ଭୁବନେଶ୍ବର,୬/୬ : ମାଲାବାର ଗୋଲ୍ଡ ଆଣ୍ଡ ଡାଇମଣ୍ଡ ପକ୍ଷରୁ ଆରମ୍ଭ ହୋଇଯାଇଛି ବ୍ରାଇଡ୍ସ ଅଫ ଇଣ୍ଡିଆ କ୍ୟାମ୍ପେନ । ବିବାହ ଋତୁ ଆଗକୁ ଆସୁଥିବାବେଳେ ତାକୁ ଦୃଷ୍ଟିରେ ରଖି ମାଲାବାର ପକ୍ଷରୁ ଏହି କ୍ୟାମ୍ପେନ ଲଞ୍ଚ କରାଯାଇଛି । ଭାରତୀୟ ନାରୀଙ୍କ ପାଇଁ ବିବାହର ଦିନଟି ଖୁବ୍ ସ୍ୱତନ୍ତ୍ର । ତେଣୁ ବିବାହ ଦିନ ନିଜ ପସନ୍ଦର ଗହଣା କଲେକ୍ସନ ପିନ୍ଧିବାକୁ ସ୍ବପ୍ନ ଦେଖିଥିବା ମହିଳାଙ୍କ ସ୍ବପ୍ନ ପୁରା କରିବ ମାଲାବାର ।
ଏହି ଲକ୍ଷ୍ୟ ନେଇ ଭୁବନେଶ୍ୱର ସୌଭାଗ୍ୟ ନଗରସ୍ଥିତ ମାଲାବାର ସୋ ରୁମରେ ଆଜି ଏହା ଲଞ୍ଚ ହୋଇଛି । ଓଡ଼ିଆ ବୋହୂ ଲୁକ ସମେତ, ବଙ୍ଗାଳୀ ବିବାହ, ତେଲୁଗୁ ବିବାହ ଓ ଅନ୍ୟାନ୍ୟ ଭିନ୍ନଭିନ୍ନ ସମ୍ପ୍ରଦାୟର ମହିଳାମାନେ ବିଭିନ୍ନ ଗହଣାରେ ସଜେଇ ହୋଇଥିଲେ । ବିଏମସି କର୍ପୋରେଟର ବିନୟିନୀ ଜେନା ଏହି କାର୍ଯ୍ୟକ୍ରମରେ ଯୋଗଦେଇ ଏହାକୁ ଉଦଘାଟନ କରିଛନ୍ତି । ତେବେ ବର୍ତ୍ତମାନ ମଧ୍ୟ ମାଲାବାରରେ ଅଫର ଗୁଡ଼ିକ ଚାଲୁ ରହିଛି । ତେଣୁ ଗ୍ରାହକ ଚାହିଁଲେ ସୁନା ବୁକ କରିବା ସୁବିଧା ମଧ୍ୟ ରହିଛି ବୋଲି କହିଛନ୍ତି ମାର୍କେଟିଂ ମ୍ୟାନେଜର ।
