ରାଉରକେଲା,୧୯/୦୬: ଲଘୁଚାପ ପ୍ରଭାବରେ ଇସ୍ପାତ ସହର ରାଉରକେଲାରେ ଗତ ୩ ଦିନ ହେଲା ଲାଗି ରହିଛି ବର୍ଷା। ଲଗାଣ ବର୍ଷା ଯୋଗୁଁ ଘରେ ଘରେ ପଶିଛି ପାଣି। ଫଳରେ ରାତି ଅନିଦ୍ରା ହୋଇ ରହିଥିଲେ ଲୋକେ।
ବର୍ଷା ଯୋଗୁଁ ସେକ୍ଟର- ୬, ସେକ୍ଟର-୧୫, ସେକ୍ଟର- ୧୬ ଅଞ୍ଚଳରେ ବସବାସ କରୁଥିବା ଲୋକେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି। ବର୍ଷା ପାଣି ନିଷ୍କାସନ ପାଇଁ ବ୍ୟବସ୍ଥା ନଥିବାରୁ ଏହି ସବୁ ଅଞ୍ଚଳର ଘରେ ଘରେ ପଶିଛି ପାଣି। ଏପରିକି ରାସ୍ତାରେ ପାଣି ଜମି ରହିଥିବାରୁ ଲୋକଙ୍କ ଯିବା ଆସିବାରେ ସମସ୍ୟା ସୃଷ୍ଟି ହୋଇଛି । ଘରେ ଘରେ ପାଣି ପଶିବା ଯୋଗୁଁ ଆସବାବପତ୍ର ସବୁ ଭିଜି ଯାଇଛି । ବର୍ତ୍ତମାନ ଯାଏଁ ପାଣି ନିଷ୍କାସନ ନେଇ ପ୍ରଶାସନ ପକ୍ଷରୁ କୌଣସି ବ୍ୟବସ୍ଥା କରାଯାଇନାହିଁ। ବର୍ଷା ଲାଗି ରହିଥିବାରୁ ଲୋକଙ୍କ ସମସ୍ୟା ଆହୁରି ବଢ଼ି ଯିବ।
