ନୂଆଦିଲ୍ଲୀ,୧୭।୬: ଦିଲ୍ଲୀରେ ପାଣିର ଘୋର ଅଭାବ। ଏହା ଭିତରେ ଜଳ ମନ୍ତ୍ରୀ ଆତିଶି ସିଂହ ହରିୟାଣା ସରକାରଙ୍କ ନିକଟରେ ହାତ ଯୋଡି ଅନୁରୋଧ କରିଛନ୍ତି। ଆତିଶି ହରିୟାଣା ସରକାରଙ୍କୁ କହିଛନ୍ତି, ଦିଲ୍ଲୀବାସୀଙ୍କ ଜୀବନ ଏବେ ଆପଣଙ୍କ ହାତରେ ରହିଛି। ବଜିରାବାଦ ବ୍ୟାରେଜରୁ ବହୁ ଓ୍ବାଟର ଟ୍ରିଟମେଣ୍ଟ ପ୍ଲାଣ୍ଟସ୍କୁ ପାଣି ପଠାଯାଇଥାଏ, କିନ୍ତୁ ଏବେ ସେଠାକୁ ଆଉ ପାଣି ଛଡା ଯାଉ ନାହିଁ। ଜଳସ୍ତର ଖୁବ୍ ତଳକୁ ଖସି ଯାଇଛି।
ଆତିଶି କହିଛନ୍ତି, କେବଳ ହରିୟାଣା ସରକାରଙ୍କୁ କହିପାରିବୁ ଯେ, ଦିଲ୍ଲୀବାସୀଙ୍କ ସମସ୍ୟାର ସାମାଧାନ କରନ୍ତୁ। ଏପର୍ଯ୍ୟନ୍ତ ହରିୟାଣା ପଟୁ ଯମୁନା ନଦୀକୁ ପାଣି ଛଡା ଯାଇ ନାହିଁ। ପାଣିର ଘୋର ଅଭାବ ଦେଖିବାକୁ ମିଳିଛି। ମୁନକ କେନାଲରେ ଖୁବ୍ କମ୍ ପରିମାଣରେ ପାଣି ରହିଛି। ବଜିରାବାଦ ବ୍ୟାରେଜ୍କୁ ପାଣି ମିଳୁନି। ମୁଁ କେବଳ ହାତ ଯୋଡି ହରିୟାଣା ସରକାରଙ୍କୁ ଅପିଲ କରିପାରିବି ଯ, ଦିଲ୍ଲୀର ଲୋକଙ୍କ ଜୀବନ ଆପଣଙ୍କ ହାତରେ ରହିଛି।
ଦିଲ୍ଲୀରରେ ଜଳ ସଙ୍କଟ ଭିତରେ ଆତିଶି ସୋମବାର ବଜିରାବାଦ ବ୍ୟାରେଜ୍ ଓ ଓ୍ବାଟର ଟ୍ରିଟମେଣ୍ଟ ପ୍ଲାଣ୍ଟ ଗ୍ରସ୍ତ କରିଥିଲେ। ଗ୍ରାଉଣ୍ଡ ଜିରୋରେ ପହଁଞ୍ଚି ଆତିଶି ବ୍ୟାରେଜକୁ ପାଣି ଛଡା ଯାଉନଥିବାରୁ ଅସନ୍ତୋଷ ପ୍ରକାଶ କରିଥିଲେ। ଏହା ସହ ହରିୟାଣା ସରକାରଙ୍କୁ ଯମୁନା ନଦୀକୁ ପାଣି ଛାଡିବାକୁ ଅପିଲ କରିଛନ୍ତି।
