋଲୋଜି ମାଧ୍ୟମରେ ମେସେଜ୍ ପଠାଇବା ଏବଂ ରିସିଭ୍ କରିବାରେ ସକ୍ଷମ ।
ହ୍ୱାଟ୍ସଆପ୍ ଏବଂ ଟେଲିଗ୍ରାମ ପରି ଲୋକପ୍ରିୟ ମେସେଜିଂ ପ୍ଲାଟଫର୍ମ ଇଣ୍ଟରନେଟ୍ ଉପରେ ଆଧାରିତ ହୋଇଥିଲେ ମଧ୍ୟ, ବିଟ୍ଚ୍ୟାଟ୍ ୱାଇ-ଫାଇ କିମ୍ବା ମୋବାଇଲ୍ ଡାଟା ବିନା ଚାଲିଥାଏ। ଏହା ଏକ ବ୍ଲୁଟୁଥ୍ ମେଶ୍ ନେଟୱାର୍କ ଉପରେ ଆଧାରିତ। ଏହି ପ୍ରଯୁକ୍ତିବିଦ୍ୟା ଟୋରେଣ୍ଟ ପରି ପିଅର-ଟୁ-ପିଅର କନେକ୍ସନରେ କାମ କରେ। ଯେଉଁଥିରେ ନିକଟବର୍ତ୍ତୀ ଡିଭାଇସଗୁଡ଼ିକ ପରସ୍ପର ସହିତ କନେକ୍ଟ ଥାଏ । ମେସେଜଗୁଡ଼ିକୁ ଏନକ୍ରିପ୍ଟଡ୍ ରୂପରେ ଗୋଟିଏ ଡିଭାଇସରୁ ଅନ୍ୟ ଡିଭାଇସକୁ ପଠାଯାଇଥାଏ ।
ବିଟ୍ଚ୍ୟାଟରେ ପଠାଯାଇଥିବା ସମସ୍ତ ମେସେଜ୍ଗୁଡ଼ିକ ଏଣ୍ଡ-ଟୁ-ଏଣ୍ଡ ଏନକ୍ରିପ୍ଟେଡ୍ ହୋଇଥାଏ, ଅର୍ଥାତ୍ କେବଳ ସେଣ୍ଡର୍ ଆଣ୍ଡ ରିସିଭର ସେଗୁଡ଼ିକୁ ପଢ଼ିପାରିବେ। ଭବିଷ୍ୟତରେ WiFi Direct ସମର୍ଥନ ଯୋଡାଯିବ, ଯାହା ଆପ୍ର ଗତି ଏବଂ ପରିସରକୁ ଆହୁରି ଉନ୍ନତ କରିବ। ବିଟ୍ଚ୍ୟାଟରେ ଗ୍ରୁପ୍ ଚାଟ୍ଗୁଡ଼ିକୁ "ରୁମ୍" କୁହାଯାଏ, ଯାହା ଏକ ହ୍ୟାସଟ୍ୟାଗ୍ (#) ସହିତ ଆରମ୍ଭ ହୁଏ ଏବଂ ପାସୱାର୍ଡ ସୁରକ୍ଷିତ। ଯଦି ଜଣେ ୟୁଜର୍ସ ଅଫ୍ଲାଇନ୍ ଥାଆନ୍ତି, ତେବେ ମେସେଜ୍ଗୁଡ଼ିକୁ ମଧ୍ୟ ସେଭ୍ ଏବଂ ଫର୍ୱାର୍ଡ କରାଯାଇପାରିବ। ଅର୍ଥାତ୍ ସେ ପୁଣି ଅନ୍ଲାଇନ୍ ହେବା ମାତ୍ରେ ସେଗୁଡ଼ିକୁ ଦେଖିପାରିବେ ।
ବର୍ତ୍ତମାନ ବିଟ୍ଚ୍ୟାଟ୍ କେବଳ Apple ବ୍ୟବହାରକାରୀଙ୍କ ପାଇଁ TestFlight ମାଧ୍ୟମରେ ଉପଲବ୍ଧ ଏବଂ ଏହାର ୧୦ ହଜାର ୟୁଜର୍ସଙ୍କ ସୀମା ପୂର୍ବରୁ ସମାପ୍ତ ହୋଇସାରିଛି। ଏହି ଆପ୍ ଖୁବ୍ ଶୀଘ୍ର ଆପଲ୍ ଆପ୍ ଷ୍ଟୋରରେ ଉପଲବ୍ଧ ହୋଇପାରେ। ଆଣ୍ଡ୍ରଏଡ୍ ପାଇଁ GitHubରେ ପ୍ରଦାନ କରାଯାଇଥିବା ସୂଚନା ଅନୁସାରେ, ଏହା ପ୍ଲାଟଫର୍ମ ଅଜ୍ଞୋଷ୍ଟିକ୍ ଏବଂ ବ୍ଲୁଟୁଥ୍ LE API ଏବଂ ଏନକ୍ରିପ୍ସନ ପଦ୍ଧତି ବ୍ୟବହାର କରି ଯେକୌଣସି ପ୍ଲାଟଫର୍ମରେ ବିକଶିତ କରାଯାଇପାରିବ।
