ନୂଆଦିଲ୍ଲୀ : ଇରାନ ଓ ଇସ୍ରାଏଲ ମଧ୍ୟରେ ବଢୁଥିବା ଉତ୍ତେଜନା ପୁଣି ଥରେ ମିଡିଲ-ଇଷ୍ଟରେ ବିପଦର ଘଣ୍ଟି ବଜାଇଛି। ଇରାନର ସର୍ବୋଚ୍ଚ ନେତା ଅୟାତୁଲ୍ଲା ଅଲୀ ଖାମେନେଇ ଇସ୍ରାଏଲର ସଦ୍ୟ ଏୟାର ହମଲାର ଜବାବରେ , ଦେଶର ସେନା ମୁଖ୍ୟଙ୍କୁ ଜବାବୀ କାର୍ଯ୍ୟାନୁଷ୍ଠାନ ପାଇଁ ପ୍ରସ୍ତୁତିର ଆଦେଶ ଦେଇଛନ୍ତି। କୁହାଯାଉଛି କି, ଖାମେନେଇ ଏହି ଆଦେଶ ସେତେବେଳେ ଜାରି କରିଛନ୍ତି , ଯେବେ ସେ ଇରାନରେ ଇସ୍ରାଏଲୀୟ ହମଲାରେ ହୋଇଥିବା କ୍ଷତିର ବିସ୍ତୃତ ସୂଚନା ପ୍ରାପ୍ତ ହୋଇଛି। ଇସ୍ରାଏଲ ଦ୍ୱାରା କରାଯାଇ ଥିବା ହମଲାରେ ଅଳ୍ପ ସଂଖ୍ୟକ ଇରାନୀ ସୈନିକଙ୍କ ମୃତ୍ୟୁ ହୋଇଛି। ଖାମେନେଇ କହିଛନ୍ତି କି , ଇରାନକୁ ଏହି ହମଲାର ପ୍ରତିଶୋଧ ନେବା ଉଚିତ୍‌ , ନୁହେଁତ ଏହାକୁ ଦୁର୍ବଳ ଭାବେ ଦେଖାଯିବ।

ଖବର ମୁତାବିକ, ଯେଉଁ ସ୍ଥାନରେ ହମଲା କରାଯାଇପାରେ ...ଇରାନୀ ସେନା ପ୍ଲାନର ଏହି ଇସ୍ରାଏଲୀୟ ଠିକଣା ଗୁଡ଼ିକର ଏକ ଲିଷ୍ଟ ପ୍ରସ୍ତୁତ କରୁଛି। ସୂଚନା ଅନୁସାରେ , ଇରାନ ଏହି ହମଲା ଇରାକର ରାସ୍ତାରେ ଥିବା ନିଜର ଫାଇଟରଙ୍କ ମାଧ୍ୟମରେ କରିପାରେ।ଏମିତି କୁହାଯାଉଛି କି , ଏହି ରଣନୀତିରେ ଇରାନ ନିଜର ହିଁ କ୍ଷେତ୍ରରେ ପ୍ରତ୍ୟକ୍ଷ ହମଲାରୁ ରକ୍ଷା ପାଇଁ ଇସ୍ରାଏଲକୁ ଗୁରୁତପୂର୍ଣ୍ଣ କ୍ଷତି କରିବାକୁ ଚେଷ୍ଟା କରିପାରେ। 

ଅନ୍ୟପଟେ , ଇସ୍ରାଏଲର ପ୍ରଧାନମନ୍ତ୍ରୀ ବେଞ୍ଜାମିନ ନେତନ୍ୟାହୁ କହିଛନ୍ତି ଯେ, ଇସ୍ରାଏଲର ସୁରକ୍ଷା ପ୍ରତି ତାଙ୍କର ନୀତିରେ କୌଣସି ଢିଲା ହେବ ନାହିଁ। ନେତନ୍ୟାହୁ ଏହି ହମଲା ପରେ ଘୋଷଣା କରିଛନ୍ତି ଯେ, ଇସ୍ରାଏଲୀୟ ବାୟୁ ସେନା ଇରାନର ଗୁରୁତ୍ତ୍ୱପୂର୍ଣ୍ଣ ସେନା ଠିକଣା ଗୁଡ଼ିକୁ ଟାର୍ଗେଟ୍ କରିଛି ଏବଂ ଦାବି କରିଛନ୍ତି ଯେ ଏହି ହମଲା ଇରାନର ବାୟୁ ପ୍ରତିରକ୍ଷା ପ୍ରଣାଳୀକୁ ଗୁରୁତର ରୂପେ ଦୁର୍ବଳ କରି ଦେଇଛି। ସେ ଏହା ମଧ୍ୟ କହିଛନ୍ତି, ଆମର ମୁଖ୍ୟ ଉଦ୍ଦେଶ୍ୟ ଇରାନକୁ ପରମାଣୁ ଅସ୍ତ୍ର ଯାଏ ପହଞ୍ଚିବାରୁ ରୋକିବା। ଆମେ ଇରାନରେ ଏମିତି ସ୍ଥାନ ଉପରେ ହମଲା କରିଛୁ , ଯାହା ସେ କେବେ ଭାବି ବି ନଥିଲେ। ଇସ୍ରାଏଲକୁ ଆଜି ଇରାନାରେ କେଉଁଠି ବି କାର୍ଯ୍ୟାନୁଷ୍ଠାନର ଅଧିକ ସ୍ୱାଧିନତା ମିଳିଛି। 

ମିଡ଼ିଆ ରିପୋର୍ଟ ମୁତାବିକ, ଇରାନ ପକ୍ଷରୁ ସଦ୍ୟ ହମଲା ପରେ କଡ଼ା ପ୍ରତିଶୋଧର ଧମକ ଦିଆଯାଇଛି। ସୂତ୍ରାନୁସାରେ , କିଛି ବିଶେଷଜ୍ଞଙ୍କ ଅନୁସାରେ ଇରାନ ଏହି ହମଲାର ଜବାବ ଆମେରିକାର ନିର୍ବାଚନ ପରେ ଦେଇପାରେ,  ଯାହାକି କିଛି ଏମିତି  ଖୁବ୍‌ ଶୀଘ୍ର ଘଟିବାର ଦେଖିବାକୁ ମିଳୁଛି। ଏମିତି ସ୍ଥିତିରେ ମିଡିଲ –ଇଷ୍ଟରେ ପୁଣି ଥରେ ଗୁରୁତର ବିପଦ ଘେରି ରହିଛି। ବିଶେଷଜ୍ଞଙ୍କ ଅନୁସାରେ ଇରାନ ଓ ଇସ୍ରାଏଲ ମଧ୍ୟରେ ଏହି ଉତ୍ତେଜିତ ମାହୋଲ ଆଗକୁ ଜାରି ରହିଲେ , ଏହାର ପ୍ରଭାବ କେବଳ ଏହି ଦୁଇ ଦେଶ ଉପରେ ନୁହେଁ ପୂରା ବିଶ୍ୱରେ ପଡ଼ିପାରେ।