ପୁରୀ, ୩୦/୮ : ଭାଦ୍ରବ ଶୁକ୍ଳ ସପ୍ତମୀ ତିଥିରେ ସନ୍ଧ୍ୟାଧୂପ ପରେ ମହାପ୍ରଭୁଙ୍କର ନିକଟରେ କେକେଶି ବଧ ପ୍ରସ୍ତାବ ଅନୁଷ୍ଠିତ ହୋଇଥାଏ। କାଳିକାଦେବୀ ସାହି ଏହି କେକେଶି ବଧ ପ୍ରସ୍ତାବ କରିଥାନ୍ତି।
ଆଜି ଶୁକ୍ଳ ସପ୍ତମୀ ତିଥିରେ ସନ୍ଧ୍ୟାଧୂପ ପରେ ମଦନମୋହନ ରତ୍ନ ସିଂହାସନକୁ ବିଜେ କରି ଜଗନ୍ନାଥଙ୍କ ବାଡରୁ ଆଜ୍ଞାମାଳ ପ୍ରାପ୍ତି କରି ନାଟ ମଣ୍ଡପ ସ୍ଥିତ ଖଟ ଉପରକୁ ବିଜେ କରିବେ। ଏହା ପରେ ପ୍ରଭୁଙ୍କର ଛାମୁରେ କାଳିକାଦେବୀ ସାହି ଲୋକ କେକେଶି ବଧ ପ୍ରସ୍ତାବ କରିବେ। ଦ୍ୱାପର ଯୁଗର କଥା କେକେଶି ରାକ୍ଷସକୁ ମହାରାଜ କଂସ ଶ୍ରୀକୃଷ୍ଣଙ୍କୁ ହତ୍ୟା କରିବାକୁ ପଠାଇଥିଲେ। ସେ ଭିନ୍ନ ଭିନ୍ନ ରୂପ ଧାରଣ କରି ଭଗବାନ ଶ୍ରୀକୃଷ୍ଣଙ୍କୁ ଆକ୍ରମଣ କରିବାକୁ ଚେଷ୍ଟା କରିଥିଲା କିନ୍ତୁ ଭଗବାନ ଶ୍ରୀକୃଷ୍ଣ ତାର ପ୍ରକୃତ ରୂପ ଜାଣିପାରି ତାର ବଧ କରିଥିଲେ। ସେହି ସ୍ମୃତିରେ କାଳିକାଦେବୀ ସାହିରୁ କେକେଶି ବଧ ଲୀଳା କରିବା ପାଇଁ ଜଣେ ବେଶ ହୋଇ ସ୍ୱତନ୍ତ୍ର ଭାବରେ ଉପସ୍ଥିତ ହୁଅନ୍ତି। ସେହି ସମୟରେ ନାଟମଣ୍ଡପରେ ଉପସ୍ଥିତ ହେଲା ପରେ ପ୍ରଭୁଙ୍କୁ ଶୀତଳ ଭୋଗ ଓ ବନ୍ଦାପନା ବଢେ ଏହାପରେ ଦକ୍ଷୀଣି ଘରକୁ ପ୍ରତ୍ୟାବ୍ରତନ କରନ୍ତି।
